റെക്കോഡ് പുതുക്കി നിഫ്റ്റിയും സെന്‍സെക്‌സും; കുതിച്ച് വോഡഫോണും സ്‌പൈസ് ജെറ്റും, കല്യാണിനും മുന്നേറ്റം
നിക്ഷേപകരുടെ ആസ്തിയില്‍ ഒറ്റ ദിവസം കൊണ്ട് 4 ലക്ഷം കോടിയുടെ വര്‍ധന
അമേരിക്കന്‍ പലിശ നിരക്ക് ഉയര്‍ത്തിവിട്ട ആവേശത്തിരയിളക്കം പുതിയ വാരത്തിലും തുടര്‍ന്ന് ഇന്ത്യന്‍ ഓഹരി വിപണി. നിഫ്റ്റിയും സെന്‍സെക്‌സും ഇന്ന് പുതിയ ഉയരങ്ങള്‍ തൊട്ടു. 384.30 പോയിന്റ് ഉയര്‍ന്ന് 84,928.61ല്‍ വ്യാപാരം അവസാനിപ്പിച്ച സെന്‍സെക്‌സ് ഒരുവേള 84,980 വരെ കുതിച്ചുയര്‍ന്നിരുന്നു. നിഫ്റ്റിയാകട്ടെ 25,956 പോയിന്റ് വരെ ഉയര്‍ന്ന ശേഷം 148 പോയിന്റ് നേട്ടത്തോടെ 25,939.05ല്‍ വ്യാപാരം അവസാനിപ്പിച്ചു.
വിവിധ മേഖലകളുടെ പ്രകടനം
വിവിധ മേഖലകളുടെ ഇന്നത്തെ പ്രകടനം
ഓഹരികളുടെ പ്രകടനം
ബജാജ് ഓട്ടോ, മഹീന്ദ്ര ആന്‍ഡ് മഹീന്ദ്ര, ഒ.എന്‍.ജി.സി, ഹീറോ മോട്ടോകോര്‍പ്, എസ്.ബി.ഐ ലൈഫ് എന്നിവയാണ് സെന്‍സെക്‌സിനെ ഇന്ന് റെക്കോഡിലെത്തിച്ചത്. അതേസമയം ഐഷര്‍ മോട്ടോഴ്‌സ്, ഐ.സി.ഐ.സി.ഐ ബാങ്ക്, ഡിവിസ് ലാബ്, വിപ്രോ, ഇന്‍ഡസ് ബാങ്ക് എന്നിവ നഷ്ടം കുറിച്ചു.
നേട്ടത്തിലേറിയവര്‍
ആദാനി ടോട്ടല്‍ ഗ്യാസ് ആഗോള വായാപാദാതാക്കളില്‍ നിന്ന് 375 മില്യണ്‍ ഡോളറിന്റെ ഫണ്ടിംഗ് നേടിയത് ഓഹരികളെ ഉയര്‍ത്തി. കമ്പനിയുടെ വിപുലീകരണത്തിനായാണ് പണം സമാഹരിച്ചത്. ഓഹരി 8.37 ശതമാനം വരെ ഉയര്‍ന്ന് 854.65 രൂപയിലെത്തിയിരുന്നു. വ്യാപാരാന്ത്യത്തില്‍ നേട്ടം 5.20 ശതമാനമായി കുറഞ്ഞു.
മുന്നേറ്റത്തില്‍ വോഡ ഐഡിയയും സ്‌പൈസ്‌ജെറ്റും
ടെലികോം കമ്പനിയായ വോഡഫോണ്‍ ഐഡിയയുടെ ഓഹരി വില ഇന്ന് 10 ശതമാനം ഉയര്‍ന്നു. 4 ജി ശൃംഖല വിപുലീകരിക്കുന്നതിനും 5 ജി തുടങ്ങുന്നതിനും ടെലികോം ഉപകരണങ്ങള്‍ ലഭ്യമാക്കുന്നതിനുമായി നോക്കിയ, എറിക്‌സണ്‍, സാംസംഗ് എന്നീ കമ്പനികളുമായി 30,000 കോടി രൂപയുടെ കരാറില്‍ ഒപ്പുവച്ചതാണ് ഇന്ന് ഓഹരിയെ മുന്നേറ്റത്തിലാക്കിയത്.
