നിഫ്റ്റി 22,400ന് താഴേയ്ക്ക് നീങ്ങുകയാണെങ്കില്‍ ഇടിവ് തുടരാം

നിഫ്റ്റി 172.35 പോയിൻ്റ് (0.76 ശതമാനം) ഇടിഞ്ഞ് 22,475.85ലാണ് ക്ലോസ് ചെയ്തത്. നിഫ്റ്റി ഇൻട്രാഡേ സപ്പോർട്ട് ലെവലായ 22,400ന് താഴെ നിലനിന്നാൽ താഴേയ്ക്കുള്ള പക്ഷപാതം തുടരും.

നിഫ്റ്റി ഉയർന്ന് 22,766.30ൽ വ്യാപാരം തുടങ്ങി. രാവിലെ റെക്കോർഡ് ഉയരമായ 22,794.70 പരീക്ഷിച്ചു. സൂചിക കുത്തനെ ഇടിഞ്ഞ് ഏറ്റവും താഴ്ന്ന നിലവാരമായ 22,348.05ൽ എത്തി. 22,475.85ൽ ക്ലോസ് ചെയ്തു. എഫ്.എം.സി.ജി ഒഴികെയുള്ള എല്ലാ മേഖലകളും താഴ്ന്ന് അവസാനിച്ചു.

റിയൽറ്റി, ഐ.ടി, ഓട്ടോ, പൊതുമേഖലാ ബാങ്കുകൾ എന്നിവയാണ് ഏറ്റവും കൂടുതൽ നഷ്ടം നേരിട്ട മേഖലകൾ. വിശാലവിപണി നെഗറ്റീവ് ആയിരുന്നു. 884 ഓഹരികൾ ഉയർന്നു, 1572 എണ്ണം ഇടിഞ്ഞു, 146 എണ്ണം മാറ്റമില്ലാതെ തുടരുന്നു.

നിഫ്റ്റിക്ക് കീഴിൽ ഏറ്റവും ഉയർന്ന നേട്ടമുണ്ടാക്കിയത് കോൾ ഇന്ത്യ, ഗ്രാസിം, ഒ.എൻ.ജി.സി, ഡോ. റെഡ്ഡീസ് എന്നിവയായിരുന്നു. കൂടുതൽ നഷ്ടം എൽ ആൻഡ് ടി, മാരുതി, നെസ്ലെ, റിലയൻസ് എന്നിവയ്ക്കായിരുന്നു.

നിഫ്റ്റി ഇടത്തരം, ദീർഘകാല മൂവിംഗ് ശരാശരികൾക്ക് മുകളിലാണ്. മൊമെൻ്റം സൂചകങ്ങൾ പാേസിറ്റീവ് പ്രവണത കാണിക്കുന്നു. എങ്കിലും സൂചിക ഡെയ്‌ലി ചാർട്ടിൽ നീണ്ട ബ്ലായ്ക്ക് കാൻഡിൽ രൂപപ്പെടുത്തി കഴിഞ്ഞ ദിവസത്തെ ക്ലോസിംഗിനു താഴെ ക്ലോസ് ചെയ്തു. ഈ പാറ്റേൺ ഒരു ബെയറിഷ് എൻവലപ്പിംഗ് പാറ്റേൺ പോലെ കാണപ്പെടുന്നു. ഈ മെഴുകുതിരി സമീപകാല അപ്‌ട്രെൻഡിലെ മാന്ദ്യവും ട്രെൻഡ് താഴേക്ക് മാറാനുള്ള സാധ്യതയും സൂചിപ്പിക്കുന്നു.

കൂടുതൽ സ്ഥിരീകരണത്തിന്, ഇൻഡെക്‌സ് വരും ദിവസങ്ങളിൽ ബെയറിഷ് എൻവലപ്പിംഗ് പാറ്റേണിനു താഴെ ട്രേഡ് ചെയ്തു നിലനിൽക്കണം. 22,400 -22,350 ഏരിയ സൂചികയ്ക്ക് ഇൻട്രാഡേ പിന്തുണ നൽകുന്നു. ഈ മേഖലയ്ക്ക് താഴെയാണ് സൂചിക നീങ്ങുന്നതെങ്കിൽ, ഇടിവ് ഇന്നും തുടരാം. ഇൻട്രാഡേ പ്രതിരോധം 22,550 ലെവലിലാണ്. ഒരു പുൾബാക്ക് റാലിക്ക്, സൂചിക ഈ നില മറികടക്കേണ്ടതുണ്ട്.

ഇൻട്രാഡേ ലെവലുകൾ:

പിന്തുണ 22,400 -22,300 -22,225

പ്രതിരോധം 22,550 -22,650 -22,750

(15-മിനിറ്റ് ചാർട്ടുകൾ)

പൊസിഷണൽ ട്രേഡിംഗ്:

ഹ്രസ്വകാല പിന്തുണ 22,250 -21,700

പ്രതിരോധം 22,800 -23,250.

ബാങ്ക് നിഫ്റ്റി

ബാങ്ക് നിഫ്റ്റി 307.50 പോയിൻ്റ് നഷ്ടത്തിൽ 48,923.55ൽ ക്ലോസ് ചെയ്തു. മൊമെൻ്റം സൂചകങ്ങൾ പാേസിറ്റീവ് പ്രവണത കാണിക്കുന്നു, സൂചിക ഹ്രസ്വകാല, ദീർഘകാല മൂവിംഗ് ശരാശരികൾക്ക് മുകളിലാണ്. സൂചിക പ്രതിദിന ചാർട്ടിൽ ബ്ലായ്ക്ക് കാൻഡിൽ രൂപപ്പെടുത്തി കഴിഞ്ഞ ദിവസത്തെ ക്ലോസിംഗിനു താഴെ ക്ലോസ് ചെയ്തു. ഈ പാറ്റേൺ അല്പം നെഗറ്റീവ് പക്ഷപാതം സൂചിപ്പിക്കുന്നു.

സൂചികയ്ക്ക് 48,700 ലെവലിൽ ഇൻട്രാഡേ പിന്തുണയുണ്ട്. സൂചിക ഈ നിലവാരത്തിന് താഴെയ നീങ്ങുകയാണെങ്കിൽ ഇടിവ് ഇന്നും തുടരാം. ഏറ്റവും അടുത്തുള്ള ഇൻട്രാഡേ പ്രതിരോധം 49,130 ലെവലിലാണ്, ഒരു പുൾബാക്ക് റാലിക്ക് സൂചിക ഈ ലെവലിനെ മറികടക്കേണ്ടതുണ്ട്.

ഇൻട്രാഡേ സപ്പോർട്ട് ലെവലുകൾ 48,700 -48,375 -48,100

പ്രതിരോധ നിലകൾ 49,130 -49,580 -49,950

(15-മിനിറ്റ് ചാർട്ടുകൾ)

പൊസിഷണൽ ട്രേഡർമാർക്കു ഹ്രസ്വകാല സപ്പോർട്ട് 48,500 -47,000.

പ്രതിരോധം 49,500 -50,500.