വീണ്ടും ചാഞ്ചാട്ടം; റീപാേ നിരക്ക് വർധിപ്പിക്കും എന്നു നിഗമനം; അദാനി ഗ്രൂപ്പ് ബോണ്ടുകൾക്കു തിരിച്ചടി തുടരുന്നു; അമിതലാഭ നികുതി വീണ്ടും കൂട്ടി

റിസർവ് ബാങ്കിന്റെ പണനയ കമ്മിറ്റി (എംപിസി) ഇന്നു യോഗം തുടങ്ങും. ബുധനാഴ്ച രാവിലെ നയം പ്രഖ്യാപിക്കും. റീപോ നിരക്ക് 25 ബേസിസ് പോയിന്റ് കൂട്ടി 6.5 ശതമാനം ആക്കും എന്നാണു നിഗമനം. ഇനി നിരക്കു കൂട്ടുകയില്ല എന്ന സൂചനയും ഗവർണർ ശക്തികാന്ത ദാസ് നൽകുമെന്ന് പൊതുവേ പ്രതീക്ഷയുണ്ട്. എന്നാൽ യുഎസ് തൊഴിൽ കണക്ക് അതിനുള്ള സാധ്യത കുറയ്ക്കുന്നു എന്നാണു ചിലർ കരുതുന്നത്. ഓസ്ട്രേലിയൻ കേന്ദ്ര ബാങ്ക് പലിശ നിരക്കു കൂട്ടുമെന്ന ധാരണ വിപണിയിൽ പരക്കുന്നുണ്ട്. ജപ്പാനിൽ പുതിയ കേന്ദ്രബാങ്ക് ഗവർണർ വരുമ്പോൾ യെൻ ദുർബലമാകാൻ നടപടി എടുക്കുമെന്നു സംസാരമുണ്ട്.

വെള്ളിയാഴ്ച ഇന്ത്യൻ വിപണി വലിയ കുതിപ്പിലായിരുന്നു. സെൻസെക്സ് 2.55 ഉം നിഫ്റ്റി 1.42 ഉം ശതമാനം നേട്ടമാണ് ആഴ്ചയിൽ ഉണ്ടാക്കിയത്. നീണ്ട ബുളളിഷ് കാൻഡിൽ രൂപപ്പെടുത്തിയാണ് വിപണി ക്ലോസ് ചെയ്തത്. യൂറോപ്യൻ വിപണികളിൽ സമ്മിശ്രമായിരുന്നു വാരാന്ത്യം. യുഎസിൽ ഡൗ ജോൺസ് 0.38 ഉം എസ് ആൻഡ് പി 1.04 ഉം നാസ് ഡാക് 1.59 ഉം ശതമാനം താഴ്ന്നു ക്ലാേസ് ചെയ്തു. യുഎസ് ഫ്യൂച്ചേഴ്സ് താഴ്ന്നാണു വ്യാപാരം നടത്തുന്നത്.

ഏഷ്യൻ വിപണികൾ ഇന്നു നല്ല നേട്ടത്തിലാണ് വ്യാപാരം തുടങ്ങിയത്. ജപ്പാനിലെ നിക്കെെ സൂചിക 1.25 ശതമാനവും ദക്ഷിണ കൊറിയയിലെ

കാേസ്പി രണ്ടു ശതമാനവും കുതിച്ചു. എന്നാൽ കഴിഞ്ഞ ദിവസങ്ങളിൽ ഇടിഞ്ഞ ചെെനീസ് വിപണി ഇന്നും നല്ല താഴ്ചയിലാണു വ്യാപാരം തുടങ്ങിയത്.

സിംഗപ്പുർ എക്സ്ചേഞ്ചിലെ ഡെറിവേറ്റീവ് വ്യാപാരത്തിൽ എസ്ജി എക്സ് നിഫ്റ്റി വെള്ളിയാഴ്ച 17,840 ൽ ക്ലാേസ് ചെയ്തു. രണ്ടാം സെഷനിൽ സൂചിക 17,800 - ലേക്കു താണു. ഇന്നു രാവിലെ സൂചിക 17,793 ലേക്കു താഴ്ന്നിട്ട് 17,819 വരെ കയറി. ഇന്ത്യൻ വിപണി ചാഞ്ചാട്ടത്തിലാകും വ്യാപാരം തുടങ്ങുക എന്നാണ് ഇതിലെ സൂചന.

അദാനി ഗ്രൂപ്പിന്റെ പ്രശ്നങ്ങൾ ഇന്ത്യൻ ബാങ്കിംഗിനോ സമ്പദ്ഘടനയ്ക്കോ കാര്യമായ പ്രശ്നം സൃഷ്ടിക്കുകയില്ലെന്ന നിലപാടാണു വാരാന്ത്യത്തിൽ സർക്കാർ എടുത്തത്. അതിൽ വിശ്വാസമർപ്പിച്ചാണ് വിപണി വെള്ളിയാഴ്ച നല്ല കുതിപ്പ് കാഴ്ചവച്ചത്. സെൻസെക്സ് 909.64 പോയിന്റ് (1.52%) കയറി 60,841.88ലും നിഫ്റ്റി 243.65 പോയിന്റ് (1.38%) ഉയർന്ന് 17,854.05ലും ക്ലോസ് ചെയ്തു. മിഡ് ക്യാപ് സൂചിക 0.18 ഉം സ്മോൾ ക്യാപ് സൂചിക 0.35 ഉം ശതമാനം താഴ്ന്നു.

