'ഫ്രിസ്ബീ'യുടെ നാലാമത്തെ ഷോറൂം തൃപ്പൂണിത്തുറയിൽ
ബി.ഐ.എസ് സര്‍ട്ടിഫിക്കേഷനുള്ള കളിപ്പാട്ട നിര്‍മാണ,വിതരണക്കാരാണ് ഇവര്‍
Image Courtesy: frizbee
ഫ്രിസ്ബീയുടെ നാലാമത്തെ ടോയ്‌സ് ഷോറൂം തൃപ്പൂണിത്തുറ പേട്ട മെട്രോ സ്റ്റേഷനു സമീപം തുറന്നു. ബേബി തന്‍വിയാണ് ഷോറൂം ഉദ്ഘാടനം ചെയ്തത്. ആദ്യ വിൽപ്പന മാധവ്, മഹി, മനു എന്നീ കുട്ടികള്‍ക്ക് നല്‍കിക്കൊണ്ട് പ്രൊപ്രൈറ്റര്‍ ടി.എ സജീവ് നിര്‍വഹിച്ചു.
കേരളത്തിലെ ഹോള്‍സെയ്ല്‍ ടോയ്‌സ് ഡീലര്‍മാരായ സ്റ്റാര്‍ ട്രേഡിംഗ് കോര്‍പ്പറേഷന്റെ ബ്രാന്‍ഡഡ് റീട്ടെയില്‍ ചെയിനാണ് 'ഫ്രിസ്ബീ'.
ബി.ഐ.എസ് സര്‍ട്ടിഫിക്കേഷനുള്ള ടോയ്‌സ് ഉല്പാദകരാണ് തങ്ങളെന്ന് സ്റ്റാര്‍ ട്രേഡിംഗ് കോര്‍പ്പറേഷന്‍ അവകാശപ്പെടുന്നു. സ്വന്തം ഫാക്ടറിയിലാണ് കളിപ്പാട്ട നിര്‍മാണം. നിരവധി രാജ്യങ്ങളില്‍ നിന്ന് ടോയ്‌സ് ഇറക്കുമതി ചെയ്തും വിപണനം നടത്തുന്നുണ്ട്.
ലോകോത്തര ബ്രാന്‍ഡുകളായ ബാര്‍ബി, ഹോട്ട് വീല്‍സ്, ഫണ്‍സ്‌കൂള്‍, ലെഗൊ എന്നിവയുടെ ഡീലര്‍മാരാണ്. കൂടാതെ മറ്റ് പ്രധാന ഇന്ത്യന്‍ ടോയ്‌സ് ബ്രാന്‍ഡുകളും വിതരണം ചെയ്യുന്നുണ്ട്. ബാറ്ററി ഓപ്പറേറ്റഡ് കാര്‍, ബൈക്ക്, റൈഡ് ഓണ്‍, ബൈസിക്കിള്‍സ്, ട്രൈസിക്കിള്‍സ്, ക്രാഡില്‍സ് എന്നിവ ഫ്രിസ്ബി ഷോറൂമുകളില്‍ ലഭ്യമാണ്.