സ്വർണ വില ഉയരത്തിൽ തന്നെ; വെള്ളിയും കുതിക്കുന്നു

ജൂലൈയിലെ ഏറ്റവും ഉയര്‍ന്ന വിലയില്‍ തന്നെ തുടര്‍ന്ന് സ്വര്‍ണം. 22 കാരറ്റ് സ്വര്‍ണം, പവന് 44,000 രൂപയ്ക്കാണ് ഇന്നും വ്യാപാരം നടക്കുന്നത്. ജൂണ്‍ 20 ന് ശേഷമാണ് ഒരു പവന്‍ വില ഇന്നലെ 44,000 എത്തുന്നത്. ഇന്നലെ പവന് 280 രൂപയുടെ വര്‍ധനയുണ്ടായിരുന്നു.

ഇന്ന് ഒരു ഗ്രാം സ്വര്‍ണത്തിന് 5,500 രൂപയാണ്.

ആഗോള വിപണിയില്‍ സ്വര്‍ണം ട്രോയ് ഔണ്‍സിന് 1,956 ഡോളറിനു മുകളിലാണ്. ഇന്നലെ 1,960 ഡോളറിലായിരുന്നു. 18 കാരറ്റ് സ്വര്‍ണ വിലയിലും ഇന്ന് മാറ്റമില്ല. ഗ്രാമിന് ഇന്ന് 4,548 രൂപയാണ്.

വെള്ളി വില വീണ്ടും കൂടി

വെള്ളിവില ഇന്നലെയും ഇന്നും വര്‍ധിച്ചു. സാധാരണ വെള്ളിക്ക് ഗ്രാമിന് ഇന്ന് രണ്ട് രൂപ വര്‍ധിച്ച് 81 രൂപയായി. ഹോള്‍മാര്‍ക്ക്ഡ് വെള്ളി ഗ്രാമിന് 103 രൂപയായി തുടരുന്നു.