Begin typing your search above and press return to search.
മാനുഫാക്ചറിംഗ് മേഖലയുടെ നേട്ടം കൊയ്യാന്‍ പുതിയ മ്യൂച്വല്‍ ഫണ്ട് പദ്ധതിയുമായി എല്‍.ഐ.സി
ഇന്നാരംഭിച്ച എന്‍.എഫ്.ഒ ഒക്ടോബര്‍ 4ന് അവസാനിക്കും
രാജ്യത്തെ ഏറ്റവും പഴക്കം ചെന്ന ഫണ്ട് ഹൗസുകളിലൊന്നായ എല്‍.ഐ.സി മ്യൂച്വല്‍ ഫണ്ട് മാനുഫാക്ചറിംഗ് ഫണ്ട് എന്ന പേരില്‍ പുതിയ മ്യൂച്വല്‍ ഫണ്ട് പുറത്തിറക്കി. ഇന്ന് (സെപ്റ്റംബര്‍ 20) സബ്സ്‌ക്രിബ്ഷന്‍ ആരംഭിച്ച എന്‍.എഫ്.ഒ ഒക്ടോബര്‍ 4 വരെ ലഭ്യമായിരിക്കും. പദ്ധതിക്കു കീഴിലെ യൂണിറ്റുകള്‍ ഒക്ടോബര്‍ 11ന് അലോട്ട് ചെയ്യും. യോഗേഷ് പാട്ടീല്‍, മഹേഷ് ബ്രേന്ദ എന്നിവരാണ് ഫണ്ട് മാനേജര്‍മാര്‍. പദ്ധതി നിഫ്റ്റി ഇന്ത്യ മാനുഫാക്ചറിംഗ് സൂചികയില്‍ ഉള്‍പ്പെടുത്തും.
കുറഞ്ഞ നിക്ഷേപം
മാനുഫക്ചറിംഗ് മേഖലയില്‍ പ്രവര്‍ത്തിക്കുന്ന കമ്പനികളുടെ ഇക്വിറ്റികളിലും ഇക്വിറ്റികളുമായി ബന്ധപ്പെട്ട പദ്ധതികളിലെയും ദീര്‍ഘകാല നിക്ഷേപമാണ് പുതിയ ഫണ്ടിന്റെ ലക്ഷ്യം. എന്‍.എഫ്.ഒയുടെ കുറഞ്ഞ തുക 5,000 രൂപയോ അതിന്റെ ഗുണിതങ്ങളോ ആയിരിക്കും. മാനുഫാക്ചറിംഗ് പരിധിയില്‍ വരുന്ന വാഹന, ഫാര്‍മസ്യൂട്ടിക്കല്‍, കെമിക്കല്‍, ഹെവി എഞ്ചിനീയറിംഗ്, ലോഹങ്ങള്‍, കപ്പല്‍ നിര്‍മ്മാണം, പെട്രോളിയം ഉള്‍പ്പടെ വൈവിധ്യമാര്‍ന്ന മേഖലകളിലെ കമ്പനികള്‍ ഇതിന്റെ കീഴില്‍ വരും.
ഇന്ത്യയുടെ മികച്ച ജി.ഡി.പി വളര്‍ച്ചയും അതിവേഗത്തിലുള്ള നഗരവല്‍ക്കരണവും സര്‍ക്കാരിന്റെ പ്രോത്സാഹന പദ്ധതികളും നിര്‍മ്മിത ഉല്‍പന്നങ്ങളുടെ ഡിമാന്റ് വര്‍ധിപ്പിക്കുകയും രാജ്യം ലോകത്തിന്റെ നിര്‍മ്മാണ തലസ്ഥാനമായി മാറിക്കൊണ്ടിരിക്കുകയും ചെയ്യുന്നതിനാല്‍ 2027 ഓടെ ഇന്ത്യ 5 ട്രില്യണ്‍ ഡോളറിന്റെ സമ്പദ് വ്യവസ്ഥയായി മാറുകയാണ്. ഈ സാഹചര്യം പ്രയോജനപ്പടുത്താന്‍ നിക്ഷേപകരെ പ്രാപ്തരാക്കുകയാണ് ലക്ഷ്യമെന്ന് എല്‍.ഐ.സി മ്യൂച്വല്‍ ഫണ്ട് മാനേജിംഗ് ഡയറക്ടറും സി.ഇ.ഒയുമായ ആര്‍.കെ ഝായും ചീഫ് ഇന്‍വെസ്റ്റ്മെന്റ് ഓഫീസര്‍ യോഗേഷ് പാട്ടീലും പറഞ്ഞു.
Next Story