വിജയസാധ്യതയുള്ള ബിസിനസ് ആശയം കിട്ടണോ? ഈ രീതിയില്‍ ചിന്തിക്കൂ

എതിരാളികളുടെ എന്തെല്ലാം പ്രശ്‌നങ്ങളെയാണ് നിരീക്ഷിക്കേണ്ടത്?

1. അവര്‍ കൈവയ്ക്കാത്ത ഒരു മേഖല
2. അവര്‍ പരാജയപ്പെട്ടുപോകുന്ന ഒരു മേഖല
3. ഉചിതമല്ലാത്ത വില നിശ്ചയിക്കല്‍
4. ഉല്‍പ്പന്നത്തിന്റെ ഗുണനിലവാരം

ഇത്തരത്തില്‍ ഒരു മാര്‍ക്കറ്റിലെ എതിരാളികള്‍ നേരിടുന്ന ഒരു പ്രധാന പ്രശ്‌നം മനസിലാക്കി ആ പ്രശ്‌നത്തിന് പരിഹാരമെന്നോണം മാര്‍ക്കറ്റില്‍ ഇറങ്ങുന്നതിനെയാണ് ഫ്‌ലാങ്കിങ് ബിസിനസ് തന്ത്രം എന്ന് പറയുന്നത്.

ഇനി എങ്ങനെയാണ് ആ പ്രശ്‌നത്തെ മനസിലാക്കുന്നത് എന്ന് നോക്കാം. ഒരു ഉല്‍പ്പന്നത്തിന്റെയോ സേവനത്തിന്റെയോ പ്രശ്‌നങ്ങള്‍ ആദ്യം ബാധിക്കുന്നതും തിരിച്ചറിയുന്നതും ഉപഭോക്താക്കളെയാണ്. അതിനാല്‍ത്തന്നെ ഒരുപരിധിവരെ സ്ഥാപനത്തിന്റെ ഗൂഗിള്‍ റിവ്യൂ നോക്കിയാല്‍ പ്രശ്‌നം മനസിലാക്കാന്‍ സാധിക്കും. നെഗറ്റീവ് റെവ്യൂസിന് ഇടയാക്കിയ ഒരു പ്രധാന വിഷയം ഉണ്ടാകും. ആ വിഷയത്തെ തിരിച്ചറിയാന്‍ കഴിഞ്ഞാല്‍ അവിടെ ഒരു ബിസിനസ് സാധ്യത തെളിയും.

അപ്പോള്‍ നിങ്ങള്‍ ഏതു മേഖലയിലാണോ ബിസിനസ് ചെയ്യാന്‍ ആഗ്രഹിക്കുന്നത് ആ മേഖലയിലെ പ്രധാന എതിരാളികള്‍ ആരെല്ലാമെന്ന് നോക്കുക. അവര്‍ കൈവയ്ക്കാത്ത ഒരു ഭാഗം തിരഞ്ഞെടുത്ത് അവിടെ നല്ലരീതിയില്‍ മാര്‍ക്കറ്റ് ചെയ്യുക. ഇതിനെയാണ് ഫ്‌ളാങ്കിങ് ബിസിനസ് തന്ത്രം എന്ന് വിളിക്കുന്നത്.

Siju Rajan Business Branding Strategist BRANDisam LLP www.sijurajan.com +91 8281868299