ഒന്നര വര്‍ഷത്തിന് ശേഷം കണ്ണൂര്‍-ഡല്‍ഹി സെക്ടറില്‍ പുതിയ വിമാന സര്‍വീസ് വരുന്നു. ഇന്‍ഡിഗോയുടെ പ്രതിദിന സര്‍വീസ് ഡിസംബര്‍ 12 മുതല്‍ തുടങ്ങും. ടിക്കറ്റ് ബുക്കിംഗ് ആരംഭിച്ചു. 5,300 രൂപയാണ് നിരക്ക്. നേരത്തെ എയര്‍ ഇന്ത്യയാണ് ഈ സെക്ടറില്‍ സര്‍വീസ് നടത്തിയിരുന്നത്. എയര്‍ ഇന്ത്യ ലയന നടപടികള്‍ തുടങ്ങിയതോടെ ഇത് നിര്‍ത്തിയിരുന്നു. നോണ്‍ മെട്രോ നഗരങ്ങളില്‍ നിന്നുള്ള സര്‍വീസുകള്‍ നിര്‍ത്താനുള്ള തീരുമാനത്തിന്റെ ഭാഗമായിരുന്നു പിന്മാറ്റം.
ഇന്‍ഡിഗോ സര്‍വീസ് എല്ലാ ദിവസവും രാവിലെ 6.20 നാണ് കണ്ണൂരില്‍ നിന്ന് പുറപ്പെടുക. രാവിലെ 9.25 ന് ഡല്‍ഹിയില്‍ എത്തും. രാത്രി 10.10 ന് ഡല്‍ഹിയില്‍ നിന്ന് പുറപ്പെട്ട് പുലര്‍ച്ചെ 1.20 ന് കണ്ണൂരില്‍ എത്തും.
Read DhanamOnline in English
Subscribe to Dhanam Magazine
