ആഭരണം വാങ്ങുന്നവര്‍ക്ക് അല്‍പ്പം ആശ്വാസം, സ്വര്‍ണ വില ഇന്ന് കുറഞ്ഞു

ചെറിയ താഴ്ചയില്‍ സ്വര്‍ണ വില. കേരളത്തിൽ 22 കാരറ്റ് സ്വര്‍ണം പവന് (kerala gold rate) ഇന്ന് 120 രൂപ കുറഞ്ഞ് 44,120 രൂപയായി. ഗ്രാമിന് 15 രൂപ കുറഞ്ഞ് 5,515 രൂപയായി. ആഗോള സ്വര്‍ണ വിപണിയില്‍ (world gold price) വില ചാഞ്ചാട്ടം തുടരുകയാണ്. ഇന്ന് സ്പോട്ട് സ്വര്‍ണം 1,938.65 ഡോളറിലാണ് നില്‍ക്കുന്നത്. ഇന്നലെ 1,945 ഡോളറിലായിരുന്നു.

18 കാരറ്റ് സ്വര്‍ണ വിലയിലും ഇന്ന് നേരിയ കുറവുണ്ടായി. ഗ്രാമിന് ഇന്ന് 10 രൂപ കുറഞ്ഞ് 4,568 രൂപയായി.

റെക്കോഡ് റേറ്റ്

സ്വര്‍ണത്തിന് കേരളത്തിലെ ഇതുവരെയുള്ള ഉയര്‍ന്ന റേറ്റ് മെയ് അഞ്ചിലെ വിലയാണ്, പവന് 45,760 രൂപയും ഗ്രാമിന് 5,720 രൂപയുമായിരുന്നു അന്നത്തെ സ്വര്‍ണവില.

വെള്ളി വില

ഏതാനും ദിവസങ്ങളായി വെള്ളി വിലയില്‍ മാറ്റമുണ്ടായിരുന്നില്ല. എന്നാല്‍ ഇന്ന് സാധാരണ വെള്ളി ഗ്രാമിന് ഒരു രൂപ കുറഞ്ഞ് 79 രൂപയായി. ഹോള്‍മാര്‍ക്ക്ഡ് വെള്ളിക്ക് 103 രൂപ.