സാങ്കേതിക വിശകലനം
(ഡിസംബര്‍ 20 -ലെ മാര്‍ക്കറ്റ് ക്ലോസിംഗിനെ അടിസ്ഥാനമാക്കി)
നിഫ്റ്റി 35.15 പോയിന്റ് (0.19%) താഴ്ന്ന് 18,385.30 -ലാണ് ക്ലോസ് ചെയ്തത്. സൂചിക 18,500-ന് താഴെ തുടരുന്നിടത്തോളം താഴോട്ടുള്ള ചായ് വ് തുടരും.
നിഫ്റ്റി 18,340.30 ലെവലില്‍ താഴ്ചയോടെ ആരംഭിച്ചു. രാവിലെ തന്നെ 18,202.70 എന്ന താഴ്ന്ന നിലവാരത്തിലെത്തി. എന്നാല്‍ ഉച്ചകഴിഞ്ഞു സൂചിക കുതിച്ചുകയറി ദിവസത്തെ ഉയര്‍ന്ന നിലയായ 18,404.90 പരീക്ഷിച്ചു. 18,385.30 ല്‍ ക്ലോസ് ചെയ്തു. ഐടിയും ലോഹങ്ങളും ഒഴികെയുള്ള എല്ലാ മേഖലകളും താഴ്ചയോടെ ക്ലോസ് ചെയ്തു. റിയല്‍റ്റി, മീഡിയ, ഓട്ടോ, എഫ്എംസിജി എന്നിവയാണ് ഏറ്റവും കൂടുതല്‍ നഷ്ടം നേരിട്ടത്. 916 ഓഹരികള്‍ ഉയര്‍ന്നു, 1285 എണ്ണം ഇടിഞ്ഞു, 127 എണ്ണം മാറ്റമില്ലാതെ തുടര്‍ന്നു.
ആക്കം സൂചകങ്ങളും ഹ്രസ്വകാല മൂവിംഗ് ശരാശരികളും താഴാനുള്ള പ്രവണത കാണിക്കുന്നു. പക്ഷേ, സൂചിക ഡെയ്ലി ചാര്‍ട്ടില്‍ ഒരു വെളുത്ത മെഴുകുതിരി രൂപപ്പെടുത്തി ദിവസത്തിന്റെ ഉയര്‍ന്ന നിലവാരത്തിനടുത്തായി ക്ലോസ് ചെയ്തു. സൂചിക 18,400ന് മുകളില്‍ ട്രേഡ് ചെയ്തു നിലനിന്നാല്‍ ഇന്ന് പോസിറ്റീവ് ട്രെന്‍ഡ് പ്രതീക്ഷിക്കാം. സൂചികയ്ക്ക് 18,500-ല്‍ ഹ്രസ്വകാല പ്രതിരോധമുണ്ട്. സൂചിക ഈ നിലയ്ക്ക് താഴെ തുടരുന്നിടത്തോളം, താഴാനുള്ള പ്രവണത നിലനില്‍ക്കും. സമീപകാലത്തെ ഏറ്റവും താഴ്ന്ന നിലയായ 18,200 സൂചികയ്ക്ക് ഇന്‍ട്രാഡേ പിന്തുണയായി വര്‍ത്തിക്കുന്നു. വരും ദിവസങ്ങളില്‍, സൂചിക ഈ നിലയ്ക്ക് താഴെ ക്ലോസ് ചെയ്താല്‍ അടുത്ത സപ്പോര്‍ട്ട് ലെവല്‍ 18,000 പരീക്ഷിച്ചേക്കാം.
പിന്തുണ - പ്രതിരോധ നിലകള്‍
ഇന്‍ട്രാഡേ സപ്പോര്‍ട്ട് ലെവലുകള്‍ 18,300-18,200-18,100
റെസിസ്റ്റന്‍സ് ലെവലുകള്‍
18,400-18,500 -18,600
(15 മിനിറ്റ് ചാര്‍ട്ടുകള്‍)
യുഎസ് വിപണികള്‍ നേട്ടത്തിലാണു ക്ലോസ് ചെയ്തത്. യൂറോപ്യന്‍ വിപണികള്‍ സമ്മിശ്ര നിലയില്‍ അവസാനിച്ചു, എഫ്ടിഎസ്ഇ 100 നേട്ടത്തില്‍ ക്ലോസ് ചെയ്തു, എന്നാല്‍ സിഎസി, ഡാക്‌സ് എന്നിവ താഴ്ന്നു ക്ലോസ് ചെയ്തു.
ഇന്നത്തെ ഏഷ്യന്‍ വിപണികള്‍ സമ്മിശ്ര നിലയിലാണ്. എസ്ജിഎക്സ് നിഫ്റ്റി 18,496 ലെവലിലാണ് വ്യാപാരം നടത്തുന്നത്, ഇത് മുന്‍ ക്ലോസിംഗിനേക്കാള്‍ ഉയര്‍ന്നതാണ്. നിഫ്റ്റി ഇന്ന് കാര്യമായ മാറ്റമില്ലാതെ വ്യാപാരം തുടങ്ങിയേക്കാം. വിദേശ നിക്ഷേപകര്‍ 455.94 കോടിയുടെ ഓഹരികള്‍ വാങ്ങി, സ്വദേശി സ്ഥാപനങ്ങളും 494.74 കോടിയുടെ ഓഹരികള്‍ വാങ്ങി.
ബാങ്ക് നിഫ്റ്റി
ഹ്രസ്വകാല പ്രവണത - സമാഹരണം
ബാങ്ക് നിഫ്റ്റി 54.25 പോയിന്റ് താഴ്ന്ന് 43,359.50 എന്ന നിലയിലാണ് ക്ലോസ് ചെയ്തത്. മൊമെന്റം സൂചകങ്ങള്‍ നെഗറ്റീവ് പ്രവണത കാണിക്കുന്നു, എന്നാല്‍ സൂചിക ദൈനംദിന ചാര്‍ട്ടില്‍ ചെറിയ വെളുത്ത മെഴുകുതിരി രൂപപ്പെടുത്തി ദിവസത്തിലെ ഉയര്‍ന്ന നിലവാരത്തിനു സമീപം ക്ലോസ് ചെയ്തു. സൂചിക 43,450 ന് മുകളില്‍ ട്രേഡ് ചെയ്തു നിലനിന്നാല്‍ ഇന്ന് നേരിയ പോസിറ്റീവ് ട്രെന്‍ഡ് പ്രതീക്ഷിക്കാം. ഈയിടെയായി 43,000-44,000 എന്ന ട്രേഡിംഗ് ബാന്‍ഡിനുള്ളില്‍ സൂചിക സമാഹരിക്കുകയാണ്. ഒരു ദിശ നിര്‍ണയിക്കാന്‍ ഈ ലെവലുകളില്‍ ഏതെങ്കിലുമൊന്നില്‍ നിന്ന് പുറത്തുകടക്കേണ്ടത് ആവശ്യമാണ്.
ഇന്‍ട്രാ ഡേ സപ്പോര്‍ട്ട് ലെവലുകള്‍ 43,200-43,000-42,800
റെസിസ്റ്റന്‍സ് ലെവലുകള്‍
43,400-43,600 -43,800
(15 മിനിറ്റ് ചാര്‍ട്ടുകള്‍