നീണ്ട ബുള്ളിഷ് കാൻഡിൽ രൂപപ്പെടുത്തിയ നിഫ്റ്റി സൂചിക ഉയർച്ച തുടരുമെന്ന നിഗമനമാണ് വിശകലനവിദഗ്ധർക്കുള്ളത്. എന്നാൽ അദാനി ഗ്രൂപ്പ് കമ്പനികളുടെ ഇടിവ് സൂചികയെ വലിച്ചു താഴ്ത്തും എന്ന ആശങ്ക പ്രബലമായിട്ടുണ്ട്. നിഫ്റ്റിക്ക് 17,660 ലും 17,485 ലും സപ്പോർട്ട് ഉണ്ട്. 17,880 ലും 18,055 ലും തടസങ്ങൾ നേരിടാം.

വിദേശനിക്ഷേപകർ വെള്ളിയാഴ്ച 932.44 കോടി രൂപയുടെ ഓഹരികൾ വിറ്റു. സ്വദേശി ഫണ്ടുകൾ 1264.74 കോടിയുടെ ഓഹരികൾ വാങ്ങി. കഴിഞ്ഞയാഴ്ച വിദേശ നിക്ഷേപകർ 17,600 കോടിയിൽ പരം രൂപ ഓഹരി വിപണിയിൽ നിന്നു പിൻവലിച്ചു. ജനുവരിയിൽ 28,850 കോടി രൂപ അവർ പിൻവലിച്ചിരുന്നു. ഇന്ത്യയിൽ നിന്നു ചൈനയിലേക്കാണ് അവർ നിക്ഷേപം മാറ്റുന്നത്.

ക്രൂഡ് ഓയിൽ, വിമാന ഇന്ധനം, ഡീസൽ തുടങ്ങിയവയുടെ അമിത ലാഭ നികുതി വർധിപ്പിച്ചു. ക്രൂഡിന്റേതു രണ്ടര മടങ്ങായി. ഇന്നു ക്രൂഡ് ഉൽപാദക കമ്പനികൾക്കു വില ഇടിയാം.

ക്രൂഡ് ഓയിൽ വില താഴ്ചയിൽ തുടരുന്നു. ബ്രെന്റ് ഇനം 79.94 ഡോളറിലാണു വാരാന്ത്യത്തിൽ ക്ലാേസ് ചെയ്തത്. ഇന്നു രാവിലെ 80.06 ഡോളറിലേക്കു കയറി.

വ്യാവസായിക ലോഹങ്ങൾ വെള്ളിയാഴ്ച നഷ്ടത്തിൽ ക്ലോസ് ചെയ്തു. ചെമ്പും അലൂമിനിയവും ഓരാേ ശതമാനം താണപ്പോൾ നിക്കലും ടിന്നും മൂന്നു ശതമാനം ഇടിഞ്ഞു.

സ്വർണം വെള്ളിയാഴ്ച വലിയ ഇടിവിലായി. ഔൺസിന് 1966 ഡോളർ വരെ എത്തിയ സ്വർണം യുഎസ് തൊഴിൽ കണക്കിനെ തുടർന്ന് 1860 ഡോളർ വരെ ഇടിഞ്ഞു. യുഎസ് പലിശ നിരക്ക് ഇനിയും കൂടുമെന്ന ആശങ്കയിലാണു വിപണി. ഇന്നു രാവിലെ വില കയറിയിറങ്ങി. 1859 വരെ താഴ്ന്ന ശേഷം 1867-1868 ഡോളറിലാണു വ്യാപാരം. വെള്ളി വില 22.25 ഡോളറിലേക്കു താഴ്ന്നു.

കേരളത്തിൽ സ്വർണ വില രണ്ടു ദിവസം കൊണ്ട് 960 രൂപ ഇടിഞ്ഞ് 41,920 രൂപയായി.

രൂപ വെള്ളിയാഴ്ച നേട്ടമുണ്ടാക്കി. ഡോളർ 34 പൈസ നഷ്ടപ്പെടുത്തി 81.83 രൂപയിൽ ക്ലോസ് ചെയ്തു. ഡോളർ സൂചിക വാരാന്ത്യത്തിൽ കുതിച്ച് 103ലെത്തി. ഇന്നു രാവിലെ 103.17 ലാണു സൂചിക. ഡോളർ 82 രൂപയ്ക്കു മുകളിൽ കയറും എന്നാണു സൂചന.

അദാനി ഗ്രൂപ്പിനെപ്പറ്റി പുറത്തു വരുന്ന പുതിയ വിവരങ്ങൾ അത്ര ആവേശകരമല്ല. ക്രെഡിറ്റ് സ്വീസും സിറ്റി ഗ്രൂപ്പും അദാനിയുടെ ബോണ്ടുകൾ ഈടായി സ്വീകരിക്കുന്നില്ല. സ്റ്റാൻഡാർഡ് ചാർട്ടേഡ് വായ്പ അനുവദിക്കുന്നില്ല. 1000 കോടി രൂപയുടെ (12 കോടി ഡോളർ) ബോണ്ടുകൾ ഇറക്കാനുള്ള പ്ലാൻ ഉപേക്ഷിച്ചു. വേറാെരു 50 കോടി ഡോളറിന്റെ ബോണ്ട് വിൽപനയും നടക്കില്ല എന്നായി. ഒരു വർഷം മുമ്പ് എസിസിയും അംബുജയും വാങ്ങാനായി എടുത്ത 450 കോടി ഡോളർ വായ്പ തിരിച്ചടയ്ക്കാനാണ് കടപ്പത്രം ഇറക്കാൻ ആലോചിച്ചത്. ഇനി മറ്റു രീതിയിൽ പണം കണ്ടെത്തേണ്ടി വരും.