മുത്തൂറ്റ് ഫിനാന്‍സ് കടപ്പത്രങ്ങള്‍ക്ക് വന്‍ സ്വീകരണം; ആദ്യ ദിനത്തില്‍ തന്നെ ലക്ഷ്യമിട്ടതിലേറെ തുക സമാഹരിച്ചു

മുത്തൂറ്റ് ഫിനാന്‍സ് ലിമിറ്റഡിന്റെ 32-ാമത് കടപ്പത്ര സീരീസ് (Non Convertible Debentures /NCD) ആദ്യദിനം തന്നെ 7.7മടങ്ങ്‌ ഓവര്‍സബ്‌സ്‌ക്രൈബ്ഡ് ആയതായി മാനേജിംഗ് ഡയറക്ടര്‍ ജോര്‍ജ് അലക്‌സാണ്ടര്‍ മുത്തൂറ്റ് അറിയിച്ചു. നോണ്‍ ഇന്‍സ്റ്റിറ്റിയൂഷണല്‍ നിക്ഷേപകര്‍ 11.12 മടങ്ങും ഉയര്‍ന്ന ആസ്തിയുള്ള വ്യക്തികള്‍ (HNI) 7.27മടങ്ങും റീറ്റെയ്ല്‍ നിക്ഷേപകര്‍ 7.32 മടങ്ങുമാണ് സബ്‌സ്‌ക്രൈബ് ചയ്തത്.

1,000 രൂപ മുഖ വിലയുള്ള എന്‍.സി.ഡികള്‍ വഴി 700 കോടി രൂപ സമാഹരിക്കാനായിരുന്നു ലക്ഷ്യം. 100 കോടി രൂപയാണ് ഇഷ്യുവിന്റെ അടിസ്ഥാന തുക. ഇതിനു പറമെ അധികമായി സമാഹരിക്കുന്ന 600 കോടി കൈവശം വെക്കാനുള്ള അവകാശത്തോടെയാണ് 700 കോടി രൂപ സമാഹരിക്കാനാവുക.