നിഫ്റ്റി ഹ്രസ്വകാല സപ്പോർട്ട് ലെവലിന് മുകളിൽ തുടർന്നാൽ വരും ദിവസങ്ങളിൽ കുത്തനെയുള്ള മുന്നേറ്റം പ്രതീക്ഷിക്കാം

നിഫ്റ്റി 93.85 പോയിൻ്റ് (0.38%) ഉയർന്ന് 24,951.15 ലാണ് ക്ലോസ് ചെയ്തത്. നിഫ്റ്റി 24,870 എന്ന ഹ്രസ്വകാല സപ്പോർട്ട് ലെവലിന് മുകളിൽ തുടർന്നാൽ വരും ദിവസങ്ങളിൽ കുത്തനെയുള്ള മുന്നേറ്റം പ്രതീക്ഷിക്കാം.

നിഫ്റ്റി ഉയർന്ന് 24,886.70 ൽ വ്യാപാരം ആരംഭിച്ചു. ഈ ആക്കം സെഷനിലുടനീളം തുടർന്നു. 24,951.15 ൽ ക്ലോസ് ചെയ്യുന്നതിനുമുമ്പ് 24,984.60 എന്ന ഉയരം പരീക്ഷിച്ചു. മെറ്റൽ, ഫാർമ, മീഡിയ, എഫ്എംസിജി എന്നിവയാണ് ഏറ്റവും കൂടുതൽ നേട്ടമുണ്ടാക്കിയ മേഖലകൾ, പൊതുമേഖലാ ബാങ്കുകളും റിയൽറ്റിയും നഷ്ടത്തിലായി. 1255 ഓഹരികൾ ഉയർന്നു, 1288 ഓഹരികൾ ഇടിഞ്ഞു, 108 എണ്ണം മാറ്റമില്ലാതെ തുടർന്നു. വിശാലവിപണി നെഗറ്റീവ് ആയിരുന്നു.

നിഫ്റ്റി സൂചികയിലെ ഏറ്റവും ഉയർന്ന നേട്ടം ജെഎസ്ഡബ്ല്യു സ്റ്റീൽ, ഏഷ്യൻ പെയിൻ്റ്സ്, എച്ച്ഡിഎഫ്സി ലെെഫ്, എൻടിപിസി എന്നിവയ്ക്കാണ്. കൂടുതൽ നഷ്ടം ബ്രിട്ടാനിയ, ഡോ. റെഡ്ഡീസ്, ഗ്രാസിം, റിലയൻസ് എന്നിവയ്ക്കാണ്.

മൊമെൻ്റം സൂചകങ്ങൾ പോസിറ്റീവ് പ്രവണത കാണിക്കുന്നു. നിഫ്റ്റി ഹ്രസ്വകാല, ദീർഘകാല മൂവിംഗ് ശരാശരികൾക്ക് മുകളിലാണ്. സൂചിക പ്രതിദിന ചാർട്ടിൽ ചെറിയ വെെറ്റ് കാൻഡിൽസ്റ്റിക്ക് രൂപപ്പെടുത്തി മുൻ ദിവസത്തെ ക്ലോസിംഗിനു മുകളിൽ ക്ലോസ് ചെയ്തു. ബുള്ളിഷ് ട്രെൻഡ് തുടരാനുള്ള സാധ്യതയാണ് ഇതെല്ലാം സൂചിപ്പിക്കുന്നത്. സൂചികയ്ക്ക് 24,870 ൽ ഹ്രസ്വകാല പിന്തുണയുണ്ട്. സൂചിക ഈ നിലവാരത്തിന് മുകളിൽ തുടരുകയാണെങ്കിൽ വരും ദിവസങ്ങളിൽ കുത്തനെയുള്ള ഉയർച്ച പ്രതീക്ഷിക്കാം. ഏറ്റവും അടുത്തുള്ള ഇൻട്രാഡേ പ്രതിരോധം 25,000 ലെവലിലാണ്.

പിന്തുണ 24,900 -24,800 -24,700

പ്രതിരോധം 25,000 -25,100 -25,200

(15-മിനിറ്റ് ചാർട്ടുകൾ)

പൊസിഷണൽ ട്രേഡിംഗ്:

ഹ്രസ്വകാല പിന്തുണ 24,870 -24,200

പ്രതിരോധം 25,500 -26,000.

ബാങ്ക് നിഫ്റ്റി 54.10 പോയിൻ്റ് നേട്ടത്തിൽ 51,553.40 ൽ ക്ലോസ് ചെയ്തു. ആക്കം സൂചകങ്ങൾ താഴേക്കുള്ള പ്രവണത കാണിക്കുന്നു. എങ്കിലും സൂചിക ദീർഘകാല മൂവിംഗ് ശരാശരിക്ക് മുകളിലാണ്. മാത്രമല്ല, പ്രതിദിന ചാർട്ടിൽ ചെറിയ വെെറ്റ് കാൻഡിൽസ്റ്റിക്ക് രൂപപ്പെടുത്തി കഴിഞ്ഞ ദിവസത്തെ ക്ലോസിംഗിനു മുകളിൽ ക്ലോസ് ചെയ്തു. സൂചികയ്ക്ക് 51,200 ലെവലിൽ ഇൻട്രാഡേ പിന്തുണയുണ്ട്. സൂചിക ഈ നിലയ്ക്ക് മുകളിൽ തുടരുകയാണെങ്കിൽ, ബുള്ളിഷ് ട്രെൻഡ് തുടരും. ഏറ്റവും അടുത്തുള്ള ഇൻട്രാഡേ പ്രതിരോധം 51,600 ലെവലിലാണ്. ശക്തമായ ബുള്ളിഷ് പ്രവണതയ്ക്ക്, സൂചിക 51,900-ന് മുകളിൽ ക്ലോസ് ചെയ്യേണ്ടതുണ്ട്. അല്ലെങ്കിൽ, സമീപകാല സമാഹരണം കുറച്ച് ദിവസത്തേക്ക് കൂടി തുടരും.

51,200 -50,900 -50,600

പ്രതിരോധ നിലകൾ

51,600 -51,950 -52,300

(15-മിനിറ്റ് ചാർട്ടുകൾ).

പൊസിഷണൽ വ്യാപാരികൾക്ക്

ഹ്രസ്വകാല സപ്പോർട്ട് 50,650 -49,300

പ്രതിരോധം 51,900 -53,250.