ബുള്ളിഷ് ട്രെൻഡ് പുനരാരംഭിക്കുന്നതിന് 21,800- 21,835 ലെ പ്രതിരോധ നില മറികടക്കണം

(ജനുവരി ഒന്നിലെ മാർക്കറ്റ് ക്ലോസിംഗിനെ അടിസ്ഥാനമാക്കി)

നിഫ്റ്റി ഇന്നലെ 10.5 പോയിന്റ് (0.05 ശതമാനം) നേട്ടത്തോടെ 21,741.90 ലാണു വ്യാപാരം അവസാനിപ്പിച്ചത്. നിഫ്റ്റി 21,800- 21,835 ലെവലിൽ പ്രതിരോധം നേരിടുന്നു. ബുള്ളിഷ് ട്രെൻഡ് പുനരാരംഭിക്കുന്നതിന് സൂചിക ഈ മേഖലയെ മറികടക്കേണ്ടതുണ്ട്.

നിഫ്റ്റി 21,800- 21,835 ലെവലിൽ പ്രതിരോധം നേരിടുന്നു. ബുള്ളിഷ് ട്രെൻഡ് പുനരാരംഭിക്കുന്നതിന് സൂചിക ഈ മേഖലയെ മറികടക്കേണ്ടതുണ്ട്.

നിഫ്റ്റി അൽപം താഴ്ന്ന് 21,727.80 ൽ വ്യാപാരം ആരംഭിച്ചു. സൂചിക ക്രമേണ ഉയർന്ന് 21,834.30 ലെ റെക്കോഡ് ഉയരം പരീക്ഷിച്ചു. എന്നാൽ നേട്ടം നിലനിർത്താൻ കഴിഞ്ഞില്ല, ക്ലോസിംഗ് സെഷനിൽ സൂചിക കുത്തനെ ഇടിഞ്ഞ് ഇൻട്രാഡേയിലെ ഏറ്റവും താഴ്ന്ന നിലവാരമായ 21,680.80 ൽ എത്തി. 21,741.90 ൽ ക്ലോസ് ചെയ്തു.

മാധ്യമങ്ങൾ, പൊതുമേഖലാ ബാങ്കുകൾ, എഫ്.എം.സി.ജി, ഐ.ടി എന്നിവയാണ് കൂടുതൽ നേട്ടമുണ്ടാക്കിയ മേഖലകൾ, ധനകാര്യ സേവനങ്ങൾ, ഓട്ടോ, ബാങ്കുകൾ എന്നിവയ്ക്കാണു പ്രധാന നഷ്ടം.

വിശാലവിപണി പോസിറ്റീവ് ആയിരുന്നു, 1,552 ഓഹരികൾ ഉയർന്നു, 826 എണ്ണം ഇടിഞ്ഞു, 128 എണ്ണം മാറ്റമില്ലാതെ തുടരുന്നു.

നിഫ്റ്റിയിൽ നെസ്ലെ, അദാനി എന്റർപ്രെെസസ്, അദാനി പോർട്സ്, ടെക് മഹീന്ദ്ര എന്നിവ കൂടുതൽ നേട്ടമുണ്ടാക്കി. ഐഷർ മോട്ടോഴ്സ്, ഭാരതി എയർടെൽ, മഹീന്ദ്ര ആൻഡ് മഹീന്ദ്ര, ബജാജ് ഓട്ടോ എന്നിവയ്ക്കാണു കൂടുതൽ നഷ്ടം.

നിഫ്റ്റി ഹ്രസ്വകാല, ദീർഘകാല മൂവിംഗ് ശരാശരികൾക്ക് മുകളിലാണ്. ആക്കം സൂചകങ്ങളും ശക്തമായ പോസിറ്റീവ് പ്രവണത കാണിക്കുന്നു. സൂചിക പ്രതിദിന ചാർട്ടിൽ ചെറിയ വെെറ്റ് കാൻഡിൽ (white candle) രൂപപ്പെടുത്തി കഴിഞ്ഞ ദിവസത്തെ ക്ലോസിംഗിനു തൊട്ടു മുകളിൽ ക്ലോസ് ചെയ്തു. ഈ പാറ്റേൺ സമാഹരണത്തിന്റെ സാധ്യത സൂചിപ്പിക്കുന്നു.

സൂചികയ്ക്ക് 21,800-21,835 ൽ ഇൻട്രാഡേ പ്രതിരോധമുണ്ട്. സൂചിക ഈ നിലയെ മറികടന്നാൽ പോസിറ്റീവ് ട്രെൻഡ് പുനരാരംഭിക്കാം. അല്ലെങ്കിൽ കുറച്ച് ദിവസത്തേക്ക് സൂചിക ഈ നിലയ്ക്ക് താഴെ സമാഹരണത്തിലാകാം. അടുത്തുള്ള ഹ്രസ്വകാല പിന്തുണ 21,600 ലാണ്.

ഇൻട്രാഡേ സപ്പോർട്ട് ലെവലുകൾ 21,675-21,600-21,530

റെസിസ്റ്റൻസ് ലെവലുകൾ

21,770-21,835-21,900

(15 മിനിറ്റ് ചാർട്ടുകൾ).

പൊസിഷണൽ വ്യാപാരികളുടെ ഹ്രസ്വകാല സപ്പോർട്ട് 21,600-21,000

പ്രതിരോധം 22,000 -22,500.

ബാങ്ക് നിഫ്റ്റി

ബാങ്ക് നിഫ്റ്റി 57.95 പോയിന്റ് നഷ്ടത്തിൽ 48,234.30 ൽ ക്ലോസ് ചെയ്തു. മൊമെന്റം സൂചകങ്ങൾ പോസിറ്റീവ് പ്രവണത കാണിക്കുന്നു, സൂചിക ഇടക്കാല, ദീർഘകാല മൂവിംഗ് ശരാശരികൾക്ക് മുകളിലാണ്. എങ്കിലും, സൂചിക ഡെയ്‌ലി ചാർട്ടിൽ ഒരു ഡോജി മെഴുകുതിരി (doji candle) രൂപപ്പെടുത്തി കഴിഞ്ഞ ദിവസത്തെ ക്ലോസിംഗിനു താഴെ ക്ലോസ് ചെയ്തു. ഈ പാറ്റേൺ നെഗറ്റീവ് പ്രവണത സൂചിപ്പിക്കുന്നു.

സൂചികയ്ക്ക് 48,200-ൽ ഹ്രസ്വകാല പിന്തുണയുണ്ട്. സൂചിക ഈ നിലയ്ക്ക് താഴെയാണെങ്കിൽ നെഗറ്റീവ് ട്രെൻഡ് തുടരാം. 48,400 ലാണ് അടുത്തുള്ള ഇൻട്രാഡേ പ്രതിരോധം.

ഇൻട്രാഡേ ട്രേഡർമാർക്ക്

സപ്പോർട്ട് ലെവലുകൾ

48,200 -48,000 -47,800

പ്രതിരോധ നിലകൾ

48,400 -48,600 -48,800.

(15 മിനിറ്റ് ചാർട്ടുകൾ)

പൊസിഷനൽ ട്രേഡർമാർക്കു ഹ്രസ്വകാല സപ്പോർട്ട് 48,200-47,000

പ്രതിരോധം 49,500 - 50,700.