ജെന്‍ എ.ഐ കോണ്‍ക്ലേവിന് കൊച്ചിയില്‍ തുടക്കം
കേരളത്തെ ജന്‍ ഹബ് ആക്കി ഉയര്‍ത്തുന്നതിൽ നാഴികക്കല്ലാകും കോണ്‍ക്ലേവെന്ന് മുഖ്യമന്ത്രി
ജെന്‍ എ.ഐ ഉദ്ഘാടനചടങ്ങില്‍ മുഖ്യമന്ത്രി പിണറായി വിജയന്‍, വ്യവസായ മന്ത്രി പി.രാജീവ് തുടങ്ങിയവര്‍
ആര്‍ട്ടിഫിഷ്യല്‍ ഇന്റലിജന്‍സിന്റെ (എ.ഐ) അനന്ത സാധ്യതകളും നൂതന വ്യവസായങ്ങളില്‍ അതിന്റെ സ്വാധീനവും ചര്‍ച്ചയാകുന്ന ഇന്ത്യയിലെ ആദ്യത്തെ ജനറേറ്റീവ് എ.ഐ കോണ്‍ക്ലേവിന് തുടക്കമായി. മുഖ്യമന്ത്രി പിണറായി വിജയന്‍ കൊച്ചിയിൽ കോൺക്ലേവ് ഉദ്ഘാടനം ചെയ്തു.
ഐ.ബി.എം സോഫ്റ്റ്‌വെയര്‍ സീനിയർ വൈസ് പ്രസിഡൻ്റ് ദിനേഷ് നിർമൽ, വ്യവസായ വകുപ്പ് പ്രിന്‍സിപ്പല്‍ സെക്രട്ടറി മുഹമ്മദ് ഹനീഷ്, കെ.എസ്.ഐ.ഡി.സി ചെയര്‍മാന്‍ പോള്‍ ആന്റണി, ഐ.ടി സെക്രട്ടറി രത്തന്‍ യു. ഖേല്‍ക്കര്‍, കെ.എസ്.ഐ.ഡി.സി മാനേജിംഗ് ഡയറക്ടര്‍ എസ്.ഹരികിഷോര്‍ എന്നിവരും ഉദ്ഘാടന ചടങ്ങില്‍ പങ്കെടുത്തു.
അറിവ് പകര്‍ന്ന് വിവിധ സെഷനുകള്‍
ആര്‍ട്ടിഫിഷ്യല്‍ ഇന്റലിജന്‍സ് വിവിധ മേഖലകളില്‍ ഉപയോഗിക്കുന്നതില്‍ കേരളം മികവ് തെളിയിക്കുന്ന കാലത്താണ് രാജ്യത്തെ ജെന്‍ എ.ഐ കോണ്‍ക്ലേവ് നടക്കുന്നത്.
ജെന്‍ എ.ഐ ഈസ് ദ ന്യൂ ടെക്‌നോളജി നോര്‍ത്ത് സ്റ്റാര്‍, ഡ്രൈവിംഗ് ഇന്നൊവേഷന്‍ വിത്ത് വാട്സണ്‍എക്സ്, ജെന്‍ എ.ഐ ഇന്‍ റൈസിംഗ് ഭാരത്, ഓപ്പണ്‍ സോഴ്‌സ് എ.ഐയുടെ ശക്തി പ്രയോജനപ്പെടുത്തി ബിസിനസ് നവീകരണം ത്വരിതപ്പെടുത്തല്‍, റോബോട്ടിക്‌സിലും ആപ്ലിക്കേഷനിലെയും എ.ഐ, നാസയിലെ ബഹിരാകാശ സഞ്ചാരി സ്റ്റീവ് സ്മിത്ത് നയിക്കുന്ന 'ബഹിരാകാശ സഞ്ചാരിയായുള്ള അനുഭവപാഠങ്ങള്‍' എന്നിവയാണ് ആദ്യ ദിവസത്തെ സെഷനുകള്‍.