Begin typing your search above and press return to search.
മികച്ച വരുമാനം നേടാം: ഹെല്‍ത്തി മിക്സിലൂടെ
ആരോഗ്യപ്രദമായ ഭക്ഷണം വിപണിയിലെത്തിക്കുന്നതോടൊപ്പം മികച്ച ലാഭസാധ്യതയും ഉറപ്പുവരുത്താം
ആരോഗ്യ ഭക്ഷണത്തിന് വലിയ സാധ്യതയാണുള്ളത്. ധാന്യങ്ങളും ജൈവ ഉല്‍പ്പന്നങ്ങളും പ്രത്യേക അനുപാതത്തില്‍ ചേര്‍ത്ത് ഹെല്‍ത്ത് മിക്‌സുകള്‍ തയാറാക്കി വരുന്നുണ്ട്. കൂടുതല്‍ ഫൈബര്‍ ലഭ്യമാകുന്ന ഉല്‍പ്പന്നങ്ങളാണ് ഹെല്‍ത്തി മിക്‌സുകള്‍. ഷുഗര്‍, പ്രഷര്‍, കൊളസ്‌ട്രോള്‍ തുടങ്ങിയ രോഗങ്ങള്‍ ഇപ്പോള്‍ ഏറെക്കുറെ സര്‍വസാധാരണമാണ്. ഈ അവസ്ഥ സമൂഹത്തില്‍ വര്‍ധിച്ചുവരികയും ചെയ്യുന്നു. ഇതിനെ മറികടക്കാന്‍ പാര്‍ശ്വഫലങ്ങളില്ലാത്ത ഹെല്‍ത്തി ഫുഡ്‌സ് വ്യാപകമായി ഉപയോഗിക്കുന്നു. തികഞ്ഞ ഭാവി ഉറപ്പുവരുത്തുന്നതുമാണ് ഹെല്‍ത്തി ഫുഡ് ബിസിനസ്.
മുളപ്പിച്ച റാഗി, ചെറുപയര്‍, മുതിര, കടല, കുതിരമാലി തുടങ്ങിയ ധാന്യങ്ങള്‍ ഉണക്കിപ്പൊടിക്കുന്നു. കണ്ണന്‍കായ/ഏത്തക്കായ ജൈവമായവ (പരമാവധി) ശേഖരിച്ച് ഇതേ രീതിയില്‍ ഉണക്കിപ്പൊടിക്കുന്നു. ഇവ 5:1 എന്ന അനുപാതത്തില്‍ മിക്‌സ് ചെയ്യുന്നു. ശേഷം ലേബല്‍ പതിച്ച് പ്ലാസ്റ്റിക് കണ്ടെയ്‌നറുകളിലാക്കി വില്‍ക്കുന്നു.
ഉല്‍പ്പാദന ശേഷി: പ്രതിവര്‍ഷം 300 മെട്രിക് ടണ്‍
ആവശ്യമായ മെഷിനറികള്‍:
ഡ്രയര്‍, പള്‍സറൈസര്‍.
വൈദ്യുതി: 5 എച്ച്പി
തൊഴിലാളികള്‍: 3 പേര്‍
കെട്ടിടം: 300 ചതുരശ്രയടി
പദ്ധതി ചെലവ്
കെട്ടിടം: വാടകയ്ക്ക് എടുക്കാം
മെഷിനറികള്‍: 5 ലക്ഷം രൂപ
പ്രവര്‍ത്തന മൂലധനം: 3 ലക്ഷം രൂപ
മറ്റു ചെലവുകള്‍: 1 ലക്ഷം രൂപ
ആകെ: 9 ലക്ഷം രൂപ
പ്രതീക്ഷിക്കുന്ന വിറ്റുവരവ്
3000ഃ800= 24 ലക്ഷം രൂപ
(കിലോഗ്രാമിന് 800 രൂപ നിരക്കില്‍ മൊത്തവില്‍പ്പന നടത്തുമ്പോള്‍
ലഭിക്കുന്ന തുക)
പ്രതീക്ഷിക്കാവുന്ന അറ്റാദായം:
6 ലക്ഷം രൂപ.
(വ്യവസായ വകുപ്പ് മുന്‍ ഡെപ്യൂട്ടി ഡയറക്ടറാണ് ലേഖകന്‍. ഫോണ്‍: 94475 09915)
Next Story