പ്രവാസികൾക്ക്​ ഡിവിഡൻറ്​ പെൻഷൻ പദ്ധതി: അറിയേണ്ടതെല്ലാം 

നി​ക്ഷേ​പ​മാ​യി സ്വീ​ക​രിക്കുന്ന തുക ജീ​വി​ത​കാ​ലം മു​ഴു​വ​ന്‍ പെ​ന്‍ഷ​നാ​യി ന​ൽ​കു​ന്ന​താ​ണ് പ​ദ്ധ​തി

പ്രവാസികൾക്കായുള്ള ഡിവിഡൻറ്​ പെൻഷൻ പദ്ധതിയുടെ നടത്തിപ്പിന് സർക്കാർ തത്വത്തിൽ അനുമതി നൽകിയിട്ടുണ്ട്. നാട്ടിലേക്ക് തിരിച്ചു വരുന്ന പ്രവാസികൾക്ക് നിശ്ചിത വരുമാനം ലഭിക്കാൻ തക്ക രീതിയിലാണ് പദ്ധതി രൂപകൽപന ചെയ്തിരിക്കുന്നത്. ജനുവരി മുതൽ പദ്ധതി നടപ്പാക്കുമെന്നാണ് പ്രതീക്ഷിക്കുന്നത്.

അ​ഞ്ചു ല​ക്ഷ​ത്തി​ല്‍ കു​റ​യാ​ത്ത തു​ക നി​ക്ഷേ​പ​മാ​യി സ്വീ​ക​രി​ച്ച് മൂ​ന്നു വ​ര്‍ഷ​ത്തി​നു​ശേ​ഷം നി​ശ്ചി​ത​തു​ക ജീ​വി​ത​കാ​ലം മു​ഴു​വ​ന്‍ പെ​ന്‍ഷ​നാ​യി ന​ൽ​കു​ന്ന​താ​ണ് പ​ദ്ധ​തി.

സ്കീമിനെക്കുറിച്ച് അറിയാം
  • പ്രവാസി കേരളീയ ക്ഷേമ ബോർഡാണ് പദ്ധതി നടപ്പാക്കുക.
  • അ​ഞ്ചു ല​ക്ഷം മു​ത​ല്‍ 50 ല​ക്ഷം രൂ​പ വ​രെ നി​ക്ഷേ​പി​ക്കാം.
  • ഈ ​തു​ക ആ​റു ത​വ​ണ​ക​ളാ​യോ ഒ​രു​മി​ച്ചോ നി​ക്ഷേ​പി​ക്കാം. മൂന്ന് വർഷം കൊണ്ട് നിക്ഷേപം പൂർത്തിയാക്കണം.
  • മൂ​ന്നു​വ​ര്‍ഷ​ത്തി​നു​ശേഷം നിക്ഷേപകനോ അവകാശിക്കോ കുറഞ്ഞത് 5,000 രൂപ മുതൽ 50,000 രൂപവരെ എല്ലാ മാസവും പെൻഷൻ ലഭിക്കും.
  • നിക്ഷേപിച്ച തുകയുടെ ലാഭവിഹിതമായാണ് തുക ലഭിക്കുക. പരമാവധി 10  ശതമാനമാണ് ഡിവിഡന്റ് നിരക്ക്. (സർക്കാരാണ് ഓരോ വർഷവും നിരക്ക് തീരുമാനിക്കുക.)
  • കേരളത്തിന്റെ അടിസ്ഥാന സൗകര്യ വികസനത്തിന് ആവശ്യമായ ഫണ്ട് ഇതിലൂടെ ലഭ്യമാക്കാമെന്നാണ് കണക്കുകൂട്ടൽ.
  • നിലവിലുള്ള വ്യവസ്ഥകൾക്ക് വിധേയമായി നിക്ഷേപം സ്വീകരിക്കുന്നതിനും കിഫ്ബിക്കു കൈമാറ്റം ചെയ്യുന്നതിനും 1955 ലെ ദി ട്രാവൻകൂർ കൊച്ചിൻ ലിറ്റററി സയന്റിഫിക് ആൻഡ് ചാരിറ്റബിൾ സൊസൈറ്റീസ് റജിസ്‌ട്രേഷൻ ആക്ട് പ്രകാരം ഒരു സൊസൈറ്റിക്ക് ബോർഡ് രൂപം നൽകണമെന്ന് ഉത്തരവിൽ പറയുന്നു.
  • പദ്ധതി ഏതാണ്ട് 13.5 ലക്ഷം പ്രവാസികൾക്ക് നേരിട്ട് പ്രയോജനപ്പെടുമെന്നാണ് വിലയിരുത്തുന്നത്.

LEAVE A REPLY

Please enter your comment!
Please enter your name here