നിങ്ങള് എപ്പോഴെങ്കിലും ചിന്തിച്ചിട്ടുണ്ടോ, നമ്മുടെ വീട്ടിലെ മുതിര്ന്നവര് കാണാതെ പോയ മനോഹര ഇടങ്ങളെക്കുറിച്ച്. നമ്മുടെ മുത്തച്ഛനോ മുത്തശ്ശിയോ ഒക്കെ കേരളമെങ്കിലും പൂര്ണണായും കണ്ടുതീര്ത്തവരായിരിക്കുമോ...ആലോചിച്ച് തലപുകയ്ക്കേണ്ട. കേരളത്തിലെ മനോഹരമായ സ്ഥലങ്ങള് പോലും കാണാന് ഭാഗ്യമില്ലാതെ പോയ എത്രപേരുണ്ടെന്നറിയാമോ.
ഇന്ന് സോഷ്യല്മീഡിയയിലൂടെയും ഇന്റര്നെറ്റിന്റെ സഹായത്തോടെയുമെല്ലാം ആളുകള് നമ്മള് ജീവിക്കുന്ന ലോകത്തെ മനോഹര സ്ഥലങ്ങളെക്കുറിച്ചുള്ള അറിവ് നേടിയവരാണ്.
ആദ്യമായി ഒരു ജോലി കിട്ടിയാല് 'ഇനി പത്തുപൈസ സമ്പാദിക്കണം' എന്നു പറയുന്നവരില് നിന്നും 'ഇനി വേണം ട്രിപ്പ് പോകാന്' എന്നു പറയുന്ന രീതിയിലേക്ക് ഇന്നത്തെ തലമുറ മാറിക്കഴിഞ്ഞു.
ലോകത്തില് കണ്ടിരിക്കേണ്ട മനോഹരമായ 50 സ്ഥലങ്ങളെ അടയാളപ്പെടുത്തുന്ന ടൈം മാഗസിന് പട്ടികയില് വരെ കേരളം കടന്നിരിക്കുകയാണ്. ഇക്കഴിഞ്ഞ ദിവസം പുറത്തുവന്ന ലിസ്റ്റില് ലോകത്തിലെ ആദ്യത്തെ പൈതൃകനഗരമായി യുനെസ്കോ രേഖപ്പെടു്തതിയ അഹമ്മദാബാദും ഇന്ത്യയില്നിന്ന് ഇടംപിടിച്ചിട്ടുണ്ട്.
കേരളത്തിന്റെ പ്രകൃതി ഭംഗി മാത്രമല്ല, മനംനിറയ്ക്കുന്ന കടലോരം, സമൃദ്ധമായ കായലോരം, ക്ഷേത്രങ്ങള്, കൊട്ടാരങ്ങള് എന്നിവയാല് അനുഗൃഹീതമായ കേരളം ഇന്ത്യയിലെ ഏറ്റവും മനോഹര സംസ്ഥാനങ്ങളിലൊന്നെന്നായിരുന്നു ടൈം മാഗസിന് വിലയിരുത്തിയത്. കേരളത്തില് എത്ര മനോഹര സ്ഥലങ്ങളാണ് കണ്ടുതീര്ക്കാന്. ഇതാ ഒരിക്കലെങ്കിലും കേരളത്തിലെ ഈ സ്ഥലങ്ങള് നിങ്ങള് സന്ദര്ശിച്ചിരിക്കണം.
കാസര്ഗോഡ് ബേക്കല് ഫോര്ട്ടും ആഞ്ചലോ ഫോര്ട്ടും കാണാതെ മലബാറിന്റെ പെരുമയും ഇന്ത്യയില് കേരളത്തെ വ്യക്തമായി വരച്ചിട്ട ചരിത്ര വഴികളും കാണാനും അറിയാനും കഴിയില്ല.
ആലപ്പുഴ, മാരാരി, കോഴിക്കോട്, പയ്യാമ്പലം, കണ്ണൂര് മുഴപ്പിലങ്ങാട് ബീച്ച് അങ്ങനെ ഈ മനോഹര തീരത്തു തരുമോ ഇനിയൊരു ജന്മം എന്നു പറഞ്ഞു പോകുന്ന കാഴ്ചകള്. കൂടെ മധുരം നുകരാന് കോഴിക്കോടന് മിഠായിത്തെരുവും.
വാഗമണ്ണും മൂന്നാറും റാണിപുരവും ഉള്പ്പെടുന്ന കേരളത്തിലെ കണ്ടുതീര്ക്കാനാകാത്ത മനോഹാരിത ഒളിപ്പിച്ച കുന്നുകളെയും കാണണം.
ബാണാസുര സാഗറും ഇടുക്കി ഡാമും കാണാതെ മലയാളി എങ്ങനെ മലയാളിയാകും. ഇനിയും തീര്ന്നില്ല ഡാമുകള്. ഉരുക്കിന്റെ കരുത്തോടെ കേരളത്തിന്റെ വൈവിധ്യങ്ങള്ക്ക് വെള്ളവും വളവും പകരുന്ന ഇടങ്ങളേറെ.
കാഴ്ചകളുടെ വൈവിധ്യവും മനോഹാരിതയും ഇവിടെ തീരുന്നില്ല. കേരളത്തെ വിസ്മയങ്ങളുടെ പറുദീസയാക്കുന്ന ഇടങ്ങള് ഇനിയുമുണ്ട്. നിങ്ങള് കണ്ട മനോഹര സ്ഥലങ്ങള് പങ്കുവയ്ക്കൂ.
e-mail: dhanam20@gmail.com
Read DhanamOnline in English
Subscribe to Dhanam Magazine