നല്ല ഡിമാന്‍ഡ് ഉണ്ടായിരുന്ന ഉത്പന്നം ബ്രാന്‍ഡ് ചെയ്തപ്പോള്‍ വില്‍പ്പന കുറഞ്ഞോ, ഇതാണ് കാരണം!
ഉത്പന്നങ്ങള്‍ ബ്രാന്‍ഡ് ചെയ്യുമ്പോള്‍ പ്രധാനമായും അറിഞ്ഞിരിക്കേണ്ട ചില കാര്യങ്ങള്‍
നല്ല രീതിയില്‍ ബ്രാന്‍ഡ് ചെയ്ത് ഉത്പന്നം വിപണിയില്‍ എത്തിക്കുന്നത് ആളുകളെ ആകര്‍ഷിക്കാനും അതുവഴി കൂടുതല്‍ വില്‍പ്പന സാധ്യമാക്കാനുമാണ്. എന്നാല്‍ ബ്രാന്‍ഡിംഗ് മൂലം വില്‍പ്പന കുറഞ്ഞാലോ? അതെ, ചിലര്‍ക്കെങ്കിലും അങ്ങനെ സംഭവിച്ചിട്ടുണ്ട്. ഉദാഹരണത്തിന്, ചെറിയൊരു ഭക്ഷണശാലയില്‍ അവര്‍തന്നെയുണ്ടാക്കുന്ന അച്ചാറുകള്‍ ബില്ലിംഗ് കൗണ്ടറില്‍ പ്രദര്‍ശിപ്പിച്ച് വില്‍ക്കാറുണ്ടായിരുന്നു. ഉത്പാദകന്റെ പേരും വിലാസവും FSSAI നമ്പറും തുടങ്ങി നിയമപരമായി ആവശ്യമുള്ള വിവരങ്ങള്‍ ഒരു സ്റ്റിക്കര്‍ ആക്കി പാക്കറ്റില്‍ വച്ചായിരുന്നു വില്‍പ്പന; ഒട്ടും ആഡംബരം ഇല്ലാതെ. ഭക്ഷണം കഴിച്ച് ബില്ല് അടയ്ക്കാന്‍ വരുന്നവരാണ് ഉപഭോക്താക്കള്‍. സാമാന്യം നല്ലരീതില്‍ തന്നെ അച്ചാറുകള്‍ വിറ്റുപോയിരുന്നു. അവര്‍ ഇനിയും വില്‍പ്പന വര്‍ധിപ്പിക്കാനായി ബ്രാന്‍ഡിന് പേരുനല്‍കി ആളുകളെ ആകര്‍ഷിക്കുന്നതരത്തിലുള്ള ഡിസൈന്‍ ചെയ്ത് ഉത്പന്നം വില്‍പ്പനയ്ക്കായി വച്ചു. വിലയില്‍ മാറ്റമൊന്നും വരുത്തിയില്ല. പക്ഷെ സംഭവിച്ചത് ഒട്ടും പ്രതീക്ഷിക്കാത്ത കാര്യമായിരുന്നു. അച്ചാര്‍ വില്‍പ്പന ഗണ്യമായി കുറഞ്ഞു. എന്തായിരിക്കും കാരണം?
ഉപഭോക്താവും ബ്രാന്‍ഡും
വിലയും ബ്രാന്‍ഡും
മാര്‍ക്കറ്റും ബ്രാന്‍ഡും
പരിസ്ഥിതിയും ബ്രാന്‍ഡും
കാലാവസ്ഥയ്ക്കും ഉത്പന്നം വില്‍ക്കുന്ന ചുറ്റുപാടിനും അനുയോജ്യമായാവണം ബ്രാന്‍ഡിന്റെ നിറം നിശ്ചയിക്കേണ്ടത്. Air Conditioning ചെയ്യാത്ത സ്ഥാപനങ്ങളിലാണ് ഉത്പന്നം വില്‍ക്കാന്‍ വയ്ക്കുന്നതെങ്കില്‍ വെള്ള നിറത്തിലുള്ള പാക്കിംഗില്‍ പൊടി പിടിക്കാനുള്ള സാധ്യത വളരെ കൂടുതലാണ്. കൂടാതെ വെയില്‍ കൊള്ളുന്ന സാഹചര്യമുണ്ടായാല്‍ വെള്ള പാക്കിങ്ങില്‍ മഞ്ഞ നിറത്തിലുള്ള ഷെയ്ഡ് വരാനുള്ള സാധ്യതയുണ്ട്. ഇനി ഫ്രോസണ്‍ ഉത്പന്നങ്ങള്‍ ആണെങ്കിലോ... ഫ്രീസറിലെ കണ്ണാടി ചില്ലിലൂടെ നോക്കുമ്പോള്‍ എടുത്തുനിലക്കണമെങ്കില്‍ നല്ല കടും നിറം നല്‍കേണ്ടതുണ്ട്. ഇത്തരത്തില്‍ ഉത്പന്നം വില്‍ക്കുന്ന സാഹചര്യത്തെക്കൂടി പരിഗണിച്ചാവണം പാക്കിംഗ് ഡിസൈന്‍ ചെയ്യേണ്ടത്.