ഇന്‍ഡിഗോ 500 പുതിയ വിമാനങ്ങള്‍ വാങ്ങുന്നു; എയര്‍ ഇന്ത്യയേയും വെല്ലുന്ന ഓര്‍ഡര്‍
എയര്‍ ഇന്ത്യ ഈ വര്‍ഷമാദ്യം 470 വിമാനങ്ങള്‍ക്ക് ഓര്‍ഡര്‍ നല്‍കിയിരുന്നു
Photo credit: www.facebook.com/goindigo.in
ഇന്ത്യയിലെ ഏറ്റവും വലിയ വിമാനക്കമ്പനിയായ ഇന്‍ഡിഗോ 500 പുതിയ വിമാനങ്ങള്‍ വാങ്ങുന്നു. ഫ്രഞ്ച് വിമാന നിര്‍മാണ കമ്പനിയായ എയര്‍ബസുമായി നാരോ ബോഡി എ 320 ഫാമിലി ജെറ്റ് വിമാനങ്ങള്‍ക്കായി കരാര്‍ ഒപ്പുവച്ചതായാണ് റിപ്പോര്‍ട്ടുകള്‍.
എയര്‍ബസിന്റെ ഏറ്റവും വലിയ ഉപയോക്താക്കളിലൊന്നാണ് ഇന്‍ഡിഗോ. നിലവില്‍ 830 എ320 വിമാനങ്ങള്‍ക്ക് ഇന്‍ഡിഗോ ഓര്‍ഡര്‍ നല്‍കിയിട്ടുണ്ട്. ഇതില്‍ 500 എണ്ണം ഇനിയും കിട്ടാനുണ്ട്. ഇതു കൂടാതെ എയര്‍ബസും ബോയിംഗും മറ്റു ചില വിമാനങ്ങളുടെ വില്‍പ്പനയ്ക്കായും ഇന്‍ഡിഗോയുമായി ചര്‍ച്ച നടത്തുന്നുണ്ട്.
നിലവില്‍ 26 അന്താരാഷ്ട്ര നഗരങ്ങള്‍ ഉള്‍പ്പെടെ 102 നഗരങ്ങളിലേക്ക് ഇന്‍ഡിഗോയ്ക്ക് പ്രതിദിനം 1,800 സര്‍വീസുകളുണ്ട്. ഇന്ത്യന്‍ വ്യോമയാന രംഗത്ത് 56 ശതമാനം വിപണി വിഹിതവും ഇന്‍ഡിഗോയ്ക്ക് സ്വന്തമാണ്.