സാങ്കേതിക വിശകലനം: വാരാന്ത്യ അവലോകനം; പുതിയ ആഴ്ചയിൽ കുതിപ്പ് തുടരുമോ?

കഴിഞ്ഞ ആഴ്ച നിഫ്റ്റി എക്കാലത്തെയും ഉയർന്ന 18,887.60 ന് അടുത്ത് ക്ലോസ് ചെയ്തു. നിലവിലെ ബുള്ളിഷ് ട്രെൻഡ് തുടരാം.

( ഡിസംബർ രണ്ടിലെ മാർക്കറ്റ് ക്ലോസിംഗ് അടിസ്ഥാനമാക്കി )

തിങ്കളാഴ്ച, നിഫ്റ്റി 18,430.60 ൽ ഓപ്പൺ ചെയ്ത ശേഷം ആഴ്ചയിലെ ഏറ്റവും താഴ്ന്ന നിലയായ 16,365.60 ൽ എത്തി. ക്രമേണ ഉയർന്ന് 18,887.60 എന്ന ആഴ്‌ചയിലെ ഉയർന്ന നിലവാരം പരീക്ഷിച്ച് 183.30 പോയിന്റ് (1.0%) പ്രതിവാര നേട്ടത്തോടെ 18,696.10-ൽ ക്ലോസ് ചെയ്തു. എല്ലാ മേഖലാ സൂചികകളും ബുള്ളിഷ് ഭാവത്തിൽ ക്ലോസ് ചെയ്തു. മാധ്യമങ്ങൾ, റിയൽറ്റി, മെറ്റൽ, ഐടി എന്നിവയാണ് ഏറ്റവും കൂടുതൽ നേട്ടമുണ്ടാക്കിയത്.

സാങ്കേതികമായി മൊമെന്റം സൂചകങ്ങളും മൂവിംഗ് ശരാശരിയും ബുള്ളിഷ് പ്രവണത കാണിക്കുന്നു. നിഫ്റ്റി പ്രതിവാര ചാർട്ടിൽ ഒരു വെളുത്ത മെഴുകുതിരി രൂപപ്പെടുത്തി എക്കാലത്തെയും ഉയർന്ന നിലവാരത്തിനടുത്തായി ക്ലോസ് ചെയ്തു. ഇതെല്ലാം ബുള്ളിഷ് ട്രെൻഡ് തുടരാനുള്ള സാധ്യത സൂചിപ്പിക്കുന്നു. നിഫ്റ്റി 18,500 എന്ന ഹ്രസ്വകാല പിന്തുണയ്‌ക്ക് മുകളിൽ തുടരുകയാണെങ്കിൽ, വരും ദിവസങ്ങളിലും കയറ്റം തുടരാം. ഉയരുമ്പോൾ അടുത്ത പ്രതിരോധം 19,000 -19,200 ലെവലിൽ തുടരുന്നു.

ബാങ്ക് നിഫ്റ്റി

ബാങ്ക് നിഫ്റ്റി പ്രതിവാര ക്ലോസ് റെക്കോർഡ് ആയ 43,103.80 ലെവലിലാണ്. മുന്നേറ്റം വരും ദിവസങ്ങളിലും തുടരാം. ബാങ്ക് നിഫ്റ്റി 119.90 പോയിന്റ് നേട്ടത്തോടെ 43,103.80 എന്ന റെക്കോർഡ് ഉയരത്തിൽ ക്ലോസ് ചെയ്തു. മൊമെന്റം സൂചകങ്ങളും ഹ്രസ്വകാല മൂവിംഗ് ശരാശരികളും മുന്നേറ്റം സൂചിപ്പിക്കുന്നു. പ്രതിവാര ചാർട്ടിൽ, നിഫ്റ്റി ഒരു വെളുത്ത മെഴുകുതിരി രൂപപ്പെടുത്തി മുൻ ആഴ്‌ചയിലെ ക്ലോസിംഗിന് തൊട്ടുമുകളിൽ ക്ലോസ് ചെയ്തു.

ഉയരുമ്പോൾ ഹ്രസ്വകാല പ്രതിരോധം 43,500 ൽ തുടരുന്നു. ബുള്ളിഷ് പ്രവണതയുടെ തുടർച്ചയ്ക്ക്, സൂചിക ഈ നിലയ്ക്ക് മുകളിൽ ക്ലോസ് ചെയ്യേണ്ടതുണ്ട്. 44,000 ലെവലിലാണ് അടുത്ത പ്രതിരോധം ഏറ്റവും അടുത്തുള്ള പ്രതിവാര പിന്തുണ 42,600 ലെവലിലാണ്.

(പ്രതിവാര ചാർട്ടിനെ അടിസ്ഥാനമാക്കിയുള്ള വിശകലനം)