ലെികോം കമ്പനികളുടെ ഗ്രോസ് അഡ്ജസ്റ്റ്ഡ് ഗ്രോസ് റവന്യു സംബന്ധിച്ച വിധിയില്‍ സുപ്രീം കോടതി ഉറച്ചു നിന്നതിനെ തുടര്‍ന്ന് കഴിഞ്ഞയാഴ്ചയിലെ അവസാന രണ്ട് ദിവസം ഓഹരി വില 5 ശതമാനം ഇടിഞ്ഞിരുന്നു. 10 രൂപയില്‍ താഴെ വരെ ഒരു ഘട്ടത്തില്‍ വിലയെത്തിയിരുന്നു. ഈ തിരുത്തലിനു ശേഷമാണ് ഇന്ന് ശക്തമായ മുന്നേറ്റം കാഴ്ചവച്ചത്.
ആഭ്യന്തര വിമാനക്കമ്പനിയായ സ്‌പൈസ്‌ജെറ്റ് ഓഹരികളും ഇന്ന് 10 ശതമാനം ഉയര്‍ന്നു. യോഗ്യരായ നിക്ഷേപക സ്ഥാപനങ്ങള്‍ക്ക് ഓഹരി നല്‍കി (qualified institutional placement/QIP) 3,000 കോടി സമാഹരിച്ചതാണ് ഓഹരിക്ക് ഗുണമായത്. സെപ്റ്റംബര്‍ 16 മുതല്‍ 18 വരെ നടന്ന ക്യു.ഐ.പിക്ക് പ്രതീക്ഷിച്ചതിലും അധികം സബ്‌സ്‌ക്രിപ്ഷന്‍ ലഭിച്ചത് കമ്പനിയുടെ വളര്‍ച്ചാ സാധ്യതയെ കുറിച്ചുള്ള വിശ്വാസമാണ് കാണിച്ചത്. ഓഹരി വില ഇന്ന് 72 രൂപ വരെയെത്തി.
ഗ്ലെന്‍മാര്‍ക്ക് ഫാര്‍മ ഓഹരി മൂന്ന് ശതമാനം ഉയര്‍ന്നു. കമ്പനിയുടെ ഔറംഗാബാദിലെ മാനുഫാക്ചറിംഗി യൂണിറ്റില്‍ യു.എസ് ഫുഡ് ആന്‍ഡ് ഡ്രഗ് അഡ്മിനിസ്‌ട്രേഷന്‍ (എഫ്.ഡി.എ) അന്വേഷണം പൂര്‍ത്തിയാക്കിയതാണ് ഓഹരിയെ നേട്ടത്തിലാക്കിയത്.
അംബര്‍ എന്റര്‍പ്രൈസസ് 15 ശതമാനം ഉയര്‍ന്ന് എക്കാലത്തെയും ഉയര്‍ന്ന വിലയിലെത്തി. ബ്രോക്കറേജായ ജെഫ്രീസ് ബൈ റേറ്റിംഗ് നല്‍കിയതും ലക്ഷ്യ വില 5,200 രൂപ ആക്കിയതുമാണ് നേട്ടത്തിലാക്കിയത്.
നഷ്ടത്തിലായവര്‍
മുന്നേറി കല്യാണും ആഡ്‌ടെക്കും എസ്.ഐ.ബിയും
സൗത്ത് ഇന്ത്യന്‍ ബാങ്ക് ഓഹരികള്‍ ഇന്ന് മൂന്ന് ശതമാനത്തിലധികം ഉയര്‍ന്ന് 25.30 രൂപയിലെത്തി. ടോളിന്‍സ് ടയേഴ്‌സ്, വെര്‍ട്ടെക്‌സ് സെക്യൂരിറ്റീസ് എന്നിവയും ഇന്ന് മൂന്ന് ശതമാനത്തിലധികം ഉയര്‍ന്നു.
പുതിയ എം.ഡിയും സി.ഇ.ഒയുമായി കെ.വി.എസ് മണിയന്‍ ചുമതലയേറ്റതിന് പിന്നാലെ ഫെഡറല്‍ ബാങ്ക് ഓഹരികള്‍ ഇന്ന് ഒരു ശതമാനത്തലധികം ഉയര്‍ന്നു.
കേരള കമ്പനി ഓഹരികളുടെ പ്രകടനം