വിപണി കയറ്റത്തിൽ; രൂപയ്ക്കു നേട്ടം

പ്രതീക്ഷ പോലെ വിപണി നേട്ടത്തോടെ വ്യാപാരം തുടങ്ങി. വിദേശ നിക്ഷേപകർ പണം പിൻവലിക്കൽ നിർത്തിയിട്ടു നിക്ഷേപം പുനരാരംഭിച്ചത് വിപണിയെ ആവേശം കൊള്ളിക്കുന്നു. മുഖ്യ സൂചികകൾ രാവിലെ അര ശതമാനം ഉയർന്നു. പിന്നീട് അൽപം താണു. ബാങ്ക്, ധനകാര്യ കമ്പനികൾ നേട്ടത്തിനു മുന്നിൽ നിന്നു. മിഡ് ക്യാപ്, സ്മോൾ ക്യാപ് സൂചികകൾ താഴ്ന്ന നേട്ടമേ കൈവരിച്ചുള്ളു. ഐടി, ഓയിൽ -ഗ്യാസ് കമ്പനികൾ താഴ്ചയിലായി.