രാധാകൃഷ്ണ കുറീസ് ലിമിറ്റഡ് ചെയര്‍മാന്‍ പി.എസ് പ്രേമാനന്ദന് 'ചിറ്റ്മാന്‍ ഓഫ് ദ ഇയര്‍' പുരസ്‌കാരം
ഓള്‍ കേരള ചിട്ടി ഫോര്‍മെന്‍സ് അസോസിയേഷന്‍ രജത ജൂബിലി നിറവില്‍
ഓള്‍ കേരള ചിട്ടി ഫോര്‍മെന്‍സ് അസോസിയേഷന്റെ രജത ജുബിലിയോടനുബന്ധിച്ച് ഏര്‍പ്പെടുത്തിയ 'ചിറ്റ്മാന്‍ ഓഫ് ദ ഇയര്‍' പുരസ്‌കാരം രാധാകൃഷ്ണ കുറീസ് ലിമിറ്റഡ് ചെയര്‍മാന്‍ പി.എസ്. പ്രേമാനന്ദന് അസോസിയേഷന്‍ ചെയര്‍മാന്‍ ഡേവിഡ് കണ്ണനായ്ക്കല്‍ സമ്മാനിക്കുന്നു.
ഓള്‍ കേരള ചിട്ടി ഫോര്‍മെന്‍സ് അസോസിയേഷന്റെ രജത ജുബിലിയോടനുബന്ധിച്ച് ഏര്‍പ്പെടുത്തിയ ചിറ്റ്മാന്‍ ഓഫ് ദ ഇയര്‍ പുരസ്‌കാരം രാധാകൃഷ്ണ കുറീസ് ലിമിറ്റഡ് ചെയര്‍മാന്‍ പി.എസ്. പ്രേമാനന്ദന് സമ്മാനിച്ചു. തൃശൂരില്‍ നടന്ന ജൂബിലി സമാപന സമ്മേളനത്തില്‍ അസോസിയേഷന്‍ സംസ്ഥാന ചെയര്‍മാന്‍ ഡേവിഡ് കണ്ണനായ്ക്കല്‍ പുരസ്‌കാരം പി.എസ്.പ്രേമാനന്ദന് സമര്‍പ്പിച്ചു. സമാപന സമ്മേളനത്തിന്റെ ഉദ്ഘാടനം ഡേവിഡ് കണ്ണനായ്ക്കല്‍ നിര്‍വ്വഹിച്ചു. സംസ്ഥാന വൈസ് ചെയര്‍മാന്‍ ബേബി മൂക്കന്‍ അധ്യക്ഷത വഹിച്ചു.ചിട്ടി നടത്തിപ്പ് സംബന്ധിച്ച് അഡ്വ.രജിത്ത് ഡേവിഡ് തയ്യാറാക്കിയ കൈപുസ്തകം സംസ്ഥാന ജനറല്‍ സെക്രട്ടറി വി.ടി ജോര്‍ജ് പ്രകാശനം ചെയ്തു. പാലക്കാട് ചിട്ടി ഓഡിറ്റര്‍ എം.ജ്യോതി കുമാര്‍ ഏറ്റുവാങ്ങി
75 വര്‍ഷം പിന്നിട്ട സ്ഥാപനങ്ങളെ ആദരിച്ചു
ചിട്ടി രംഗത്ത് 75 വര്‍ഷത്തെ പ്രവര്‍ത്തന പാരമ്പര്യമുള്ള ചിട്ടി സ്ഥാപനങ്ങളെയും ചാരിറ്റബിള്‍ സ്ഥാപനങ്ങളെയും ചടങ്ങില്‍ ആദരിച്ചു. ജൂബിലിയുടെ ഭാഗമായി പുറത്തിറക്കിയ സുവനീറിന്റെ പ്രകാശനം രാധാകൃഷ്ണ കുറീസ് ലിമിറ്റഡ് ചെയര്‍മാന്‍ പി.എസ്.പ്രേമാനന്ദന് നിര്‍വ്വഹിച്ചു. സംസ്ഥാന സെക്രട്ടറി ബിജു വര്‍ഗീസ് ഏറ്റുവാങ്ങി. സംസ്ഥാന വൈസ് പ്രസിഡന്റ് അഡ്വ.രജിത്ത് ഡേവീസ് ആറ്റത്തറ, സെക്രട്ടറിമാരായ ടി.വര്‍ഗീസ് ജോസ്, എം.ജെ.ജോജി, ട്രഷറര്‍ സി.എല്‍ ഇഗ്നേഷ്യസ് തുടങ്ങിയവര്‍ പ്രസംഗിച്ചു.