സ്വര്‍ണത്തിന് ഇന്നലെ കുറഞ്ഞ വില ഇന്ന് കൂടി

ഇന്നലെ കുറഞ്ഞ സ്വര്‍ണവില ഇന്ന് കൂടി. പവന്‍ വില ഇന്ന് 120 രൂപ വര്‍ധിച്ച് വീണ്ടും 44,120 രൂപയിലേക്ക്. ഗ്രാമിന് 5,515 രൂപയുമായി. 18 കാരറ്റ് സ്വര്‍ണത്തിനും വില കൂടി ഇന്നലെ ഗ്രാമിന് 10 രൂപ കുറഞ്ഞ് 4,553 രൂപയായിരുന്നു. ഇന്ന് 4,563 രൂപയാണ് ഒരു ഗ്രാം 18 കാരറ്റിന്.

ജൂലൈ ആദ്യ വാരം പവന്‍ വില 43,240 രൂപയായിരുന്നു, കഴിഞ്ഞ ദിവസങ്ങളില്‍ 44,560 രൂപവരെ ഉയര്‍ന്നു. ഗ്രാം വില 5,570 രൂപ വരെയും ഉയര്‍ന്നിരുന്നു.

സ്വര്‍ണ വിലയില്‍ ഇതുവരെയുള്ള റെക്കോഡ് മേയ് അഞ്ചിലെ 45,760 രൂപയാണ്. അന്ന് ഗ്രാമിന് 5,720 രൂപയായിരുന്നു.

ആഗോള വിപണി

ആഗോള വിപണിയിൽ സ്വർണം ഇന്ന് 1964 ഡോളറിനു താഴെയായി. ഇന്നലെ രാവിലെ സ്പോട് സ്വർണം ഔൺസ് വില 1961 ഡോളറിലേക്കു കയറിയിരുന്നു.

വെള്ളി വില

വെള്ളി വിലയില്‍ ഇന്ന് മാറ്റമില്ല. സംസ്ഥാനത്ത് സാധാരണ വെള്ളി വില ഇന്ന് 80 രൂപയിലാണ് നില്‍ക്കുന്നത്. ഹോള്‍മാര്‍ക്ക്ഡ് വെള്ളി ഗ്രാമിന് 103 രൂപയാണ്.