ആറട്ടൈയുടെ വൻ ജനപ്രീതിക്ക് ശേഷം ശ്രീധര് വെമ്പുവിന്റെ നേതൃത്വത്തിലുളള തദ്ദേശീയ സോഫ്റ്റ്വെയർ നിർമ്മാതാക്കളായ സോഹോ കോർപ്പറേഷൻ പുതിയ ഉല്പ്പന്നം അവതരിപ്പിച്ചിരിക്കുകയാണ്. പ്രൊഫഷണല് ടീമുകളെ ആശയങ്ങൾ പ്രാവർത്തികമാക്കാന് സഹായിക്കുന്ന വാണി (Vani) എന്ന എ.ഐ വിഷ്വൽ കൊളാബറേഷന് പ്ലാറ്റ്ഫോമാണ് കമ്പനി അവതരിപ്പിച്ചിരിക്കുന്നത്. ഗൂഗിൾ വർക്ക്സ്പെയ്സ് പ്രവർത്തിക്കുന്നതിന് സമാനമാണ് വാണിയുടെ പ്രവര്ത്തനം.
പ്രധാനമായും ചാറ്റിലോ ഡോക്യുമെന്റ് പങ്കിടലിലോ ശ്രദ്ധ കേന്ദ്രീകരിക്കുന്നവയാണ് പരമ്പരാഗത കൊളാബറേഷന് സോഫ്റ്റ്വെയറുകള്. അതേസമയം ടീമുകൾക്ക് ബ്രെയിൻസ്റ്റോം ചെയ്യാനും ആശയങ്ങൾ മാപ്പ് ചെയ്യാനും വർക്ക്ഫ്ലോകൾ വരയ്ക്കാനും പദ്ധതികൾ നടപ്പിലാക്കാനും കഴിയുന്ന ഡിജിറ്റൽ ക്യാൻവാസാണ് വാണി പ്ലാറ്റ്ഫോം നല്കുന്നതെന്ന് കമ്പനി വ്യക്തമാക്കുന്നു. ഹൈബ്രിഡ്, റിമോട്ട് ടീമുകൾക്ക് ഉപയോഗിക്കാവുന്ന തരത്തിലാണ് പ്ലാറ്റ്ഫോമിന്റെ രൂപകല്പ്പന.
വൈറ്റ്ബോർഡുകൾ, ഡയഗ്രമുകൾ, മൈൻഡ് മാപ്പുകൾ, സ്റ്റിക്കി നോട്ടുകൾ, വീഡിയോ കോളുകൾ തുടങ്ങിയ സവിശേഷതകളിലൂടെ ആശയങ്ങൾ ദൃശ്യവൽക്കരിക്കാൻ ഉപയോക്താക്കളെ ഇത് സഹായിക്കുന്നു. പുതിയ ചെറുപ്പക്കാരില് ( Gen X, Millennials അടക്കമുളളവര്) 60 ശതമാനത്തിലധികം പേരും വാക്കുകൾക്ക് പകരം ഡയഗ്രമുകൾ, വീഡിയോകൾ പോലുള്ള ദൃശ്യങ്ങളിലൂടെയാണ് ജോലികള് മികച്ച രീതിയിൽ നടപ്പാക്കുന്നത്. ഇതിലെ എ.ഐ ഉപകരണങ്ങൾക്ക് ഫ്ലോചാർട്ടുകൾ, മൈൻഡ് മാപ്പുകൾ പോലുള്ള ദൃശ്യ ഘടകങ്ങൾ തൽക്ഷണം സൃഷ്ടിക്കാൻ കഴിയും.
മാർക്കറ്റിംഗ് ടീമുകൾക്ക് കാമ്പെയ്നുകൾ ആസൂത്രണം ചെയ്യാനും ക്ലസ്റ്റർ ആശയങ്ങൾ ആസൂത്രണം ചെയ്യാനും കസ്റ്റമേഴ്സിനെ സന്ദര്ശിക്കാനുളള യാത്രകൾ സഹകരിച്ച് രൂപകൽപ്പന ചെയ്യാനും കഴിയും.
ദൈർഘ്യമേറിയ രേഖകൾ ഇല്ലാതെ തന്നെ പ്രോഡക്ട് ടീമുകൾക്ക് റോഡ്മാപ്പുകൾ ദൃശ്യവൽക്കരിക്കാനും ഫീച്ചറുകള് താരതമ്യം ചെയ്യാനും മുൻഗണനകൾ വിന്യസിക്കാനും കഴിയും.
ഡിസൈൻ ടീമുകൾക്ക് മൂഡ്ബോർഡുകൾ നിർമ്മിക്കാനും വയർഫ്രെയിമുകൾ വരയ്ക്കാനും തത്സമയ അഭിപ്രായങ്ങള് രേഖപ്പെടുത്താനും കഴിയും.
എഞ്ചിനീയറിംഗ് ടീമുകൾക്ക് സിസ്റ്റം ഫ്ലോകൾ മാപ്പ് ചെയ്യാനും കുറഞ്ഞ സമയത്തിനുളളില് ജോലികള് ആസൂത്രണം ചെയ്യാനും കഴിയും.
സെയില്സ് ടീമുകൾക്ക് പ്രൊപ്പോസലുകൾ സഹകരിച്ച് സൃഷ്ടിക്കാനും ക്ലയന്റുകള്ക്ക് തത്സമയ ഫീഡ്ബാക്ക് നല്കാനും കഴിയും.
കമ്പനിയിലെ വ്യത്യസ്ത ടീമുകള്ക്കിടയില് ജോലികള് കൂടുതൽ പങ്കിട്ട് നിര്വഹിക്കുകയും ദൃശ്യ ആശയവിനിമയത്തിന് പ്രാധാന്യം ലഭിക്കുകയും ചെയ്യുന്ന സാഹചര്യമാണ് ഇപ്പോള് രൂപപ്പെടുന്നത്. അടുത്ത തലമുറയിലെ ചെറുപ്പക്കാര്ക്ക് ടീം വർക്കുകള് നടപ്പാക്കുന്നതിനായി രൂപകല്പ്പന ചെയ്ത പ്ലാറ്റ്ഫോം എന്ന നിലയിലാണ് വാണിയെ സോഹോ അവതരിപ്പിച്ചിരിക്കുന്നത്.
Zoho launches 'Vani', a visual collaboration platform empowering hybrid teams after the success of Arattai.
Read DhanamOnline in English
Subscribe to Dhanam Magazine