'അടിച്ച്' പൊളിക്കാന് പ്രീമിയം തന്നെ വേണം; കോളടിച്ച് മദ്യക്കമ്പനികള്
കടുത്ത വേനല് ചൂടില് ബിയര് ഡിമാന്ഡ് ഉയരുന്നു, വരുമാനം കുതിക്കുമെന്ന് പ്രതീക്ഷ
പ്രീമിയം മദ്യത്തിന് ഡിമാന്ഡ് വര്ധിക്കുന്ന സാഹചര്യത്തില് 2024-25ല് മദ്യ കമ്പനികളുടെ വരുമാനം 8-10 ശതമാനം വരെ വര്ധിക്കുമെന്ന് ഐ.സി.ആര്.എ റേറ്റിംഗ്സ്. എട്ടു ബ്രൂവറി കളുടെ കണക്കുകളെ അടിസ്ഥാനപ്പെടുത്തിയാണ് ഈ നിഗമനത്തില് എത്തിയത്. പ്രീമിയം മദ്യ ബ്രാന്ഡുകള്ക്ക് ഡിമാന്ഡ് വര്ധിച്ചതും വില്പന ഉയര്ന്നതുമാണ് മദ്യ കമ്പനികളുടെ മെച്ചപ്പെട്ട വളര്ച്ചാ സാധ്യതയ്ക്ക് കാരണമെന്ന് ഐ.സി.ആര്.എ റേറ്റിംഗ്സ് അഭിപ്രായപ്പെട്ടു.
കുപ്പികളുടെ വില കുറഞ്ഞതും ഡിമാന്ഡ് ഉയര്ന്നതും ബാര്ലി വില സ്ഥിരത കൈവരിച്ചതും ബിയര് കമ്പനികള്ക്ക് നേട്ടമായി. കുപ്പി ഉള്പ്പടെയുള്ള പാക്കിംഗ് സാധനങ്ങള്ക്കാണ് ഉത്പാദകര്ക്ക് 60% വരെ ചെലവ് വരുന്നത്. അരി വില കുറയാത്തത് ബിയര് ഒഴികെയുള്ള മദ്യങ്ങളുടെ ഉത്പാദന ചെലവ് വര്ധിപ്പിക്കും.
(നിയമപ്രകാരമുള്ള മുന്നറിയിപ്പ്: മദ്യപാനം ആരോഗ്യത്തിന് ഹാനികരം)