വിപണി സൂചകങ്ങൾ പോസിറ്റീവ്; നിഫ്റ്റി 19,850ല്‍ പ്രതിരോധം നേരിടുന്നു

നിഫ്റ്റി ഇന്നലെ 89.75 പോയിന്റ് (0.46 ശതമാനം) നേട്ടത്തോടെ 19,765.20 ലാണ് വ്യാപാരം അവസാനിപ്പിച്ചത്. നിഫ്റ്റി 19,850ന് മുകളിൽ ക്ലോസ് ചെയ്താൽ ബുള്ളിഷ് ട്രെൻഡ് തുടരാം.

നിഫ്റ്റി കാര്യമായ മാറ്റമില്ലാതെ 19,674.70ൽ വ്യാപാരം തുടങ്ങി. രാവിലെ തന്നെ 19,627 ലെ ഏറ്റവും താഴ്ന്ന നിലയിലെത്തി. തുടർന്ന് സൂചിക ഉയർന്ന് 19,875.30 എന്ന ഇൻട്രാഡേയിലെ ഉയർന്ന നിലവാരം പരീക്ഷിച്ചു. ക്ലോസിംഗ് സെഷനിൽ, വലിയ വിൽപന സമ്മർദ്ദം നേരിട്ടു. 19,765.20 ൽ ക്ലോസ് ചെയ്തു.

ഐ.ടി, റിയൽറ്റി, ഫാർമ, ഓട്ടോ എന്നിവ ഏറ്റവും കൂടുതൽ നേട്ടം ഉണ്ടാക്കിയപ്പോൾ ബാങ്കുകൾ, എഫ്.എം.സി.ജി. മെറ്റൽ തുടങ്ങിയ മേഖലകൾ നഷ്ടത്തിലായി. 1200 ഓഹരികൾ ഉയർന്നു, 1168 ഓഹരികൾ ഇടിഞ്ഞു, 123 എണ്ണത്തിൽ മാറ്റമില്ല.

നിഫ്റ്റിയിൽ ഹീറോ മോട്ടോ കോർപ്, ടെക് മഹീന്ദ്ര, ടി.സി.എസ്, എച്ച്.സി.എൽ ടെക് എന്നിവ കൂടുതൽ നേട്ടം ഉണ്ടാക്കിയപ്പോൾ ആക്സിസ് ബാങ്ക്, പവർ ഗ്രിഡ്, കോൾ ഇന്ത്യ, ടാറ്റാ കൺസ്യൂമർ എന്നിവയ്ക്കാണ് കൂടുതൽ നഷ്ടം.

നിഫ്റ്റി ഹ്രസ്വകാല, ദീർഘകാല മൂവിംഗ് ശരാശരികൾക്ക് മുകളിലാണ്. ആക്കം സൂചകങ്ങളും പോസിറ്റീവ് പ്രവണത കാണിക്കുന്നു. സൂചിക പ്രതിദിന ചാർട്ടിൽ വെെറ്റ് കാൻഡിൽ (white candle) രൂപപ്പെടുത്തി മുൻ ദിവസത്തെ ക്ലോസിംഗിനു മുകളിൽ ക്ലോസ് ചെയ്തു. ആക്കം കാളകൾക്ക് അനുകൂലമായി തുടരുന്നു എന്നാണ് ഇതെല്ലാം സൂചിപ്പിക്കുന്നത്.

കഴിഞ്ഞ ട്രേഡിംഗ് സെഷനിൽ സൂചിക 19,850 എന്ന ഹ്രസ്വകാല പ്രതിരോധ നില പരീക്ഷിച്ചു, എന്നാൽ ഈ ലെവലിന് മുകളിൽ ക്ലോസ് ചെയ്യുന്നതിൽ പരാജയപ്പെട്ടു. വരുന്ന സെഷനിൽ, നിഫ്റ്റി ഈ ലെവലിനെ മറികടക്കുകയാണെങ്കിൽ, ബുള്ളിഷ് ആക്കം തുടരാം. അടുത്ത ഹ്രസ്വകാല പ്രതിരോധം 20,200-ൽ തുടരും. നിഫ്റ്റി 19,850 ലെവലിന് താഴെ തുടർന്നാൽ ഉയർച്ച തുടരുന്നതിന് മുമ്പ് കുറച്ച് ദിവസത്തേക്ക് സമാഹരണം നടത്താം.

ഇൻട്രാഡേ സപ്പോർട്ട് ലെവലുകൾ 19,715-19,635-19,550

റെസിസ്റ്റൻസ് ലെവലുകൾ

19,800-19,875-19,950

(15 മിനിറ്റ് ചാർട്ടുകൾ)

പൊസിഷണൽ വ്യാപാരികൾക്ക്, ഹ്രസ്വകാല സപ്പോർട്ട് 19,500-19,233

പ്രതിരോധം 19,850 -20,200.

ബാങ്ക് നിഫ്റ്റി

ബാങ്ക് നിഫ്റ്റി 40.15 പോയിന്റ് നഷ്ടത്തിൽ 44,161.55 ൽ ക്ലോസ് ചെയ്തു. മൊമെന്റം സൂചകങ്ങൾ പോസിറ്റീവ് പ്രവണത കാണിക്കുന്നു, സൂചിക ഹ്രസ്വകാല മൂവിംഗ് ശരാശരിക്ക് മുകളിലാണ്.

പ്രതിദിന ചാർട്ടിൽ, സൂചിക ബ്ലായ്ക്ക് കാൻഡിൽ രൂപപ്പെടുത്തി മുൻ ക്ലോസിംഗിനു താഴെ ക്ലോസ് ചെയ്തു. ഈ പാറ്റേൺ അല്പം നെഗറ്റീവ് പക്ഷപാതം സൂചിപ്പിക്കുന്നു. ഹ്രസ്വകാല പിന്തുണ 44,000 ൽ തുടരുന്നു. സൂചിക ഈ നിലവാരത്തിന് മുകളിൽ തുടരുകയാണെങ്കിൽ, സമീപകാല ബുള്ളിഷ് പ്രവണത വരും ദിവസങ്ങളിലും തുടരാം. അടുത്തുള്ള ഇൻട്രാഡേ പ്രതിരോധം 44,250 ആണ്. സൂചിക ഈ നിലവാരത്തിന് മുകളിൽ നീങ്ങുകയാണെങ്കിൽ, ഇന്ന് ഒരു പുൾബാക്ക് റാലി പ്രതീക്ഷിക്കാം.

ഇൻട്രാഡേ സപ്പോർട്ട് ലെവലുകൾ 44,060 -43,900 -43,750

പ്രതിരോധ നിലകൾ

44,250 -44,400 -44,600

(15 മിനിറ്റ് ചാർട്ടുകൾ)

പൊസിഷനൽ ട്രേഡർമാർക്ക്

ഹ്രസ്വകാല സപ്പോർട്ട് ലെവലുകൾ

44,000-43,500

പ്രതിരോധ നില

44,650 -45,500 വരെ