സ്വര്‍ണം, വെള്ളി വിലകളില്‍ ഇന്ന് മാറ്റമില്ല
ഇന്നലെ സ്വര്‍ണവില കുറഞ്ഞിരുന്നു
സംസ്ഥാനത്ത് ഇന്ന് സ്വര്‍ണവിലയില്‍ മാറ്റമില്ല. പവന് 44,320 രൂപയും ഗ്രാമിന് 5,540 രൂപയുമാണ് ഇന്നത്തെ വിപണിവില. ഇന്നലെയും കഴിഞ്ഞ ശനിയാഴ്ചയും സ്വര്‍ണ വില കുറഞ്ഞിരുന്നു. പവന് ഇന്നലെ 80 രൂപയും ഗ്രാമിന് 10 രൂപയുമാണ് കുറഞ്ഞത്. 18 കാരറ്റ് സ്വര്‍ണവിലയിലും ഇന്ന് മാറ്റമില്ല. 4,593 രൂപയാണ് ഒരു ഗ്രാമിന്റെ വില.
22 കാരറ്റ് സ്വര്‍ണത്തിന് കേരളത്തില്‍ ഇതുവരെ രേഖപ്പെടുത്തിയ ഉയര്‍ന്ന വില മെയ് അഞ്ചിലെ പവന് 45,760 എന്നതായിരുന്നു, ഗ്രാമിന് 5,720 രൂപയും. സ്വര്‍ണം ആഗോള വിപണിയില്‍ ഇന്ന് 1957 ഡോളറിലാണ് വ്യാപാരം തുടരുന്നത്. വെള്ളിയാഴ്ച 1964 ഡോളറിലായിരുന്നു ആഗോള സ്വര്‍ണവില നിന്നിരുന്നത്.
വെള്ളി വില
ഇന്ന് വെള്ളി വിലയിലും(Silver Rate) മാറ്റമില്ല. സാധാരണ വെള്ളിക്ക് ഗ്രാമിന് 82 രൂപയാണ്. ഹോള്‍മാര്‍ക്ക് വെള്ളി ഗ്രാമിന് 103 രൂപയായി മാറ്റമില്ലാതെ തുടരുന്നു.