തുടര്‍ച്ചയായ വിപണി മുന്നേറ്റത്തിന് 21,965 മറികടക്കാന്‍ ലക്ഷ്യമിട്ട് നിഫ്റ്റി

നിഫ്റ്റി 1.10 പോയിന്റ് (0.01 ശതമാനം) ഉയര്‍ന്ന് 21,930.50ല്‍ ക്ലോസ് ചെയ്തു. നിഫ്റ്റി ഇന്‍ട്രാഡേ റെസിസ്റ്റന്‍സ് 21,965നെ മറികടന്നാല്‍ മുന്നേറ്റം തുടരും.

നിഫ്റ്റി ഉയര്‍ന്ന് 22,045.10ല്‍ വ്യാപാരം തുടങ്ങി. രാവിലെ തന്നെ 22,053.30 എന്ന ഉയര്‍ന്ന നിലവാരം പരീക്ഷിച്ചു. സൂചിക ക്രമേണ ഇടിഞ്ഞ് 21,860.20 എന്ന താഴ്ന്ന നിലയിലെത്തി. 21,930.50ല്‍ ക്ലോസ് ചെയ്തു.

പൊതുമേഖലാ ബാങ്കുകള്‍, റിയല്‍റ്റി, മീഡിയ, മെറ്റല്‍ എന്നിവയാണ് കൂടുതല്‍ നേട്ടമുണ്ടാക്കിയത്, ഐ.ടി, സ്വകാര്യ ബാങ്കുകള്‍, ഓട്ടോ എന്നിവ വലിയ നഷ്ടം നേരിട്ടു. വിശാലവിപണി പോസിറ്റീവ് ആയിരുന്നു. 1,418 ഓഹരികള്‍ ഉയര്‍ന്നു, 1,013 എണ്ണം ഇടിഞ്ഞു, 98 എണ്ണം മാറ്റമില്ലാതെ തുടര്‍ന്നു.

നിഫ്റ്റിയില്‍ എസ്.ബി.ഐ, ഗ്രാസിം, ജെ.എസ്.ഡബ്ല്യു സ്റ്റീല്‍, എച്ച്.ഡി.എഫ്.സി ലൈഫ് എന്നിവ കൂടുതല്‍ നേട്ടമുണ്ടാക്കിയപ്പോള്‍ ടെക് മഹീന്ദ്ര, പവര്‍ ഗ്രിഡ്, ഇന്‍ഫോസിസ്, അദാനി പോര്‍ട്‌സ് എന്നിവയ്ക്കാണു കൂടുതല്‍ നഷ്ടം.

നിഫ്റ്റി ഹ്രസ്വകാല, ദീര്‍ഘകാല മൂവിംഗ് ശരാശരികള്‍ക്ക് മുകളിലാണ്. മൊമെന്റം സൂചകങ്ങള്‍ പോസിറ്റീവ് പ്രവണത കാണിക്കുന്നു. സൂചിക പ്രതിദിന ചാര്‍ട്ടില്‍ ബ്ലായ്ക്ക് കാന്‍ഡില്‍ മെഴുകുതിരി രൂപപ്പെടുത്തി കഴിഞ്ഞ ദിവസത്തെ ക്ലോസിംഗിനു മുകളില്‍ ക്ലോസ് ചെയ്തു. സൂചികയ്ക്ക് 21,965ല്‍ ഇന്‍ട്രാഡേ പ്രതിരോധമുണ്ട്. സൂചിക ഈ നിലവാരത്തിന് മുകളില്‍ നിലനിന്നാല്‍ വരും ദിവസങ്ങളില്‍ കൂടുതല്‍ ഉയര്‍ന്ന നീക്കങ്ങള്‍ പ്രതീക്ഷിക്കാം. 21,750ലാണ് ഏറ്റവും അടുത്തുള്ള ഹ്രസ്വകാല പിന്തുണ.

ഇന്‍ട്രാഡേ സപ്പോര്‍ട്ട് ലെവലുകള്‍ 21,860-21,800-21,725

റെസിസ്റ്റന്‍സ് ലെവലുകള്‍ 21,965-22,050-22,125

(15 മിനിറ്റ് ചാര്‍ട്ടുകള്‍)

പൊസിഷനല്‍ ട്രേഡേഴ്‌സിന് ഹ്രസ്വകാല സപ്പോര്‍ട്ട് 21,750-21,160

പ്രതിരോധം 22,125-22,500.

ബാങ്ക് നിഫ്റ്റി

ബാങ്ക് നിഫ്റ്റി 127.70 പോയിന്റ് നേട്ടത്തില്‍ 45,818.50ലാണ് ക്ലോസ് ചെയ്തത്. മൊമെന്റം സൂചകങ്ങള്‍ നെഗറ്റീവ് പ്രവണത കാണിക്കുന്നു. സൂചിക ഹ്രസ്വകാല മൂവിംഗ് ശരാശരിക്കു താഴെയാണ്. സൂചിക പ്രതിദിന ചാര്‍ട്ടില്‍ ബ്ലായ്ക്ക് കാന്‍ഡില്‍ രൂപപ്പെടുത്തി കഴിഞ്ഞ ദിവസത്തെ ക്ലോസിംഗിനു മുകളില്‍ ക്ലോസ് ചെയ്തു.

സൂചികയ്ക്ക് 45,600ല്‍ ഹ്രസ്വകാല പിന്തുണയുണ്ട്. ഈ നിലയ്ക്ക് താഴെ സൂചിക നീങ്ങുകയാണെങ്കില്‍, ഡൗണ്‍ ട്രെന്‍ഡ് പുനരാരംഭിക്കാം. ഒരു പുള്‍ബാക്ക് റാലിക്ക് സൂചിക 46,050 എന്ന ഇന്‍ട്രാഡേ പ്രതിരോധത്തെ മറികടക്കേണ്ടതുണ്ട്.

ഇന്‍ട്രാഡേ സപ്പോര്‍ട്ട് ലെവലുകള്‍ 45,800-45,600-45,400

പ്രതിരോധ നിലകള്‍ 46,050-46,300-46,535

(15 മിനിറ്റ് ചാര്‍ട്ടുകള്‍)

പൊസിഷനല്‍ ട്രേഡര്‍മാര്‍ ഹ്രസ്വകാല സപ്പോര്‍ട്ട് 45600-44450

പ്രതിരോധം 46600-47550.