ബുള്ളിഷ് പ്രവണതയോടെ സൂചികകള്‍

നിഫ്റ്റി 216.95 പോയിന്റ് (1.14 ശതമാനം) ഉയര്‍ന്ന് 19,189.05 എന്ന റെക്കോര്‍ഡ് ഉയരത്തിലാണ് ക്ലോസ് ചെയ്തത്. സൂചിക 19,201.70 ന് മുകളില്‍ നീങ്ങുകയാണെങ്കില്‍, വരും ദിവസങ്ങളിലും ബുള്ളിഷ് ട്രെന്‍ഡ് തുടരാം. നിഫ്റ്റി ഉയര്‍ന്ന് 19,076.80 ല്‍ വ്യാപാരം തുടങ്ങി. ഈ കുതിപ്പ് സെഷനിലുടനീളം തുടര്‍ന്നു. 19,189.05 ല്‍ ക്ലോസ് ചെയ്യുന്നതിനു മുമ്പ് എക്കാലത്തെയും ഉയര്‍ന്ന 19201.70 പരീക്ഷിച്ചു.

ലോഹങ്ങള്‍ ഒഴികെയുള്ള എല്ലാ മേഖലകളും നല്ല നേട്ടത്തില്‍ ക്ലോസ് ചെയ്തു. ഐടി, ഓട്ടോ, ബാങ്ക്, ഫാര്‍മ എന്നിവയാണ് ഏറ്റവും കൂടുതല്‍ നേട്ടമുണ്ടാക്കിയത്. വിശാല മാര്‍ക്കറ്റ് പോസിറ്റീവ് ആയിരുന്നു, 1261 ഓഹരികള്‍ ഉയര്‍ന്നു, 979 എണ്ണം ഇടിഞ്ഞു, 137 എണ്ണം മാറ്റമില്ലാതെ തുടര്‍ന്നു.

നിഫ്റ്റിയില്‍ മഹീന്ദ്ര ആന്‍ഡ് മഹീന്ദ്ര, ഇന്‍ഫോസിസ്, ഇന്‍ഡസ് ഇന്‍ഡ് ബാങ്ക്, സണ്‍ ഫാര്‍മ എന്നിവ ഏറ്റവും കൂടുതല്‍ നേട്ടമുണ്ടാക്കിയപ്പോള്‍, പ്രധാന നഷ്ടം അദാനി പോര്‍ട്ട്‌സ്, അഡാനി എന്റര്‍പ്രൈസസ്, അപ്പോളോ ഹോസ്പിറ്റല്‍സ്, ബജാജ് ഓട്ടോ എന്നിവയ്ക്കാണ്.

സൂചിക ഹ്രസ്വകാല, ദീര്‍ഘകാല മൂവിംഗ് ശരാശരികള്‍ക്ക് മുകളിലാണ്. മൊമെന്റം സൂചകങ്ങള്‍ പോസിറ്റീവ് പ്രവണത സൂചിപ്പിക്കുന്നു. സൂചിക പ്രതിദിന ചാര്‍ട്ടില്‍ നീണ്ട വൈറ്റ് കാന്‍ഡില്‍ രൂപപ്പെടുത്തി റെക്കോര്‍ഡ് ഉയരത്തില്‍ ക്ലോസ് ചെയ്തു. ഇവയെല്ലാം കൂടുതല്‍ ഉയര്‍ച്ചയുടെ സാധ്യത സൂചിപ്പിക്കുന്നു.

സൂചികയ്ക്ക് 19,201.70 ല്‍ ഇന്‍ട്രാഡേ പ്രതിരോധമുണ്ട്. സൂചിക ഈ നിലയ്ക്ക് മുകളില്‍ ട്രേഡ് ചെയ്തു നില നിന്നാല്‍ വരും ദിവസങ്ങളില്‍ കൂടുതല്‍ കയറ്റം പ്രതീക്ഷിക്കാം. അടുത്ത ഹ്രസ്വകാല പ്രതിരോധം 19,250 -19,500 ലെവലിലാണ്. 18,900 ലെവലിലാണ് ഏറ്റവും അടുത്തുള്ള പിന്തുണ.

പിന്തുണ - പ്രതിരോധ നിലകള്‍

ഇന്‍ട്രാഡേ സപ്പോര്‍ട്ട് ലെവലുകള്‍

19,125-19,065-19,010

റെസിസ്റ്റന്‍സ് ലെവലുകള്‍

19,202-19,275-19,350

(15 മിനിറ്റ് ചാര്‍ട്ടുകള്‍)

ബാങ്ക് നിഫ്റ്റി

ബാങ്ക് നിഫ്റ്റി എക്കാലത്തെയും ഉയര്‍ന്ന 44,787.10 പരീക്ഷിച്ചു ഒടുവില്‍ 419.55 പോയിന്റ് നേട്ടത്തോടെ 44,747.35 ല്‍ ക്ലോസ് ചെയ്തു. മൊമെന്റം സൂചകങ്ങള്‍ പോസിറ്റീവ് പ്രവണത സൂചിപ്പിക്കുന്നു, സൂചിക ഹ്രസ്വകാല മൂവിംഗ് ശരാശരിക്ക് മുകളിലാണ്. സൂചിക പ്രതിദിന ചാര്‍ട്ടില്‍ വൈറ്റ് കാന്‍ഡില്‍ രൂപപ്പെടുത്തി എക്കാലത്തെയും ഉയര്‍ന്ന നിരക്കില്‍ ക്ലോസ് ചെയ്തു. ഉയര്‍ന്ന ഭാഗത്ത്, സൂചികയ്ക്ക് 44,800 ല്‍ ഇന്‍ട്രാഡേ റെസിസ്റ്റന്‍സ് ഉണ്ട്. ഈ നിലവാരത്തിന് മുകളില്‍ നീങ്ങുകയാണെങ്കില്‍, വരും ദിവസങ്ങളില്‍ കൂടുതല്‍ ഉയര്‍ച്ച പ്രതീക്ഷിക്കാം. അടുത്ത ഹ്രസ്വകാല പ്രതിരോധം 45,250 ലെവലിലാണ്. ഏറ്റവും അടുത്തുള്ള ഹ്രസ്വകാല പിന്തുണ 44,500 ആണ്.

ഇന്‍ട്രാഡേ സപ്പോര്‍ട്ട് ലെവലുകള്‍

44,600 -44,400 -44,200

പ്രതിരോധ നിലകള്‍

44,800 -45,000 -45,200

(15 മിനിറ്റ് ചാര്‍ട്ടുകള്‍)