നികുതി കിഴിവ് ലഭിക്കണമെന്ന് ഉള്ളവര്ക്ക് നിക്ഷേപിക്കാന് അനുയോജ്യമായ മ്യൂച്വല് ഫണ്ട് പദ്ധതിയാണ് ഇക്വിറ്റി ലിങ്ക്ഡ് സേവിങ്സ് സ്കീം (ഇ.എല്.എസ്. എസ്). ആദായ നികുതി നിയമത്തിലെ ചട്ടം 80 സി പ്രകാരം ഒരു സാമ്പത്തിക വര്ഷത്തില് 1,50,000 രൂപവരെ ഉള്ള ഇ എല് എസ് എസ് നിക്ഷേപങ്ങള്ക്ക് നികുതി കിഴിവ് ലഭിക്കും.
നാഷണല് സേവിംഗ്സ് സര്ട്ടിഫിക്കറ്റ്, പബ്ലിക്ക് പ്രൊവിഡന്റ്റ് ഫണ്ട് എന്നിവയില് നിക്ഷേപിച്ചാലും 80 സി കിഴിവുകള് ബാധകമാണ്. എന്താണ് ഇ എല് എസ് എസില് നിക്ഷേപിച്ചാലുള്ള നേട്ടങ്ങള്?
1. ഇ.എല്.എസ്.എസ് നിക്ഷേപങ്ങള് മ്യൂച്വല് ഫണ്ടുകള് ഓഹരികളില് നിക്ഷേപിക്കുന്നതിനാല് ദീര്ഘ കാലയളവില് മെച്ചപ്പെട്ട ആദായം നല്കാന് സാധിക്കും.
2 . ഇ.എല്.എസ്.എസ് നിക്ഷേപങ്ങള്ക്ക് ലോക്ക് ഇന് കാലഘട്ടം കുറവാണ് അതായത് 3 വര്ഷം. പി.പി.എഫ് നിക്ഷേപങ്ങള് 15 വര്ഷത്തേക്കാണ്, ഭാഗീകമായി 6 വര്ഷത്തിന് ശേഷം പിന്വലിക്കാം.
3. പി.പി.എഫ്, നാഷണല് സേവിങ്സ് സർട്ടിഫിക്കറ്റുകൾ നിശ്ചിത പലിശ നിരക്ക് വാഗ്ദാനം നല്കുന്നു. എന്നാല് ഓഹരികളില് നിക്ഷേപിക്കുന്നത് കൊണ്ട് ഇ എല് എസ് എസ് നിക്ഷേപത്തിന് സ്ഥിര നിക്ഷേപങ്ങളെക്കാള് ആദായം നല്കാന് സാധിക്കും. എന്നാല് വിപണി പ്രതികൂലമാകുമ്പോള് ആദായത്തില് ഇടിവ് വരാം.
4. ഇ എല് എസ് എസ് നിക്ഷേപങ്ങള്ക്ക് 3 മുതല് 6 വര്ഷ കാലയളവില് മെച്ചപ്പെട്ട ആദായം നിക്ഷേപകന് നല്കാന് സാധ്യത കൂടുതലാണ്.
മികച്ച ആദായം നല്കിയിട്ടുള്ള ചില ഇ എല് എസ് എസ് ഫണ്ടുകള്:
1. ആക്സിസ് ലോങ്ങ് ടെം ഇക്വിറ്റി ഫണ്ട്.
2. മിറെ അസറ്റ് ടാക്സ് സേവര് ഫണ്ട്
3. കാനറാ റോബെക്കോ ഇക്വിറ്റി ടാക്സ് സേവര് ഫണ്ട്.
4. ഡി എസ് പി ടാക്സ് സേവര് ഫണ്ട്.
5 .ബാങ്ക് ഓഫ് ഇന്ത്യ ടാക്സ് സേവര് ഫണ്ട്.
Read DhanamOnline in English
Subscribe to Dhanam Magazine
