വളർച്ചയിൽ ഏറ്റവും മുന്നിൽ, ഉരുക്ക് ഉൽപാദനത്തിൽ രണ്ടാം സ്ഥാനത്ത് എത്തി ഇന്ത്യ

ഉരുക്ക് ഡിമാൻഡ് ഇന്ത്യയിൽ വർധിക്കാൻ കാരണം:

1. അതിവേഗത്തിൽ ഉണ്ടാകുന്ന നഗരവത്കരണം.
2. കേന്ദ്ര സംസ്ഥാന സർക്കാരുകൾ അടിസ്ഥാന സൗകര്യ വികസനത്തിന് ഊന്നൽ നൽകുന്നത്.
3 . ജനസംഖ്യ വർധനവ്, വരുമാന വർധനവ് മൂലം ഭവന ഡിമാൻഡ് ഉയരുന്നത്.
4 . ഓട്ടോമൊബൈൽ, കൺസ്യൂമർ ഡ്യൂറബിൾ വ്യവസായങ്ങളുടെ വളർച്ച.

62 % ഉരുക്ക് ഡിമാൻഡ് നിർമാണ, അടിസ്ഥാന സൗകര്യ വികസന പദ്ധതികളിൽ നിന്നാണ്. കഴിഞ്ഞ 3 വർഷങ്ങളിൽ സർക്കാർ മൂലധന ചെലവ് 30 % വർധിച്ചിട്ടുണ്ട്. റെയിൽവേ, മൾട്ടി മോഡൽ ലോജിസ്റ്റിക്സ്, ഭവന നിർമാണം തുടങ്ങിയ മേഖലകളിൽ സർക്കാർ നിക്ഷേപം വർധിച്ചിട്ടുണ്ട്. സ്വകാര്യ മേഖലയുടെ മൂലധന നിക്ഷേപവും വർധിക്കുന്നു. ഇതെല്ലം ഉരുക്ക് ഡിമാൻഡ് കൂടാൻ കാരണമായിട്ടുണ്ട്.

ഉരുക്ക് നിർമാണ കമ്പനികൾ 130 ദശലക്ഷം ടൺ വാർഷിക ഉൽപ്പാദന ശേഷി വർധിപ്പിക്കാൻ തയ്യാറെടുക്കുന്നു. 2030 -31 ൽ മൊത്തം വാർഷിക ഉൽപാദന ശേഷി കേന്ദ്ര ഉരുക്ക് നയം ലക്ഷ്യമിടുന്ന 300 ദശലക്ഷം ടണ്ണാകും.