ശനിയാഴ്ച കൂടിയ സ്വര്‍ണ വിലയില്‍ ഇന്ന് നേരിയ കുറവ്

സംസ്ഥാനത്ത് ഇന്ന് സ്വര്‍ണ വിലയില്‍ നേരിയ കുറവ്. 22 കാരറ്റ് സ്വര്‍ണം (22 carat gold) ഒരു പവന് ഇന്ന് 80 രൂപ കുറഞ്ഞ് 44,200 രൂപയിലെത്തി. ഒരു ഗ്രാമിന് 10 രൂപ കുറഞ്ഞ് 5,525 രൂപയുമായി. ശനിയാഴ്ച സ്വര്‍ണ വില വര്‍ധിച്ചിരുന്നു.

18 കാരറ്റ് സ്വര്‍ണത്തിനും വില കുറഞ്ഞിട്ടുണ്ട്. ഒരു ഗ്രാം 18 കാരറ്റ് സ്വര്‍ണത്തിന് 5 രൂപ കുറഞ്ഞ് ഇന്ന് 4,568 രൂപയായി.

ഈ മാസം അവസാനിക്കുമ്പോള്‍ സ്വര്‍ണ വിപണിയില്‍ വന്‍ ചാഞ്ചാട്ടമാണ് രേഖപ്പെടുത്തിയത്. ജൂലൈ ആദ്യം പവന്‍ വില 43,240 രൂപ വരെ ഇടിഞ്ഞെങ്കിലും പിന്നീട് 44,560 രൂപ വരെ ഉയര്‍ന്നു. ഗ്രാം വില 5,570 രൂപ വരെയും ഉയര്‍ന്നിരുന്നു. എന്നാല്‍ ഈ വാരം 44,000 രൂപ വരെ എത്തിയ പവന്‍ വിലയാണ് ഇന്ന് 44,200 രൂപയായത്.

ആഗോള വിപണിയിലെ ചാഞ്ചാട്ടങ്ങള്‍ക്കനുസരിച്ചാണ് കേരളത്തിലും സ്വര്‍ണ വിലയിലും മാറ്റങ്ങള്‍ പ്രതിഫലിക്കുന്നത്. ആഗോള വിപണിയില്‍ ഇന്ന് 1,956 ഡോളറിലേക്ക് സ്‌പോട്ട് സ്വര്‍ണ വില താഴ്ന്നു.

റെക്കോഡ് വില

കേരളത്തില്‍ ഇതുവരെയുള്ള റെക്കോഡ് സ്വര്‍ണ വില പവന് 45,760 രൂപയെന്ന മേയ് അഞ്ചിലെ വിലയാണ്. അന്ന് ഗ്രാമിന് 5,720 രൂപയായിരുന്നു.

വെള്ളി വില

വെള്ളി വിലയില്‍ ഇന്ന് മാറ്റമല്ല. സാധാരണ വെള്ളിക്ക് വില 80 രൂപയും ഹോള്‍മാര്‍ക്ക്ഡ് വെള്ളിക്ക് ഗ്രാമിന് 103 രൂപയുമാണ്.