ഇന്ന് സ്വര്‍ണവില കൂടി

സ്വര്‍ണവില വര്‍ധിച്ചു. പവന് 240 രൂപ വര്‍ധിച്ച് 44,480 രൂപയായി. കേരളത്തില്‍ ഇന്ന് ഒരു ഗ്രാം സ്വര്‍ണത്തിന് 30 രൂപ വര്‍ധിച്ച് 5,560 രൂപയായി. ഇന്നലെ മാറ്റമില്ലാതെ തുടര്‍ന്ന സ്വര്‍ണവിലയാണ് ഇന്ന് വര്‍ധിച്ചത്.

ഇന്നലെ ഒരു പവന് 44,240 രൂപയായിരുന്നു. ഗ്രാമിന് ഇന്നലെ 5,530 രൂപയായിരുന്നു. ഇക്കഴിഞ്ഞ ശനിയാഴ്ച സ്വര്‍ണ വിലയില്‍ വലിയ കുറവുണ്ടായി. ഒരു പവന് ശനിയാഴ്ച 560 രൂപയുടെ കുറവാണ് രേഖപ്പെടുത്തിയത്. ആഗോള വിപണിയില്‍ സ്വര്‍ണം 1959 ഡോളറിലാണ് തുടരുന്നത്.

18 കാരറ്റ് സ്വര്‍ണവിലയിലും ഇന്ന് മാറ്റമുണ്ടായി. ഗ്രാമിന് 25 രൂപ വര്‍ധിച്ച് 4,610 രൂപയായി.

വെള്ളിവില മാറിയില്ല

കേരളത്തില്‍ വെള്ളിവില മാറ്റമില്ലാതെ തുടരുന്നു. സാധാരണ വെള്ളിക്ക് ഗ്രാമിന് 78 രൂപയും ഹോള്‍മാര്‍ക്ക് വെള്ളിക്ക് 103 രൂപയുമാണ് ഇന്നത്തെ വില.