സാങ്കേതിക വിശകലനം: ബുള്ളിഷ് പ്രവണത തുടരും; പ്രതിരോധ നില ഇതാണ്

നിഫ്റ്റി ബുള്ളിഷ് ആക്കം നിലനിർത്തുന്നതിനാൽ സമീപഭാവിയിൽ 18,500-18,600 പ്രതിരോധ മേഖലയെ പരീക്ഷിച്ചേക്കാം.

നിഫ്റ്റി 133.20 പോയിന്റ് (0.74%) ഉയർന്ന് 18,145.40-ൽ ക്ലോസ് ചെയ്തു. സൂചിക 18,130.40ൽ നേട്ടത്തോടെ വ്യാപാരം ആരംഭിച്ച് 18,175.80 എന്ന ഉയർന്ന നിലവാരത്തിലെത്തി. പിന്നീടു ക്രമേണ താഴ്ന്ന് 18,060.20 പരീക്ഷിച്ചിട്ട്18,145.40ൽ ക്ലോസ് ചെയ്തു. ലോഹം, ഫാർമ, ഐടി, റിയാലിറ്റി തുടങ്ങിയ മേഖലകളിൽ മികച്ച നേട്ടമുണ്ടായപ്പോൾ ബാങ്കുകളും മാധ്യമങ്ങളും താഴ്ന്നു. വിപണിഗതി പോസിറ്റീവ് ആയിരുന്നു. 1122 ഓഹരികൾ ഉയർന്നു, 990 എണ്ണം ഇടിഞ്ഞു, 191 എണ്ണത്തി നു മാറ്റമില്ല.

മൊമെന്റം സൂചകങ്ങളും മൂവിംഗ് ശരാശരികളും പോസിറ്റീവ് പ്രവണത സൂചിപ്പിക്കുന്നു. പ്രതിദിന ചാർട്ടിൽ ചെറിയ വെളുത്ത മെഴുകുതിരി രൂപപ്പെട്ട് മുൻ ദിവസത്തെ ഉയർന്ന നിരക്കിന് മുകളിൽ ക്ലോസ് ചെയ്തു. ഉയരുമ്പോൾ സൂചികയ്ക്ക് 18,175-ൽ ഇൻട്രാഡേ പ്രതിരോധമുണ്ട്. സൂചിക ഈ നിലവാരത്തിന് മുകളിൽ നിലനിന്നാൽ ബുള്ളിഷ് ട്രെൻഡ് ഇന്നും തുടരാം. ഒരു ഹ്രസ്വകാല സപ്പോർട്ട് ലെവൽ 18,000 ആണ്, ഹ്രസ്വകാല പ്രതിരോധം18,500-18,600 ഏരിയയിലാണ്.

പിന്തുണ-പ്രതിരോധ നിലകൾ

ഇൻട്രാഡേ സപ്പോർട്ട് ലെവലുകൾ

18,100-18,020-17,950

റെസിസ്റ്റൻസ് ലെവലുകൾ 18,175-18,250-18,325 (15 മിനിറ്റ് ചാർട്ടുകൾ)

യുഎസ് 'വിപണി നേരിയ താഴ്ചയോടെ ക്ലോസ് ചെയ്തപ്പോൾ യൂറോപ്യൻ വിപണികൾ നേട്ടത്തിൽ ക്ലോസ് ചെയ്തു. ഏഷ്യൻ വിപണികളും നല്ല ഉണർവിലാണ്. എസ്‌ജിഎക്‌സ് നിഫ്റ്റി മുമ്പത്തെ ക്ലോസിംഗിനേക്കാൾ ഉയർന്ന് 18,246 ലെവലിലാണ് വ്യാപാരം ചെയ്യുന്നത്, നിഫ്റ്റി ഇന്ന് നേട്ടത്തോടെ ഓപ്പൺ ചെയ്യാം..

വിദേശനിക്ഷേപകർ 2,609.94 കോടി രൂപയുടെ അറ്റവാങ്ങ ലുകാരായി. ഡിഐഐകൾ 730.14 കോടിയുടെ വിൽപ്പന നടത്തി.

ബാങ്ക് നിഫ്റ്റി

ഹ്രസ്വകാല പ്രവണത: പോസിറ്റീവ് ചായ് വ്.

ബാങ്ക് നിഫ്റ്റി 18.35 പോയിന്റ് താഴ്ന്ന് 41,289.55 എന്ന നിലയിലാണ് ക്ലോസ് ചെയ്തത്. മൊമെന്റം സൂചകങ്ങളും ഹ്രസ്വകാല മൂവിംഗ് ശരാശരികളും ഉയരാനുള്ള പ്രവണത സൂചിപ്പിക്കുന്നു. സൂചിക ഒരു കറുത്ത മെഴുകുതിരി രൂപപ്പെടുത്തി മുമ്പത്തെ ക്ലോസിംഗിന് തൊട്ടുതാഴെ ക്ലോസ് ചെയ്തു.. കഴിഞ്ഞ കുറച്ച് ദിവസങ്ങളിൽ, സൂചിക 40,840-41,530 എന്ന ട്രേഡിംഗ് ബാൻഡിൽ സമാഹരണത്തിലായിരുന്നു. സൂചികയുടെ ദിശ നിർണ്ണയിക്കാൻ ഈ ലെവലുകളിൽ ഏതെങ്കിലുമൊന്നിൽ നിന്ന് പുറത്തുകടക്കേണ്ടത് ആവശ്യമാണ്.

പിന്തുണ-പ്രതിരോധ നിലകൾ

ഇൻട്രാഡേ സപ്പോർട്ട് ലെവലുകൾ 41,200-41,050-40,860 റെസിസ്റ്റൻസ് ലെവലുകൾ 41,350-41,530-41,750 (15 മിനിറ്റ് ചാർട്ടുകൾ)