സാങ്കേതിക വിശകലനം: നിഫ്റ്റിയുടെ മുന്നേറ്റം, പ്രതിരോധ നില ഇതാണ്

(ഡിസംബർ 28-ലെ മാർക്കറ്റ് ക്ലോസിംഗിനെ അടിസ്ഥാനമാക്കി)

നിഫ്റ്റി 9.80 പോയിന്റ് (0.05 ശതമാനം) ഇടിഞ്ഞ് 18,122.50 എന്ന നിലയിലാണ് ക്ലോസ് ചെയ്തത്. നിഫ്റ്റി 18,175ന് മുകളിൽ ട്രേഡ് ചെയ്തു നില നിന്നാൽ കയറ്റം തുടരാം.

നിഫ്റ്റി താഴ്ചയോടെ18,084.80-ൽ ഓപ്പൺ ചെയ്തു. മുകളിലേക്ക് നീങ്ങുന്നതിന് മുമ്പ് 18,068.30 എന്ന താഴ്ന്ന നിലവാരത്തിലെത്തി. പിന്നീട് സൂചിക ക്രമേണ ഉയർന്ന് 18,173.10 ൽ ദിവസത്തെ ഉയർന്ന നിലവാരം പരീക്ഷിച്ചു. 18,122.50 ൽ ക്ലോസ് ചെയ്തു. ഓട്ടോ, മീഡിയ, റിയൽറ്റി, എഫ്എംസിജി മേഖലകൾ നേട്ടമുണ്ടാക്കിയപ്പോൾ ഫാർമ, മെറ്റൽ, ഐടി, ധനകാര്യ സേവനങ്ങൾ എന്നിവ നഷ്ടത്തിലായി. 1295 ഓഹരികൾ ഉയർന്നു, 891 എണ്ണം ഇടിഞ്ഞു, 145 എണ്ണം മാറ്റമില്ലാതെ തുടർന്നു.

ആക്കം സൂചകങ്ങളും ഹ്രസ്വകാല മൂവിംഗ് ശരാശരികളും നെഗറ്റീവ് പ്രവണത സൂചിപ്പിക്കുന്നു. പക്ഷേ, സൂചിക പ്രതിദിന ചാർട്ടിൽ തുടർച്ചയായ മൂന്നാമത്തെ വെളുത്ത മെഴുകുതിരി രൂപീകരിച്ച് കഴിഞ്ഞ ദിവസത്തെ ക്ലോസിംഗിനു തൊട്ടുതാഴെയായി ക്ലോസ് ചെയ്തു. ഇന്ന് 18,175-ന് മുകളിൽ ട്രേഡ് ചെയ്തു നിലനിർത്തിയാൽ, പോസിറ്റീവ് ട്രെൻഡ് ഇന്നും തുടരാം. സൂചികയ്ക്ക് 18,000 ലെവലിൽ ഹ്രസ്വകാല പിന്തുണയുണ്ട്. ഈ ലെവലിന് താഴെ ക്ലോസ് ചെയ്യുകയാണെങ്കിൽ, താഴോട്ടുള്ള യാത്ര പുനരാരംഭിക്കാം.

പിന്തുണ - പ്രതിരോധ നിലകൾ

ഇൻട്രാഡേ സപ്പോർട്ട് ലെവലുകൾ 18,100-18,025-17,950

റെസിസ്റ്റൻസ് ലെവലുകൾ

18,170-18,250 -18,350

(15 മിനിറ്റ് ചാർട്ടുകൾ)

യുഎസ് വിപണി താഴ്ന്നു ക്ലോസ് ചെയ്തു. എന്നാൽ യൂറോപ്യൻ വിപണികൾ ഭിന്ന ദിശകളിലാണ് അവസാനിച്ചത്. ഏഷ്യൻ വിപണികൾ രാവിലെ നഷ്ടത്തിലാണ് വ്യാപാരം നടത്തുന്നത്. എസ്‌ജിഎക്‌സ് നിഫ്റ്റി 18,072 ലെവലിൽ ആണ്. ഇത് മുൻ ക്ലോസിംഗിനേക്കാൾ താഴെയാണ്. നിഫ്റ്റി ഇന്ന് താഴ്ന്നു വ്യാപാരം തുടങ്ങാം.

വിദേശ നിക്ഷേപകർ 872.59 കോടിയുടെ ഓഹരികൾ വിറ്റു, എന്നാൽ സ്വദേശി സ്ഥാപനങ്ങൾ 372.87 കോടിയുടെ ഓഹരികൾ വാങ്ങി.

ബാങ്ക് നിഫ്റ്റി

ഹ്രസ്വകാല പ്രവണത - സമാഹരണം

ബാങ്ക് നിഫ്റ്റി 31.80 പോയിന്റ് താഴ്ന്ന് 42,827.70 എന്ന നിലയിലാണ് ക്ലോസ് ചെയ്തത്. മൊമെന്റം സൂചകങ്ങളും ഹ്രസ്വകാല മൂവിംഗ് ശരാശരികളും നെഗറ്റീവ് പ്രവണത സൂചിപ്പിക്കുന്നു. സൂചിക പ്രതിദിന ചാർട്ടിൽ തുടർച്ചയായ രണ്ടാം ഡോജി മെഴുകുതിരി രൂപീകരിച്ചെങ്കിലും കഴിഞ്ഞ ദിവസത്തെ ക്ലോസിംഗിനു തൊട്ടുതാഴെയാണ് ക്ലോസ് ചെയ്തത്. സൂചികയ്ക്ക് 43,000 ലെവലിൽ ഹ്രസ്വകാല പ്രതിരോധമുണ്ട്. സൂചിക ഈ ലെവലിന് മുകളിൽ ട്രേഡ് ചെയ്തു നില നിന്നാൽ വരും ദിവസങ്ങളിലും മുന്നേറ്റം തുടരാം. ഏറ്റവും അടുത്തുള്ള ഇൻട്രാഡേ പിന്തുണ 42,800 ലെവലിലാണ്. ഈ ലെവലിന് താഴെ നേരിയ നെഗറ്റീവ് ട്രെൻഡ് ഇന്ന് പ്രതീക്ഷിക്കാം.

ഇൻട്രാഡേ സപ്പോർട്ട് ലെവലുകൾ

42,800-42,600-42,400

റെസിസ്റ്റൻസ് ലെവലുകൾ

43,000-43,200 -43,400

(15 മിനിറ്റ് ചാർട്ടുകൾ).