കാശ് കൈയിലുള്ളപ്പോള്‍ നിക്ഷേപിക്കണം, വിപണിയുടെ ഉയരവും താഴ്ചയുമല്ല നോക്കേണ്ടത്
വിപണിയുടെ വാല്യുവേഷന്‍ ഉയര്‍ന്നിരിക്കുമ്പോഴുള്ള നിക്ഷേപത്തെ കുറിച്ച് ധനം ബി.എഫ്.എസ്.ഐ സമ്മിറ്റില്‍ വിദഗ്ധര്‍
ധനം ബിസിനസ് മീഡിയ ബിഎഫ്എസ്‌ഐ സമ്മിറ്റില്‍ നടന്ന പാനല്‍ ചര്‍ച്ചയില്‍ ജിയോജിത് ഫിനാന്‍ഷ്യല്‍ സര്‍വീസസ് അസോസിയേറ്റ് ഡയറക്ടര്‍ ഡോ.രഞ്ജിത് ആര്‍.ജി, ഇന്‍വെസ്റ്റ്്‌മെന്റ് സ്‌പെഷ്യലിസ്റ്റും ഐ.ഡി.ബി.ഐ ക്യാപിറ്റല്‍ മുന്‍ റിസര്‍ച്ച് ഹെഡുമായ എ.കെ പ്രഭാകര്‍, അക്യുമെന്‍ ക്യാപിറ്റല്‍ മാര്‍ക്കറ്റ് മാനേജിംഗ് ഡയറക്ടര്‍ അക്ഷയ് അഗര്‍വാള്‍ എന്നിവര്‍
മാര്‍ക്കറ്റ് ഉയരത്തിലെത്തുമ്പോഴോ, അതോ താഴെ എത്തുമ്പോഴോ? എപ്പോഴാണ് നിക്ഷേപം നടത്തേണ്ടത്? ചെറുകിട നിക്ഷേപകര്‍ നിരന്തരം സംശയമുന്നയിക്കുന്ന കാര്യമാണ്. ഈ രണ്ട് സമയത്തുമല്ല കൈയില്‍ കാശുള്ളപ്പോഴൊക്കെ നിക്ഷേപം നടത്തണമെന്നാണ് ഇൻവെസ്റ്റ്മെന്റ് സ്‌പെഷ്യലിസ്റ്റും ഐ.ഡി.ബി.ഐ ക്യാപിറ്റല്‍ മുന്‍ റിസര്‍ച്ച് ഹെഡുമായ എ.കെ പ്രഭാകറും അക്യുമെന്‍ ക്യാപിറ്റല്‍ മാര്‍ക്കറ്റ് മാനേജിംഗ് ഡയറക്ടര്‍ അക്ഷയ് അഗര്‍വാളും ഒരേ സ്വരത്തില്‍ പറയുന്നത്.