അപേക്ഷകര്‍ 112 ഇരട്ടി; ഐആര്‍സിടിസിയുടേത് അത്യപൂര്‍വ ഐപിഒ

ഇന്ത്യന്‍ റെയില്‍വേ കാറ്ററിങ് ആന്‍ഡ് ടൂറിസം കോര്‍പ്പറേഷന്‍ (ഐആര്‍സിടിസി) ഐപിഒയ്ക്ക് 112 ഇരട്ടി അപേക്ഷകര്‍. ഐപിഒയിലെ 645 കോടി രൂപയുടെ ഓഹരികള്‍ക്കായി വന്നിട്ടുള്ള ബിഡുകളുടെ ആകെത്തുക ഏകദേശം 72,000 കോടി രൂപ. ഓഹരി ഒന്നിന് 315- 320 രൂപയാണ് പ്രൈസ് ബാന്‍ഡ്്.

പത്ത് രൂപ മുഖവിലയുളള 2.016 കോടി ഓഹരികളാണ് കമ്പനി വിറ്റഴിക്കുന്നത്. ജീവനക്കാര്‍ക്കായി നീക്കിവച്ചിട്ടുളള 1.6 ലക്ഷം ഓഹരികള്‍ വാങ്ങാന്‍ ആകെ 225.09 കോടി രൂപ വരുന്ന അപേക്ഷകള്‍ ലഭിച്ചിട്ടുണ്ട്. ഐപിഒ യ്ക്ക് ഇന്നലെ വിരാമമായി.