ഒരു സ്റ്റാര്‍ട്ടപ്പ് അറിയണം വളര്‍ച്ചയുടെ വിവിധ ഘട്ടങ്ങള്‍, അതിനനുസരിച്ച് മെനയാം തന്ത്രങ്ങള്‍

ഒരു സ്റ്റാര്‍ട്ടപ്പിന്റെ തുടക്കമാണിത്. സംരംഭത്തിന്റെ ആശയം ഉടലെടുക്കുന്ന സമയം. സ്ഥാപകര്‍ കൂടിയാലോചനകളും ഗവേഷണവും നടത്തി ബിസിനസ് ആശയം വികസിപ്പിക്കുന്നത് ഈ ഘട്ടത്തിലാണ്. ആശയക്ഷമത ഉറപ്പുവരുത്തുക, വിപണി നന്നായി മനസിലാക്കുക, ബിസിനസിന്റെ സാധ്യതകള്‍ വിശകലനം ചെയ്യുക എന്നിവയെല്ലാം നടക്കുന്ന സമയമാണിത്.

ഒരു സ്റ്റാര്‍ട്ടപ്പ് വിപണിയിലെത്തിക്കുന്ന ഉല്‍പ്പന്നമോ സേവനമോ വികസിപ്പിക്കുന്ന സമയമാണിത്. പ്രോട്ടോടൈപ്പിംഗ്, ബീറ്റ ടെസ്റ്റിംഗ് എന്നിവയ്‌ക്കൊപ്പം ഉല്‍പ്പന്നത്തെ/സേവനത്തെ കുറിച്ചുള്ള ഫീഡ്ബാക്ക് അനുസരിച്ച് അത് കൂടുതല്‍ മെച്ചപ്പെടുത്തുകയും ചെയ്യും. വളര്‍ച്ചാ സാധ്യതയുള്ള, മികവുറ്റ ഒരു പ്രൊഡക്ടിന്റെ നിര്‍മ്മാണത്തിലും അതിനെ വിപണിയിലെത്തിക്കാനുള്ള തയ്യാറെടുപ്പുകളിലുമാണ് ഈ ഘട്ടത്തില്‍ സരംഭകരുടെ ശ്രദ്ധ. വലിയ വരുമാനമൊന്നും നേടിത്തുടങ്ങിയിട്ടുമില്ല. സ്ഥാപകര്‍, സുഹൃത്തുക്കള്‍, കുടുംബാംഗങ്ങള്‍, ആദ്യകാല നിക്ഷേപകര്‍ എന്നിവരില്‍ നിന്നുമാണ് സാധാരണയായി സ്റ്റാര്‍ട്ടപ്പിന് ഈ സമയത്ത് ഫണ്ടിംഗ് ലഭിക്കുന്നത്.

വില്‍പ്പനയുടെയും വരുമാനലഭ്യതയുടെയും തുടക്കം കുറിക്കുന്ന സമയം. സ്റ്റാര്‍ട്ടപ്പിന്റെ ഉല്‍പ്പന്നം/സേവനം വിപണിയിലെത്തിക്കഴിഞ്ഞു, ഉപഭോക്താക്കളെ നേടുക, തുടര്‍ച്ചയായ വരുമാനം ഉറപ്പുവരുത്തുക എന്നിവയിലേക്ക്‌ ശ്രദ്ധ കേന്ദ്രീകരിക്കുന്ന ഘട്ടം ഇതാണ്. ലാഭവളര്‍ച്ചയ്ക്ക് വേണ്ടി ബിസിനസ് മോഡലും മാര്‍ക്കറ്റിംഗും വില്‍പ്പനയുടെ തന്ത്രങ്ങളും കൂടുതല്‍ മെച്ചപ്പെടുത്തുന്നതും ഈ കാലയളവിലാണ്.

വളരെ വേഗത്തിലുള്ള വളര്‍ച്ചയാണ് ഈ സമയത്ത് സ്റ്റാര്‍ട്ടപ്പിനുള്ളത്. സംരംഭത്തെ കൂടുതല്‍ ഉയരങ്ങളിലേക്ക്‌ എത്തിക്കുന്നതിലാണ് സ്ഥാപകരുടെ ശ്രദ്ധ. പുതിയ വിപണികളിലേക്ക് ബിസിനസ് വ്യാപിപ്പിക്കുക, കൂടുതല്‍ ഉപഭോക്താക്കളെ നേടുക, ഉല്‍പ്പന്നശ്രേണി വിപുലമാക്കുക, ബിസിനസ് പ്രവര്‍ത്തനങ്ങള്‍ വിശാലമാക്കുക എന്നിവയെല്ലാം ഈ ഘട്ടത്തില്‍ നടക്കും. ഈ കാലയളവിലെ ഫണ്ടുകള്‍ ഏറെയും വെഞ്ച്വര്‍ ക്യാപ്പിറ്റല്‍ അല്ലെങ്കില്‍ ഐ.പി.ഒ വഴിയാണ് ലഭിക്കുന്നത്. ഉയര്‍ന്ന വരുമാനം, മികച്ച വിപണി സാന്നിധ്യം എന്നിവയാണ് ഈ ഘട്ടത്തിന്റെ പ്രധാന സവിശേഷതകള്‍.

ഈ ഘട്ടങ്ങളില്‍ ഓരോന്നിലും വ്യത്യസ്തമായ വെല്ലുവിളികളാണ് സ്റ്റാര്‍ട്ടപ്പിന് നേരിടേണ്ടി വരുന്നത്. അവ തരണം ചെയ്യാന്‍ വേറിട്ട തന്ത്രങ്ങളും മാര്‍ഗങ്ങളും വേണം. ഒരു ഘട്ടത്തില്‍ നിന്ന് അടുത്തതിലേക്കുള്ള മാറ്റം ഒരു സ്റ്റാര്‍ട്ടപ്പിന്റെ വഴിയിലെ വളര്‍ച്ചയെയും മുന്നേറ്റത്തെയുമാണ് സൂചിപ്പിക്കുന്നത്.