സ്വര്‍ണവില ഈ മാസത്തെ ഏറ്റവും താഴ്ചയില്‍

സംസ്ഥാനത്ത് ഇന്നും സ്വര്‍ണവില കുറഞ്ഞു. ഇന്നലെ മാറ്റമില്ലാതെ തുടര്‍ന്ന സ്വര്‍ണവിലയാണ് ഇന്ന് കുറവുണ്ടായത്. ഇതോടെ, 22 കാരറ്റ് സ്വര്‍ണത്തിന്റെ ഇന്നത്തെ വില ഗ്രാമിന് 10 രൂപ കുറഞ്ഞ് 5,545 രൂപയും പവന് 80 രൂപ കുറഞ്ഞ് 44,360 രൂപയുമായി.

ഇന്നലെ പവന് 44,440 രൂപയും ഗ്രാമിന് 5,555 യുമായിരുന്നു. വെള്ളിയാഴ്ചത്തെ വിലയില്‍ തന്നെയാണ് ഇന്നലെയും വ്യാപാരം നടന്നത്. വ്യാഴം വെള്ളി ശനി ദിവസങ്ങളിലായി സ്വര്‍ണവില 560 രൂപ കുറഞ്ഞിരുന്നു.

ഇന്നത്തെ കുറവ് കൂടി പരിഗണിക്കുമ്പോള്‍ സ്വര്‍ണവില തുടര്‍ച്ചയായി 640 രൂപ കുറഞ്ഞതായി കാണാം.

18 കാരറ്റ് സ്വര്‍ണത്തിന്റെ വിലയിലും ഇന്ന് നേരിയ മാറ്റമുണ്ടായി. ഒരു ഗ്രാം 18 കാരറ്റ് സ്വര്‍ണവില ഇന്ന് ഗ്രാമിന് അഞ്ച് രൂപ കുറഞ്ഞ് 4,595 രൂപയായി.

വെള്ളിവില

വെള്ളിയുടെ വിലയില്‍ ഇന്ന് മാറ്റമില്ല. ഒരു ഗ്രാം സാധാരണ വെള്ളിയുടെ വിപണി വില 76 രൂപയാണ്. ഹോള്‍മാര്‍ക്ക് വെള്ളിയുടെ വില 103 രൂപയായി തുടരുന്നു.