ഇന്ത്യയിൽ നിന്ന് വിനോദ സഞ്ചാരികളെ വരവേൽക്കാൻ മലേഷ്യ

ഇന്ത്യയിൽ നിന്നുള്ള വിനോദ സഞ്ചാരി0കളെ സ്വീകരിക്കാൻ മലേഷ്യ പൂർണമായും ഒരുങ്ങികഴിഞ്ഞെന്നും ഇന്ത്യയിൽ നിന്നുള്ള വിനോദ സഞ്ചാരികൾക്ക് മലേഷ്യ സന്ദർശിക്കാൻ ഏറ്റവും മികച്ച അവസരം ഇതാണെന്നും മലേഷ്യൻ ഡെപ്യുട്ടി ടൂറിസം മന്ത്രി ഡോ. ജെ.പി സന്താര പറഞ്ഞു. മലേഷ്യയിലേക്കുള്ള സന്ദർശകരിൽ ഇന്ത്യ ഒന്നാം സ്‌ഥാനത്ത്‌ തുടരുകയാണ്. 2019 ൽ 735,309 (+22%) ഇന്ത്യൻ സഞ്ചാരികളാണ് മലേഷ്യയിലെത്തിയത്.

മലേഷ്യൻ ടൂറിസത്തിൻറെ പ്രചാരണത്തി0നായി ടൂറിസം സഹ മന്ത്രിയുടെ നേതൃത്വത്തിലുള്ള സംഘം കൊച്ചിയിൽ റോഡ് ഷോ സംഘടിപ്പിച്ചു. മലേഷ്യ അസോസിയേഷൻ ഓഫ് ടൂർ ആൻഡ് ട്രാവൽ ഏജൻറ്സ് (എം എ ടി ടി എ) സഹകരണത്തോടെയാണ് ടൂറിസം മലേഷ്യ കൊച്ചിയിൽ റോഡ് ഷോ സംഘടിപ്പിച്ചത്.