സ്വര്‍ണവിലയില്‍ വീണ്ടും വര്‍ധനവ്

സംസ്ഥാനത്ത് സ്വര്‍ണവില വീണ്ടും ഉയര്‍ന്നു. പവന് 80 രൂപ വര്‍ധിച്ച് 45,280 രൂപയായി. ശനിയാഴ്ച ഒരു പവന്‍ 22 കാരറ്റ് സ്വര്‍ണത്തിന് 560 രൂപ കുറഞ്ഞ് 45,200 രൂപ എത്തിയിരുന്നു. 45,760 എന്ന ചരിത്രത്തിലെ ഏറ്റവും ഉയര്‍ന്ന വിലയിലായിരുന്നു അതിനു മുമ്പ് സ്വര്‍ണം.

ഒരു ഗ്രാം സ്വര്‍ണത്തിന്റെ വില ഇന്ന് 10 രൂപ ഉയര്‍ന്നു. വിപണിവില 5,660 രൂപയായി. ഒരു ഗ്രാം 18 കാരറ്റ് സ്വര്‍ണത്തിന്റെ വിലയിലും മാറ്റങ്ങള്‍ ഉണ്ടായി. ഗ്രാമിന് 5 രൂപ ഉയര്‍ന്ന് വിപണി വില 4,700 രൂപയായി.

വെള്ളിവില

കേരളത്തില്‍ ഇന്ന് വെള്ളിവിലയില്‍ മാറ്റമില്ല. ഒരു ഗ്രാം വെള്ളിയുടെ വില 83 രൂപയായി തുടരുന്നു. ഹോള്‍മാര്‍ക്ക് വെള്ളിയുടെ വില 103 രൂപയാണ്. ആഭരണങ്ങള്‍ക്കായി ഉപയോഗിക്കുന്ന വെള്ളിക്കാണ് ഈ വില.