നിഫ്റ്റിക്ക് 21,400 ൽ ഇൻട്രാഡേ പിന്തുണ; വിപണിയിൽ ബുള്ളിഷ് ആക്കം തുടർന്നേക്കും

(ഡിസംബർ 26 ലെ മാർക്കറ്റ് ക്ലോസിംഗിനെ അടിസ്ഥാനമാക്കി)

നിഫ്റ്റി 91.95 പോയിന്റ് (0.43 ശതമാനം) നേട്ടത്തോടെ 21,441.35 ലാണ് വ്യാപാരം അവസാനിപ്പിച്ചത്. സൂചിക 21,400 നു മുകളിൽ തുടർന്നാൽ ബുള്ളിഷ് ആക്കം തുടരും.

നിഫ്റ്റി ഉയർന്ന് 21,365.20 ൽ വ്യാപാരം ആരംഭിച്ചു, ഈ പ്രവണത തുടർന്ന് 21,477.20 ൽ ഇൻട്രാ ഡേയിലെ ഉയർന്ന നില പരീക്ഷിച്ചു. 21,441.35 ൽ ക്ലോസ് ചെയ്തു. മെറ്റൽ, ഫാർമ, ഓട്ടോ, എഫ്.എം.സി.ജി എന്നിവയാണ് ഏറ്റവും കൂടുതൽ നേട്ടമുണ്ടാക്കിയ മേഖലകൾ. മാധ്യമങ്ങൾ, ഐ.ടി, പൊതുമേഖലാ ബാങ്കുകൾ എന്നിവയാണ് നഷ്ടം നേരിട്ടത്.

വിശാലവിപണി പോസിറ്റീവ് ആയിരുന്നു. 1,423 ഓഹരികൾ ഉയർന്നു, 951 എണ്ണം ഇടിഞ്ഞു. 121 എണ്ണം മാറ്റമില്ലാതെ തുടരുന്നു.

നിഫ്റ്റിയിൽ ഡിവിസ് ലാബ്, ഹീറോ മോട്ടോ കോർപ്, എൻ.ടി.പി.സി, അദാനി എന്റർപ്രൈസസ് എന്നിവ കൂടുതൽ നേട്ടമുണ്ടാക്കി. കൂടുതൽ നഷ്ടം ബജാജ് ഫിനാൻസ്, ബജാജ് ഫിൻ സെർവ്, ഇൻഫോസിസ്, ടി.സി.എസ് എന്നിവയ്ക്കാണ്.

നിഫ്റ്റി ഹ്രസ്വകാല, ദീർഘകാല മൂവിംഗ് ശരാശരികൾക്ക് മുകളിലാണ്. മൊമെന്റം സൂചകങ്ങളും പോസിറ്റീവ് പ്രവണത കാണിക്കുന്നു. സൂചിക പ്രതിദിന ചാർട്ടിൽ വെെറ്റ് കാൻഡിൽ (white candle) രൂപപ്പെടുത്തി മുൻ ദിവസത്തെ ക്ലോസിംഗിനു മുകളിൽ ക്ലോസ് ചെയ്തു. ഈ പാറ്റേൺ കയറ്റം തുടരാനുള്ള സാധ്യത സൂചിപ്പിക്കുന്നു. സൂചികയ്ക്ക് 21,400 ൽ ഇൻട്രാഡേ പിന്തുണയുണ്ട്. സൂചിക ഈ നിലയ്ക്ക് മുകളിൽ തുടർന്നാൽ പോസിറ്റീവ് ട്രെൻഡ് ഇന്നും തുടരാം. അടുത്തുള്ള ഇൻട്രാഡേ പ്രതിരോധം 21,500 ലാണ്.

ഇൻട്രാഡേ സപ്പോർട്ട് ലെവലുകൾ 21,400-21,300-21,200

റെസിസ്റ്റൻസ് ലെവലുകൾ

21,500-21,600-21,700

(15 മിനിറ്റ് ചാർട്ടുകൾ)

പൊസിഷണൽ വ്യാപാരികൾക്ക്

ഹ്രസ്വകാല സപ്പോർട്ട് 21,000-20,500 പ്രതിരോധം 21,600 -22,000.

ബാങ്ക് നിഫ്റ്റി

ബാങ്ക് നിഫ്റ്റി 233.00 പോയിന്റ് നേട്ടത്തിൽ 47,724.85 ൽ ക്ലോസ് ചെയ്തു. മൊമെന്റം സൂചകങ്ങൾ പോസിറ്റീവ് പ്രവണത കാണിക്കുന്നു, സൂചിക ഇടക്കാല, ദീർഘകാല മൂവിംഗ് ശരാശരികൾക്ക് മുകളിലാണ്. സൂചിക പ്രതിദിന ചാർട്ടിൽ വെെറ്റ് കാൻഡിൽ രൂപപ്പെടുത്തി തലേദിവസത്തെ മെഴുകുതിരിയുടെ ഉള്ളിൽ ക്ലാേസ് ചെയ്തു. ഇത് ഒരു ബുള്ളിഷ് ഹറാമി പാറ്റേൺ പോലെ കാണപ്പെടുന്നു. ഈ പാറ്റേൺ സൂചിപ്പിക്കുന്നത് താഴോട്ടുള്ള ചായ്‌വ് മാറുന്നു എന്നാണ്.

സ്ഥിരീകരണത്തിന് വരും ദിവസം സൂചിക ഹറാമി പാറ്റേണിന് മുകളിൽ ട്രേഡ് ചെയ്തു നിലനിർത്തണം. സൂചികയ്ക്ക് 47,840-ൽ ഇൻട്രാഡേ പ്രതിരോധമുണ്ട്. പിന്തുണ 47,635-ലാണ്. ബുള്ളിഷ് പ്രവണത തുടരാൻ സൂചിക 47,840-ന്റെ പ്രതിരോധം മറികടക്കേണ്ടതുണ്ട്. സൂചിക 47,635 നു താഴെയാണെങ്കിൽ, ഒരു ചെറിയ നെഗറ്റീവ് പ്രവണത പ്രതീക്ഷിക്കാം.

ഇൻട്രാഡേ സപ്പോർട്ട് ലെവലുകൾ 47,645 -47,400 -47,200

പ്രതിരോധ നിലകൾ

47,840 -48,070 -48,220

(15 മിനിറ്റ് ചാർട്ടുകൾ)

പൊസിഷനൽ ട്രേഡർമാർക്ക് ഹ്രസ്വകാല സപ്പോർട്ട് 47,000 -45,670

പ്രതിരോധം 48,200 - 49,500.