എയര്‍ ഇന്ത്യ ജീവനക്കാര്‍ക്ക് പുത്തന്‍ യൂണിഫോം; തിളങ്ങാന്‍ മനീഷ് മല്‍ഹോത്ര മാജിക്
ആദ്യമായാണ് എയര്‍ ഇന്ത്യ പൈലറ്റുമാരുടേയും കാബിന്‍ ക്രൂ അംഗങ്ങളുടെയും യൂണിഫോം മാറ്റുന്നത്
Pic Courtesy: twitter/airindia
എയര്‍ ഇന്ത്യ പൈലറ്റുമാരും കാബിന്‍ ക്രൂ അംഗങ്ങളും ഇനി അണിയുക പ്രമുഖ ഫാഷന്‍ ഡിസൈനര്‍ മനീഷ് മല്‍ഹോത്രയുടെ കരസ്പര്‍ശങ്ങളില്‍ ഒരുങ്ങിയ യൂണിഫോമുകള്‍. ആറ് പതിറ്റാണ്ടായുള്ള എയര്‍ ഇന്ത്യയുടെ പ്രവര്‍ത്തന ചരിത്രത്തില്‍ ആദ്യമായാണ് യൂണിഫോമില്‍ മാറ്റം വരുത്തുന്നത്.
Introducing our new Pilot & Cabin crew uniforms, an ode to Air India’s rich history and a promise of a bright future.
— Air India (@airindia) December 12, 2023
These uniforms, envisioned by India’s leading couturier @ManishMalhotra, features three quintessential Indian colours – red, aubergine and gold, representing the… pic.twitter.com/Pt1YBdJlMN
ചുവപ്പ്, ഡാര്‍ക്ക് പര്‍പ്പിള്‍, ഗോള്‍ഡന്‍ എന്നീ നിറങ്ങളാണ് യൂണിഫോമുകള്‍ക്ക് നല്‍കിയിരിക്കുന്നത്. ആത്മവിശ്വാസവും ഊര്‍ജസ്വലവുമായ പുതിയ ഇന്ത്യയെ പ്രതിനിധീകരിക്കുന്നതാണ് ഈ നിറങ്ങളെന്നും എയര്‍ ഇന്ത്യ പറയുന്നു. എയര്‍ ഇന്ത്യയുടെ പുതിയ ലോഗോയായ വിസ്തയും യൂണിഫോമില്‍ ചേര്‍ത്തിട്ടുണ്ട്.