508 റെയില്‍വേ സ്റ്റേഷനുകള് നവീകരിക്കുന്ന കേന്ദ്ര പദ്ധതി: കേരളത്തില്‍ നിന്ന് 5 എണ്ണം മാത്രം
നടപ്പാക്കുന്നത് ₹24,000 കോടിയുടെ വികസന പദ്ധതി
Image : Indian Railways Ad
നിലവിലെ റെയില്‍വേ സ്റ്റേഷനുകള് ദീര്‍ഘകാല വീക്ഷണത്തോടെ ഉന്നത നിലവാരത്തിലേക്ക് ഉയര്‍ത്തുന്ന അമൃത് ഭാരത് സ്റ്റേഷന്‍ (Amrit Bharat Station) പദ്ധതിയില്‍ കേരളത്തില്‍ നിന്ന് ഇടംപിടിച്ചത് വെറും 5 സ്റ്റേഷനുകള്. 27 സംസ്ഥാനങ്ങളില്‍ നിന്നായി ആകെ 508 സ്റ്റേഷനുകളാണ് പദ്ധതിയിലുള്ളത്. മൊത്തം 24,470 കോടി രൂപയുടെ വികസന പദ്ധതിയാണിത്. കഴിഞ്ഞ ദിവസം പ്രധാനമന്ത്രി നരേന്ദ്ര മോദി പദ്ധതിയുടെ ശിലാസ്ഥാപനം നിര്‍വഹിച്ചിരുന്നു.
കാസര്‍ഗോഡ്, വടകര, തിരൂര്‍, ഷൊര്‍ണൂര്‍, പയ്യന്നൂര്‍ എന്നിവയാണ് കേരളത്തില്‍ നിന്ന് പദ്ധതിയില്‍ ഇടംനേടിയ സ്റ്റേഷനുകള്. മാസ്റ്റര്‍ പ്ലാന്‍ തയ്യാറാക്കി അത്യാധുനിക നിലവാരത്തിലേക്ക് ഈ സ്റ്റേഷനുകള് ഉയര്‍ത്തും. ദീര്‍ഘകാല വീക്ഷണത്തോടെയാണ് സ്റ്റേഷനുകള് നവീകരിക്കുക. ഇവയില്‍ മികച്ച സൗകര്യമുള്ള കഫറ്റീരിയ, വിപണന കേന്ദ്രങ്ങള്‍ തുടങ്ങിയവ ഉള്‍പ്പെടെയുണ്ടാകും.