Begin typing your search above and press return to search.
നിഫ്റ്റി 22,000ന് താഴെ തുടര്‍ന്നാല്‍ കൂടുതല്‍ ഇടിവ് പ്രതീക്ഷിക്കാം; ആക്കം കരടികള്‍ക്ക് അനുകൂലമെന്ന് സൂചനകള്‍
മാർച്ച് 13ലെ മാർക്കറ്റ് ക്ലോസിംഗിനെ അടിസ്ഥാനമാക്കി
നിഫ്റ്റി 338 പോയിന്റ് (1.51 ശതമാനം) ഇടിഞ്ഞ് 21,997.70 ലാണ് ക്ലോസ് ചെയ്തത്. നിഫ്റ്റി 22,000ന് താഴെ തുടരുകയാണെങ്കില്‍ കൂടുതല്‍ ഇടിവ് പ്രതീക്ഷിക്കാം.
നിഫ്റ്റി അല്‍പം കയറി 22,432.20ല്‍ വ്യാപാരം തുടങ്ങുകയും രാവിലെ വ്യാപാരത്തില്‍ 22,446.80 എന്ന ഇന്‍ട്രാഡേ ഉയര്‍ന്ന നിലവാരം പരീക്ഷിക്കുകയും ചെയ്തു. തുടര്‍ന്ന് സൂചിക കുത്തനെ ഇടിഞ്ഞ് ഇന്‍ട്രാഡേയിലെ ഏറ്റവും താഴ്ന്ന നിലവാരമായ 21,905.90ല്‍ എത്തി 21,997.70ല്‍ ക്ലോസ് ചെയ്തു.
എഫ്.എം.സി.ജി ഒഴികെയുള്ള എല്ലാ മേഖലകളും താഴ്ന്ന് അവസാനിച്ചു. മെറ്റല്‍, മീഡിയ, റിയല്‍റ്റി, പൊതുമേഖലാ ബാങ്ക് എന്നിവയാണ് ഏറ്റവും കൂടുതല്‍ നഷ്ടം നേരിട്ടത്. വിശാലവിപണി നെഗറ്റീവ് ആയിരുന്നു, 147 ഓഹരികള്‍ ഉയര്‍ന്നു, 2,334 എണ്ണം ഇടിഞ്ഞു, 79 എണ്ണം മാറ്റമില്ലാതെ തുടരുന്നു.
നിഫ്റ്റിയില്‍ ഐ.ടി.സി, ഐ.സി.ഐ.സി.ഐ ബാങ്ക്, കൊട്ടക് ബാങ്ക്, സിപ്ല എന്നീ ഓഹരികള്‍ കൂടുതല്‍ നേട്ടമുണ്ടാക്കിയപ്പോള്‍, പവര്‍ഗ്രിഡ്, കോള്‍ ഇന്ത്യ, അദാനി പോര്‍ട്ട്‌സ്, അദാനി എന്റര്‍പ്രൈസസ് എന്നീ ഓഹരികള്‍ കൂടുതല്‍ നഷ്ടത്തിലായി.
നിഫ്റ്റി ഹ്രസ്വകാല മൂവിംഗ് ശരാശരിക്ക് താഴെയാണ് ക്ലോസ് ചെയ്തത്. മൊമെന്റം സൂചകങ്ങള്‍ നെഗറ്റീവ് പ്രവണത കാണിക്കുന്നു. മാത്രമല്ല, കഴിഞ്ഞ ദിവസത്തെ ഡോജി മെഴുകുതിരിക്ക് ശേഷം സൂചിക ദൈനംദിന ചാര്‍ട്ടില്‍ ഒരു നീണ്ട ബ്ലാക്ക് കാന്‍ഡില്‍ രൂപപ്പെടുത്തി. ഇതെല്ലാം സൂചിപ്പിക്കുന്നത് ആക്കം കരടികള്‍ക്ക് അനുകൂലമായി മാറിയെന്നാണ്.
സൂചികയ്ക്ക് 22,000ല്‍ ഇന്‍ട്രാഡേ പ്രതിരോധമുണ്ട്. സൂചിക ഈ നിലവാരത്തിന് താഴെ തുടരുകയാണെങ്കില്‍ വരും ദിവസങ്ങളിലും ഇടിവ് തുടരാം. 21,850 ലെവലിലാണ് ഏറ്റവും അടുത്തുള്ള ഹ്രസ്വകാല പിന്തുണ.
ഇന്‍ട്രാഡേ ലെവലുകള്‍:
പിന്തുണ: 21,900-21,800-21,700
പ്രതിരോധം: 22,000-22,100-22,200
(15-മിനിറ്റ് ചാര്‍ട്ടുകള്‍)
പൊസിഷണല്‍ ട്രേഡിംഗ്:
ഹ്രസ്വകാല പിന്തുണ: 21,850-21,200
പ്രതിരോധം: 22,500-23,000.
ബാങ്ക് നിഫ്റ്റി
ബാങ്ക് നിഫ്റ്റി 301.10 പോയിന്റ് നഷ്ടത്തില്‍ 46,981.30ല്‍ ക്ലോസ് ചെയ്തു. മൊമെന്റം സൂചകങ്ങള്‍ പോസിറ്റീവ് പ്രവണത കാണിക്കുന്നു. എന്നാല്‍ സൂചിക ഹ്രസ്വകാല മൂവിംഗ് ശരാശരിയേക്കാള്‍ താഴെയാണ്. മാത്രമല്ല, സൂചിക ഡെയ്ലി ചാര്‍ട്ടില്‍ ഒരു കറുത്ത മെഴുകുതിരി രൂപപ്പെടുത്തി മുന്‍കാല പിന്തുണയായ 47,000ന് താഴെ ക്ലോസ് ചെയ്തു. ഇവയെല്ലാം ഡൗണ്‍ ട്രെന്‍ഡ് തുടരാനുള്ള സാധ്യതയെ സൂചിപ്പിക്കുന്നു. സൂചിക 47,000 ലെവലിന് താഴെ തുടരുകയാണെങ്കില്‍ ഇടിവ് ഇന്നും തുടരാം. അടുത്ത ഹ്രസ്വകാല പിന്തുണ 46,000 ലെവലിലാണ്.
ഇന്‍ട്രാഡേ സപ്പോര്‍ട്ട് ലെവലുകള്‍ 46,800-46,600-46,400
പ്രതിരോധ നിലകള്‍
47,000-47,200-47,400
(15 മിനിറ്റ് ചാര്‍ട്ടുകള്‍)
പൊസിഷണല്‍ ട്രേഡര്‍മാര്‍ക്കു ഹ്രസ്വകാല സപ്പോര്‍ട്ട് 46,000-44,500
പ്രതിരോധം 47,000-48,500.
Jose Mathew T
പ്രമുഖ ഓഹരി വിപണി വിദഗ്ധനായ ജോസ് മാത്യൂ.ടി മൈ ഇക്വിറ്റി ലാബ് (myequitylab.com) എന്ന റിസര്‍ച്ച് പോര്‍ട്ടലിന്റെ സ്ഥാപകനാണ്. കാല്‍ നൂറ്റാണ്ടായി ഈ മേഖലയില്‍ പ്രവര്‍ത്തിക്കുന്നു.
Next Story
Videos