ഡയറ്റ് ചെയ്യുന്നവര്‍ക്ക് കോണ്‍ഫ്‌ളേക്‌സ് ആണോ ഓട്സ് ആണോ നല്ലത്?
ഒരു കപ്പ് കോണ്ഫ്ളേക്സില് 1.85 ഗ്രാം പ്രോട്ടീന്‍ മാത്രമേ അടങ്ങിയിട്ടുള്ളൂ. എന്നാല്‍ കോണ്‍ഫ്‌ളേക്സിന്റെ ഗ്ലൈസമിക് സൂചിക ഉയര്‍ന്നതാണ്. ഭാരം നിയന്ത്രിക്കുന്നവരും പ്രമേഹമുള്ളവരും ഏതാണ് കഴിക്കേണ്ടത്. ഇതാ കോണ്‍ഫ്‌ളേക്‌സിനെക്കുറിച്ചും ഓട്‌സിനെക്കുറിച്ചും ചില ആരോഗ്യകാര്യങ്ങള്‍.
ഈ തിരക്കുനിറഞ്ഞ ജീവിതത്തില്‍ മിക്കവരുടെയും പ്രിയപ്പെട്ട ഭക്ഷണമായി കോണ്‍ഫ്‌ളേക്‌സും ഓട്‌സുമെല്ലാം മാറിയിരിക്കുകയാണ്. ചിലര്‍ പ്രഭാതഭക്ഷണമായി കോണ്‍ഫ്‌ളേക്‌സ് കഴിക്കുന്നത് പതിവാണ്. മറ്റ് ചിലര്‍ ഡയറ്റില്‍ ഇവ ഉപയോഗിക്കുന്നത് വണ്ണം കുറയ്ക്കാന്‍ സഹായിക്കുമെന്ന് വിശ്വസിക്കുന്നു. എന്നാല്‍ ശരിക്കും കോണ്‍ഫ്‌ളേക്‌സ് പോലുള്ളവ പ്രാതലിനു കഴിക്കുന്നത് ആരോഗ്യകരമാണോയെന്നത് തീര്‍ച്ചയായും പരിശോധിക്കേണ്ട കാര്യമാണ്. പാക്കറ്റില്‍ ലഭിക്കുന്ന കോണ്ഫ്ളേക്സില് അത്ര ആരോഗ്യദായകമായ ചേരുവകള്‍ മാത്രമല്ല എന്ന് പല പഠനങ്ങളും പറയുന്നു.