സാങ്കേതിക വിശകലനം: നിഫ്റ്റി 18,000 ത്തിന് താഴെ തുടർന്നാൽ എന്താണ് സംഭവിക്കുക?

സാങ്കേതിക വിശകലനം
(ജനുവരി അഞ്ചിലെ മാർക്കറ്റ് ക്ലോസിംഗിനെ അടിസ്ഥാനമാക്കി)

നിഫ്റ്റി 50.80 പോയിന്റ് (0.28 ശതമാനം) താഴ്ന്ന് 17,992.15-ൽ ക്ലോസ് ചെയ്തു, 18000-ന് താഴെ തുടർന്നാൽ താഴ്ച തുടരാം.

നിഫ്റ്റി അൽപം ഉയർന്ന് 18,101.90 ൽ വ്യാപാരം തുടങ്ങി. രാവിലെ തന്നെ 18,120.30 ൽ ദിവസത്തിലെ ഉയർന്ന നില പരീക്ഷിച്ചു. തുടർന്ന് സൂചിക ഇടിഞ്ഞ് 17,892.60 എന്ന താഴ്ന്ന നിലയിലെത്തിയിട്ട് 17,992.15 ൽ ക്ലോസ് ചെയ്തു.

എഫ്എംസിജി, ഓട്ടോ, ഫാർമ, ലോഹങ്ങൾ എന്നിവയാണ് മികച്ച നേട്ടമുണ്ടാക്കിയത്. അതേസമയം ധനകാര്യ സേവനങ്ങൾ, ബാങ്കുകൾ, ഐടി എന്നിവ നഷ്ടത്തിൽ ക്ലോസ് ചെയ്തു. 971 ഓഹരികൾ ഉയർന്നു, 1232 എണ്ണം ഇടിഞ്ഞു, 133 എണ്ണം മാറ്റമില്ലാതെ തുടർന്നു. ഇത് വിപണിയുടെ നെഗറ്റീവ് പ്രവണത കാണിക്കുന്നു.

ആക്കം സൂചകങ്ങളും ഹ്രസ്വകാല മൂവിംഗ് ശരാശരികളും താഴോട്ടുള്ള ചായ് വിനെ സൂചിപ്പിക്കുന്നു. സൂചിക ഡെയ്‌ലി ചാർട്ടിൽ കറുത്ത മെഴുകുതിരി രൂപപ്പെടുത്തി 18,000 എന്ന മുൻ പിന്തുണയ്‌ക്ക് തൊട്ടുതാഴെയായി ക്ലോസ് ചെയ്‌തു. സൂചിക ഈ നിലവാരത്തിൽ ട്രേഡ് ചെയ്തു നിലനിർത്തിയാൽ വരും ദിവസങ്ങളിലും ഇടിവ് തുടരും. അടുത്ത ഹ്രസ്വകാല പിന്തുണ 17,770 -17,500 ഏരിയയിലാണ്. ഒരു പുൾബാക്ക് റാലിക്ക്, സൂചിക 18,000-ന് മുകളിൽ തുടരേണ്ടതുണ്ട്. ഉയർന്ന ഭാഗത്ത്, സൂചികയ്ക്ക് 18,130-ൽ പ്രതിരോധമുണ്ട്.

പിന്തുണ - പ്രതിരോധ നിലകൾ
ഇൻട്രാഡേ സപ്പോർട്ട് ലെവലുകൾ 17,950-17,900-17,850
റെസിസ്റ്റൻസ് ലെവലുകൾ
18,000-18,050-18,130
(15 മിനിറ്റ് ചാർട്ടുകൾ)

യുഎസ് വിപണി താഴ്ന്നു ക്ലോസ് ചെയ്തു, യൂറോപ്യൻ സൂചികകളായ സിഎസി, ഡാക്സ് എന്നിവയും താഴ്ചയിലാണ് ക്ലോസ് ചെയ്തത്. ഏഷ്യൻ വിപണികൾ രാവിലെ നല്ല ഉയർച്ചയിലാണു വ്യാപാരം നടത്തുന്നത്. എസ്‌ജിഎക്‌സ് നിഫ്റ്റി 18,048ലാണ്. മുൻ ക്ലോസിംഗിനേക്കാൾ ഉയർന്നാണിത്. നിഫ്റ്റി ഇന്ന് കാര്യമായ മാറ്റമില്ലാതെ വ്യാപാരം തുടങ്ങിയേക്കാം. വിദേശ നിക്ഷേപകർ 1449.45 കോടി രൂപയുടെ ഓഹരികൾ വിറ്റു, സ്വദേശി സ്ഥാപനങ്ങൾ 194.09 കോടിയുടെ വിൽപനയും നടത്തി.

ബാങ്ക് നിഫ്റ്റി

ഹ്രസ്വകാല പ്രവണത - താഴോട്ടു ചായ്‌വ്

ബാങ്ക് നിഫ്റ്റി 350.10 പോയിന്റ് താഴ്ന്ന് 42,608.70 എന്ന നിലയിലാണ് ക്ലോസ് ചെയ്തത്. മൊമെന്റം സൂചകങ്ങളും ഹ്രസ്വകാല മൂവിംഗ് ശരാശരികളും നെഗറ്റീവ് പ്രവണത സൂചിപ്പിക്കുന്നു. ഡെയ്‌ലി ചാർട്ടിൽ നീണ്ട കറുത്ത മെഴുകുതിരി രൂപപ്പെടുത്തി 42,500 എന്ന പിന്തുണയ്‌ക്ക് സമീപം സൂചിക ക്ലോസ് ചെയ്‌തു. സൂചിക ഈ നിലവാരത്തിന് താഴെ ട്രേഡ് ചെയ്തു നിലനിന്നാൽ വരും ദിവസങ്ങളിലും ഇടിവ് തുടരും. അല്ലെങ്കിൽ, കുറച്ച് ദിവസത്തേക്ക് സൂചിക 42,500 -43,600 മേഖലയിൽ സമാഹരിക്കാം.

ഇൻട്രാഡേ സപ്പോർട്ട് ലെവലുകൾ 42,600-42,400-42,200
റെസിസ്റ്റൻസ് ലെവലുകൾ
42,800-43,000 -43,200
(15 മിനിറ്റ് ചാർട്ടുകൾ)