നിഫ്റ്റി 22,500ന് മുകളില്‍ നില്‍ക്കുന്നിടത്തോളം പോസിറ്റീവ് മൊമെന്റം തുടരും, ആദ്യ പ്രതിരോധം 22,565ല്‍

നിഫ്റ്റി 0.95 പോയിൻ്റ് താഴ്ന്ന് 22,513.70ലാണ് ക്ലോസ് ചെയ്തത്. നിഫ്റ്റി 22,500ന് മുകളിൽ നിൽക്കുന്നിടത്തോളം നിലവിലുള്ള പോസിറ്റീവ് ആക്കം തുടരും.

നിഫ്റ്റി താഴ്സ് 22,486.40ൽ വ്യാപാരം ആരംഭിച്ചു. രാവിലെ 22,427.60 എന്ന ഏറ്റവും താഴ്ന്ന നിലവാരത്തിലെത്തി. സൂചിക ക്രമേണ ഉയർന്ന് 22,537.60 എന്ന ഇൻട്രാഡേ ഉയർന്ന നിലവാരം പരീക്ഷിച്ചു. 22,513.70 ൽ ക്ലോസ് ചെയ്തു.

റിയൽറ്റി, ബാങ്കുകൾ, ധനകാര്യ സേവനങ്ങൾ, എഫ്.എം.സി.ജി എന്നിവയാണ് ഏറ്റവും കൂടുതൽ നേട്ടമുണ്ടാക്കിയ മേഖലകൾ, ഐ.ടി, മീഡിയ, ഓട്ടോ എന്നിവയാണ് കൂടുതൽ നഷ്ടം നേരിട്ടത്. വിശാലവിപണി പോസിറ്റീവ് ആയിരുന്നു. 1453 ഓഹരികൾ ഉയർന്നു, 960 എണ്ണം ഇടിഞ്ഞു, 167 എണ്ണം മാറ്റമില്ലാതെ തുടരുന്നു.

നിഫ്റ്റിയിൽ ഏറ്റവും ഉയർന്ന നേട്ടം കൊട്ടക് മഹീന്ദ്ര ബാങ്ക്, എസ്.ബി.ഐ ലൈഫ്, എച്ച്.ഡി.എഫ്.സി ബാങ്ക്, ബജാജ് ഫിൻസെർവ് എന്നിവയ്ക്കായിരുന്നു. കൂടുതൽ നഷ്ടം അൾട്രാടെക് സിമൻ്റ്, ഗ്രാസിം, ബജാജ് ഓട്ടോ, ബജാജ്‌ ഫിനാൻസ് എന്നിവയ്ക്കായിരുന്നു.

നിഫ്റ്റി ഹ്രസ്വകാല, ദീർഘകാല മൂവിംഗ് ശരാശരികൾക്കു മുകളിലാണ്. മൊമെൻ്റം സൂചകങ്ങൾ പോസിറ്റീവ് പ്രവണത കാണിക്കുന്നു. സൂചിക ഡെയ്‌ലി ചാർട്ടിൽ ചെറിയ വെെറ്റ് കാൻഡിൽ രൂപപ്പെടുത്തി, പിന്തുണ ലെവലായ 22,500ന് മുകളിൽ തുടർന്നു. ഇതെല്ലാം സൂചിപ്പിക്കുന്നത് ആക്കം കാളകൾക്ക് അനുകൂലമായി തുടരുന്നു എന്നാണ്. നിഫ്റ്റി 22,500 ലെവലിന് മുകളിൽ തുടരുകയാണെങ്കിൽ, വരും ദിവസങ്ങളിലും ബുള്ളിഷ് ട്രെൻഡ് തുടരാം. അടുത്ത ഹ്രസ്വകാല പ്രതിരോധം 23,000 ആണ്.

ഇൻട്രാഡേ ലെവലുകൾ:

പിന്തുണ 22,480 -22,420 -22,360

പ്രതിരോധം 22,565 -22,650 -22725

(15-മിനിറ്റ് ചാർട്ടുകൾ)

പൊസിഷണൽ ട്രേഡിംഗ്:

ഹ്രസ്വകാല പിന്തുണ 22,500 -21850

പ്രതിരോധം 23,000 -23500.

ബാങ്ക് നിഫ്റ്റി

ബാങ്ക് നിഫ്റ്റി 432.25 പോയിൻ്റ് നേട്ടത്തിൽ 48,493.05ൽ ക്ലോസ് ചെയ്തു. മൊമെൻ്റം സൂചകങ്ങൾ പോസിറ്റീവ് പ്രവണത കാണിക്കുന്നു. കൂടാതെ സൂചിക ഹ്രസ്വകാല, ദീർഘകാല മൂവിംഗ് ശരാശരികൾക്ക് മുകളിലാണ്. സൂചിക ഡെയ്‌ലി ചാർട്ടിൽ വൈറ്റ് കാൻഡിൽ രൂപപ്പെടുത്തി 48,500 എന്ന പ്രതിരോധത്തിന് സമീപം ക്ലോസ് ചെയ്തു. സൂചിക 48,500 എന്ന പ്രതിരോധ നിലയെ മറികടക്കുകയാണെങ്കിൽ, വരും ദിവസങ്ങളിലും ബുള്ളിഷ് ട്രെൻഡ് തുടരാം. അടുത്ത ഹ്രസ്വകാല പ്രതിരോധം 49,500 ലെവലിലാണ്.

ഇൻട്രാഡേ സപ്പോർട്ട് ലെവലുകൾ 48,400 -48,200 -48,000

പ്രതിരോധനിലകൾ 48,600 -48,800 -49,000

(15-മിനിറ്റ് ചാർട്ടുകൾ)

പൊസിഷനൽ ട്രേഡർമാർക്ക്

ഹ്രസ്വകാല സപ്പോർട്ട് 47,000 -46,000

പ്രതിരോധം 48,500 -49,500