സ്‌കൂള്‍ വിപണി; പ്രതിസന്ധി തുടരുന്നുണ്ടെങ്കിലും പ്രതീക്ഷയോടെ വ്യാപാരികള്‍
വായ്പാ കുടിശ്ശികയുടെ ബാധ്യത കുറയുമെന്ന് സ്‌കൂള്‍ സ്റ്റേഷനറി, ചെരുപ്പ് വിപണിയിലുള്ളവര്‍.
നീണ്ട ഒന്നരവര്‍ഷത്തെ കാത്തിരിപ്പിനൊടുവില്‍ വിദ്യാഭ്യാസ സ്ഥാപനങ്ങള്‍ തുറക്കുമ്പോള്‍ പ്രതീക്ഷയോടെ സ്‌കൂള്‍ വിപണി. പെന്‍സില്‍ മുതല്‍ സ്‌കൂള്‍ ബാഗും ചെരുപ്പും വില്‍ക്കുന്നവര്‍ വരെ പഴയ സ്റ്റോക്കുകള്‍ നീക്കി പുതിയവ സ്റ്റോക്ക് ചെയ്യുന്ന തിരക്കുകളിലാണ്. അതേസമയം സ്‌കൂളുകള്‍ തുറന്ന് കച്ചവടം മെച്ചപ്പെട്ടതിന് ശേഷം വലിയൊരു മുടക്കുമുതല്‍ നടത്താമെന്ന കാത്തിരിപ്പിലാണ് മറ്റൊരു വിഭാഗം.
പ്രതീക്ഷ ഓഫീസ് വെയറുകളില്‍
ഓണ്‍ലൈന്‍ വില്‍പ്പന മേഖലയെ തളര്‍ത്തി
ബുക്ക് സ്റ്റോര്‍, സ്‌കൂള്‍ സ്റ്റേഷനറി തുടങ്ങിയവ വില്‍ക്കുന്ന വ്യാപാരികള്‍ക്ക് 2020 മാര്‍ച്ചിലെ ലോക്ഡൗണ്‍ മുതല്‍ വലിയ കഷ്ടപ്പാടാണ്. ജിഎസ്ടി ഇല്ല എങ്കിലും പല സംരംഭകരും ബാങ്ക് ഓവര്‍ ഡ്രാഫ്റ്റും വായ്പാ തിരിച്ചടവും മുടങ്ങി കഷ്ടപ്പെടുകയാണെന്ന് ആലപ്പുഴ ജില്ലയിലെ സ്‌കൂള്‍ സ്റ്റേഷനറി പ്രൊപ്പൈറ്റേഴ്‌സ് അസോസിയേഷന്‍ അംഗവും അക്ഷരമാല ബുക്ക്‌സ് ഉടമയുമായ ഡി അശോകന്‍ പറയുന്നു. ഓണ്‍ലൈന്‍ പഠനമായതോടെ പുസ്തകങ്ങളും നോട്ട്ബുക്കുകളും വില്‍പ്പനയില്ലാതെ കടകളില്‍ കെട്ടിക്കിടക്കുന്ന അവസ്ഥയുണ്ട്.
ഓണ്‍ലൈനിലൂടെ ഗൈഡുകളും മറ്റും ലഭ്യമാണെന്നതും മേഖലയെ പ്രതിസന്ധിയിലാക്കുന്നു. ചെറുകിടക്കാരാണ് ബുദ്ധിമുട്ടനുഭവിക്കുന്നവരില്‍ കൂടുതലുമെന്ന് അശോകന്‍ വിശദമാക്കുന്നു. ''പി എസ് സി ഗൈഡുകളും ആര്‍ട്ട്, ക്രാഫ്റ്റ് സ്റ്റേഷനറി സാമഗ്രികളും വാങ്ങുന്നവരുടെ എണ്ണം കൂടിയത് മേഖലയിലുള്ളവര്‍ക്ക് സഹായകമായിട്ടുണ്ട്. ഓണ്‍ലൈന്‍ പഠനം പൂര്‍ണമായും നിര്‍ത്താതെയാണ് സ്‌കൂളുകളിലേക്ക് ക്ലാസുകള്‍ മാറുന്നത്. എന്നിരുന്നാലും ബാങ്ക് വായ്പകള്‍ തിരിച്ചടയ്ക്കാനുള്ളവര്‍ക്ക് ഈ ഉണര്‍വ് സഹായകമാകും'' അദ്ദേഹം പറയുന്നു.