വിപണി സൂചകങ്ങള്‍ ബുള്ളിഷ് പ്രവണതയില്‍; നിഫ്റ്റിക്ക് 21,800ല്‍ ഹ്രസ്വകാല പ്രതിരോധം

സാങ്കേതിക വിശകലനം: ഡിസംബർ 15 ലെ മാർക്കറ്റ് ക്ലോസിംഗിനെ അടിസ്ഥാനമാക്കി

273.95 പോയിന്റ് (1.29 ശതമാനം) നേട്ടത്തോടെ 21,456.65 എന്ന റെക്കോർഡ് ഉയരത്തിലാണ് നിഫ്റ്റി വ്യാപാരം അവസാനിപ്പിച്ചത്. സൂചിക 21,400-ന് മുകളിൽ തുടരുന്നിടത്തോളം ബുള്ളിഷ് ആക്കം തുടരും.

നിഫ്റ്റി വെള്ളിയാഴ്ച ഉയർന്ന് 21,287.40 ൽ വ്യാപാരം ആരംഭിച്ചു, ഈ ബുള്ളിഷ് പ്രവണത സെഷനിലുടനീളം തുടർന്നു. 21,456.65 ൽ ക്ലോസ് ചെയ്യുന്നതിനുമുമ്പ് 21492.30 എന്ന റെക്കോർഡ് ഉയരം പരീക്ഷിച്ചു. ഐടി, ബാങ്കുകൾ, ലോഹങ്ങൾ എന്നിവയാണ് ഏറ്റവും കൂടുതൽ നേട്ടമുണ്ടാക്കിയ മേഖലകൾ, റിയൽറ്റി, എഫ്.എം.സി.ജി, മീഡിയ, ഓട്ടോ എന്നിവയ്ക്കാണു കൂടുതൽ നഷ്ടം. 1256 ഓഹരികൾ ഉയർന്നു, 1125 ഓഹരികൾ ഇടിഞ്ഞു, 104 എണ്ണം മാറ്റമില്ലാതെ തുടർന്നു. വിപണിഗതി പോസിറ്റീവ് ആയിരുന്നു.

നിഫ്റ്റിയിൽ എച്ച്.സി.എൽ ടെക്, ടി.സി.എസ്, ഇൻഫോസിസ്, എസ്.ബി.ഐ എന്നിവ കൂടുതൽ നേട്ടമുണ്ടാക്കിയപ്പോൾ നെസ്ലെ, എച്ച്.ഡി.എഫ്.സി ലൈഫ്, ഭാരതി എയർടെൽ, എസ്.ബി.ഐ ലൈഫ് എന്നിവയ്ക്കാണു കൂടുതൽ നഷ്ടം.

നിഫ്റ്റി ഹ്രസ്വകാല, ദീർഘകാല മൂവിംഗ് ശരാശരികൾക്ക് മുകളിലാണ്. മൊമെന്റം സൂചകങ്ങളും പോസിറ്റീവ് പ്രവണത കാണിക്കുന്നു. സൂചിക പ്രതിദിന ചാർട്ടിൽ ഒരു വൈറ്റ് കാൻഡിൽ രൂപപ്പെടുത്തി മുൻ ദിവസത്തെ ക്ലോസിംഗിനു മുകളിൽ ക്ലോസ് ചെയ്തു. ആക്കം ബുള്ളുകൾക്ക് അനുകൂലമായി തുടരുന്നു എന്നാണ് ഇതെല്ലാം സൂചിപ്പിക്കുന്നത്.

സൂചികയ്ക്ക് 21,400 ൽ ഹ്രസ്വകാല പിന്തുണയുണ്ട്. സൂചിക ഈ നിലയ്ക്ക് മുകളിൽ തുടരുകയാണെങ്കിൽ, വരും ദിവസങ്ങളിലും ബുള്ളിഷ് ആക്കം തുടരാം. അടുത്ത ഹ്രസ്വകാല പ്രതിരോധം 21,800 ലെവലിലാണ്.

ഇൻട്രാഡേ സപ്പോർട്ട് ലെവലുകൾ 21,400-21,300-21,200

റെസിസ്റ്റൻസ് ലെവലുകൾ

21,500-21,600-21,700

(15 മിനിറ്റ് ചാർട്ടുകൾ)

പൊസിഷനൽ വ്യാപാരികൾക്ക്, ഹ്രസ്വകാല സപ്പോർട്ട് 21,400-21,000

പ്രതിരോധം 21,800 -22,200.

ബാങ്ക് നിഫ്റ്റി

ബാങ്ക് നിഫ്റ്റി 411.25 പോയിന്റ് നേട്ടത്തോടെ 48,143.55 എന്ന റെക്കോർഡ് ഉയരത്തിലാണ് ക്ലോസ് ചെയ്തത്. മൊമെന്റം സൂചകങ്ങൾ പോസിറ്റീവ് പ്രവണത കാണിക്കുന്നു. സൂചിക ഹ്രസ്വകാല, ദീർഘകാല മൂവിംഗ് ശരാശരികൾക്ക് മുകളിലാണ്. സൂചിക പ്രതിദിന ചാർട്ടിൽ വൈറ്റ് കാൻഡിൽ രൂപപ്പെടുത്തി മുൻ ദിവസത്തെ ക്ലോസിംഗിനു മുകളിൽ

ക്ലോസ് ചെയ്തു. വരും ദിവസങ്ങളിലും ബുള്ളിഷ് ട്രെൻഡ് തുടരാമെന്നാണ് ഇതെല്ലാം സൂചിപ്പിക്കുന്നത്. സൂചികയ്ക്ക് 48,200 ൽ ഇൻട്രാഡേ റെസിസ്റ്റൻസ് ഉണ്ട്. സൂചിക ഈ നിലവാരത്തിന് മുകളിൽ ട്രേഡ് ചെയ്തു നിലനിന്നാൽ വരും ദിവസങ്ങളിലും ബുള്ളിഷ് ട്രെൻഡ് തുടരാം. അടുത്ത ഹ്രസ്വകാല പ്രതിരോധം 48500 ലെവലിലാണ്.

ഇൻട്രാഡേ സപ്പോർട്ട് ലെവലുകൾ 48,000 -47,850 -47,650

പ്രതിരോധ നിലകൾ

48,200, 48,400, 48,600

(15 മിനിറ്റ് ചാർട്ടുകൾ)

പൊസിഷനൽ ട്രേഡർമാർക്കു ഹ്രസ്വകാല സപ്പോർട്ട് 47,400-46,400

പ്രതിരോധം 48,500 - 49,500.